SAN MATEO 18:23 - Chatino Tataltepec

²³ ’Chcui' na' chaca cha' lo'o ma̱, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Chcui' na' cha' ji'i̱ sca rey nu ngua ti' cua'ni tye tane', cha' ndacui tsa msu ji'i̱.

SAN MATEO 18:23 Referans Kwoze

SAN MATEO 13:24

Lo'o li' nda Jesús chaca cui̱i̱ lo'o ngu': ―Chcui' na' chaca cha' lo'o cu'ma̱, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Laca ycui' Ni ñi'ya̱ laca sca ñati̱ nu ndyataa xcui' si'yu tso'o lo xtya̱ trigo ji'i̱.

ROMANOS 14:12

Bi' cha' lacua, lcaa na lo'o tya'a na nga'a̱ cha' xacui̱ na cha' ji'i̱ ycui' Ndyosi lo'o tyalaa tsa̱ bi', lcaa cha' ñi'ya̱ nu ngua'ni scaa na lo'o ñaa na chalyuu.

SAN MATEO 13:47

―Lo'o chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús―. Laca ñi'ya̱ laca sca taraya tlyu nu ntucu̱ ngu' ji'i̱ lo hitya tyujo'o cha' xñi cualya, lo'o li' lcaa lo cualya ndyatí̱ ne' taraya bi'.

SAN MATEO 3:2

―Ca tyuju'u ti' cu'ma̱ ―nacui̱ Juan ji'i̱ ngu'―, xtyanu ma̱ ji'i̱ cha' cuxi nu ndyu'ni ma̱ ―nacui̱―. Cua xana ti cha' caca ycui' Ndyosi loo ne' cresiya ji'i̱ ñati̱ chalyuu.

1 CORINTIOS 4:5

Lo'o jua'a̱ cu'ma̱, ná yala tsa clyacua ti' ma̱ cha' sta ma̱ qui'ya ji'i̱ sca ñati̱; jatya ma̱ ña'a̱ cuayá' ca̱a̱ ycui' nu Xu'na na, bi' laca nu cua'ni cuayá' ji'i̱ ca ta'a na. Li' culotu̱ Ni ji'i̱ lcaa cha' cuxi nu ntsu'u cuaana ti ne' cresiya ji'na, masi sca cha' nu ná nti' na cacha' na ji'i̱ tya'a ñati̱ chalyuu na. Jua'a̱ cacha' Ni lcaa cha' nu ntsu'u ne' cresiya ji'i̱ lcaa ñati̱ chalyuu, lo'o li' ta Ni nu tso'o ji'na, cua ña'a̱ ca cha' tso'o nu ñacui̱ Ni cha' tyacua ji'i̱ scaa na.

SAN MATEO 25:14

’Lo'o jua'a̱, ta na' chaca cha' lo'o ma̱, cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Cua tsaa ti sca nu culiya' tyijyu', bi' cha' ngusi'ya yu ji'i̱ ca ta'a msu ji'i̱, cha' ca̱a̱ ngu' slo. Li' nguxtyanu xu'na ngu' xi cñi ji'i̱ scaa msu bi', cha' cua'ni ngu' cña lo'o cñi bi' cuentya ji'i̱ ycui' nu culiya' bi'.

SAN MATEO 13:52

Li' xa' nguxacui̱ Jesús cha' ji'i̱ ngu' nu ndyaca tsa'a̱ ji'i̱: ―Sca mstru cha' jo'ó ni, si ngusñi yu cha' jna', si ngua tsa'a̱ yu ñi'ya̱ caca lo'o laca ycui' Ndyosi loo ne' cresiya ji'i̱ ñati̱ ―nacui̱ Jesús―, li' laca yu bi' ñi'ya̱ laca sca nu culiya' nu ntsu'u tsa cha' tso'o nu ndyu'u co'o toni'i̱ ji'i̱; tso'o tsa ntsu'u tyiquee yu, bi' cha' ntsu'u tsa cha' tso'o nu caca culu'u yu ji'i̱ xa' ñati̱, masi cha' cusu', masi cha' cucui.

SAN MATEO 13:33

Lo'o jua'a̱ nda Jesús chaca cui̱i̱ lo'o ngu': ―Chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Caca bi' ñi'ya̱ laca sa ycu' scua̱ tiye', nu xñi sca nu cuna'a̱ cha' su'ba ji'i̱ lo sna sca' catyá xlyá; quixa' li', cha' tsa tlyu ti tyacuí̱ lcaa scua̱ bi'.

SAN MATEO 13:31

Lo'o jua'a̱ nda Jesús chaca cui̱i̱ lo'o ngu': ―Chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Caca bi' ñi'ya̱ laca sca ti si'yu cuxee nu ndyataa sca ñati̱ ne' lo'o ji'i̱ yu.

SAN MATEO 25:1

’Ta na' chaca cha' lo'o ma̱ cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Ndyaa tii tya'a nu cuna'a̱ cuañi' ca to' tyi sca nu cuna'a̱ nu laca cuxi̱i̱ ji'i̱ ngu'; ntsu'u candil ji'i̱ ca ta'a tii tya'a ngu', cha' jatya ngu' ji'i̱ cutsii.

SAN MATEO 7:24

’Lcaa ñati̱ nu cuna tso'o cha' nu nchcui' na' re, lcaa ñati̱ nu taquiya' tso'o ji'i̱ cha' nu nchcui' na', laca ñati̱ bi' ñi'ya̱ laca sca ñati̱ nu ngulacua xi ti' nu lo'o tya lyiji cuiñá yu ni'i̱ ji'i̱. Lo'o li' ngüiñá yu bi' ni'i̱ ji'i̱ yu chu̱' sca quee cuaja'.

SAN MATEO 18:24

Lo'o nguxana ca ti nclyacua ti' rey jua'a̱, hora ti ndu'u tucua ngu' slo rey bi', ñaa lo'o ngu' ji'i̱ sca msu nu ndacui tyu̱u̱ tsa miyu̱ paxu ji'i̱.