SAN MATEO 18:24 - Chatino Tataltepec

²⁴ Lo'o nguxana ca ti nclyacua ti' rey jua'a̱, hora ti ndu'u tucua ngu' slo rey bi', ñaa lo'o ngu' ji'i̱ sca msu nu ndacui tyu̱u̱ tsa miyu̱ paxu ji'i̱.

SAN MATEO 18:24 Referans Kwoze

SAN LUCAS 16:5

Li' ngusi'ya yu ji'i̱ lcaa ñati̱ nu ndacui ji'i̱ xu'na yu, nchcuane yu ji'i̱ ngu' li': “¿Ni tsa lo ta ndacui nu'u̱ ji'i̱ xu'na na'?” nacui̱ yu ji'i̱ tsaca ngu'.

SAN LUCAS 13:4

Lo'o nu xa' taju ti'ñu xna tya'a ñati̱ bi' ni, ngujuii ngu' bi' ca to' hitya Siloé lo'o nclyú ni'i̱ cua̱ bi' hichu̱' ngu' li'. ¿Ha xqui'ya cha' xña'a̱ tsa ngu' ngua jua'a̱ nti' cu'ma̱? Ná xña'a̱ lye ngu' bi'. Na ngua'ni ti ngu' ñi'ya̱ nu ndu'ni tya'a ngu' quichi̱ Jerusalén,

SAN LUCAS 16:7

Li' nchcuane yu ji'i̱ chaca ngu': “Nu'u̱ ni, ¿ni tsa lo ndacui ji'i̱ xu'na na'?” “Sca siyento tya'a cujui̱ nscua' trigo”, nacui̱ ngu' bi' li'. “Ha̱a̱”, nacui̱ yu, “nde nscua quityi nu nscua cuentya jinu'u̱”, nacui̱ nu msu bi'. “Cua'a̱ clya nu'u̱ ca nde cha' scua chaca quityi nu ñacui̱ cha' jacuayala tya'a cujui̱ ti, tsa bi' ti ndacui ji'i̱ nu cusu'.”

SAN MATEO 18:23

’Chcui' na' chaca cha' lo'o ma̱, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Chcui' na' cha' ji'i̱ sca rey nu ngua ti' cua'ni tye tane', cha' ndacui tsa msu ji'i̱.

SAN MATEO 18:25

Ná ntsu'u cñi tsiya' ti ji'i̱ msu bi', cha' tya tane' bi' ji'i̱ xu'na yu; bi' cha' ngulo xu'na yu cña cha' cujui' ngu' ji'i̱ msu bi', lo'o ji'i̱ clyo'o yu, lo'o ji'i̱ ca ta'a sñi' yu, lo'o lcaa na nu ntsu'u ji'i̱ msu bi' ca caya' cha' tya cñi nu ndacui ji'i̱ xu'na yu li'.

SAN MATEO 25:15

’Nda nu cusu' ca'yu mil cñi plata ji'i̱ msu nu ya̱a̱ tya clyo, lo'o jua'a̱ nda yu tucua mil ji'i̱ chaca msu, lo'o jua'a̱ nda yu sca mil ji'i̱ chaca msu, cha' jlo ti' xu'na ngu' ñi'ya̱ caca ji'i̱ scaa msu bi' cua'ni cña lo'o cñi bi'. Li' ndu'u xu'na ngu', ndyaa tyijyu'.

SAN MATEO 25:16

Hora ti ndyaa msu nu ntsu'u ca'yu mil cñi plata ji'i̱, ngüi'ya yu yu'ba lo'o cñi bi'. Li' ndyujui' yu yu'ba bi', ngua'ni yu ngana ña'a̱ cuayá' nu ngujui chaca ca'yu mil cñi plata ji'i̱.

SAN MATEO 25:20

Clyo ndyalaa msu nu nda xu'na ca'yu mil cñi plata ji'i̱. “Xu'na”, nacui̱ msu bi', “nda nu'u̱ ca'yu mil cñi 'na, lo'o nu juani cua ngujui la chaca ca'yu mil cñi 'na, nu lo'o cua ngua'ni na' cña lo'o cñi bi' jinu'u̱”.

SAN MATEO 25:22

Lo'o li' ndyalaa chaca msu nu nda xu'na tucua mil cñi plata ji'i̱. “Xu'na”, nacui̱ msu bi', “nda nu'u̱ tucua mil cñi plata 'na, lo'o nu juani cua ngujui la tya tyucuaa mil cñi 'na cha' ngua'ni na' cña lo'o cñi bi' jinu'u̱”.

SAN MATEO 25:24

Lo'o li' ndyalaa chaca msu nu nda xu'na sca mil cñi ji'i̱ yu. “Xu'na”, nacui̱ msu bi', “jlo ti' na' cha' ñati̱ tiji tsa laca nu'u̱, cha' ndu'ni nu'u̱ clacua masi xa' ñati̱ ngua'ni cña bi'; jua'a̱ nscua' nu nchcuá' xa' ñati̱, bi' laca nu caja jinu'u̱.