SAN MATEO 18:12 - Chatino Tataltepec

¹² ’¿Ñi'ya̱ nti' ma̱ ni? Cua ntsu'u sca siyento tya'a xlya' ji'i̱ sca ñati̱, lo'o li' nguna' tsaca ji'i̱ yu. ¿Ñi'ya̱ cua'ni yu li'? Ndi'ya̱ cua'ni yu ñacui̱ na': xtyanu yu ji'i̱ taju xlya' quiña'a̱ bi' sii' ca'ya su tso'o ti ndi'i̱ ni', cha' tsaa yu tsaana yu ji'i̱ xlya' nu nguna' ji'i̱ yu bi'.

SAN MATEO 18:12 Referans Kwoze

1 PEDRO 2:25

Lo'o juani nga'aa ndya'a̱ yu'u ti ma̱, ñi'ya̱ ndya'a̱ yu'u xlya'; na cua nguxtyu̱u̱ ma̱ ñaa ma̱ ca su nga'a̱ ycui' nu Xu'na ma̱ nu ña'a̱si̱i̱ ji'i̱ cresiya ji'i̱ ma̱.

SAN MATEO 12:11

Lo'o li' nguxacui̱ yu cha' ji'i̱ ngu': ―¿Ha ná culo ma̱ ji'i̱ sca xlya' ji'i̱ ma̱ si tyú ni' ne' tyuu? ―nacui̱ Jesús ji'i̱ ngu'―. Culo ma̱ ji'i̱ ni' tu'ni, masi tsa̱ ta'a laca.

SAN MATEO 21:28

Tya ngulu'u la Jesús xi cha' ji'i̱ ngu' li': ―Chcui' na' sca cui̱i̱ re lo'o ma̱, lo'o li' xacui̱ ma̱ cha' jna' ―nacui̱ Jesús ji'i̱ ngu'―. Cua ndi'i̱ sca nu cusu' nu ntsu'u tucua tya'a sñi' qui'yu ji'i̱. Li' nchcui' nu cusu' bi' lo'o sñi' nu ngula clyo: “Sñi'”, nacui̱ ji'i̱ sñi' clyo bi', “yaa nu'u̱ cua'ni cña ne' lo'o 'na juani, su ntsu'u yaca si'yu losu' tyixi 'na”.

1 CORINTIOS 10:15

Nti' na' cha' nduna tso'o ma̱, cua laca nclyacua tso'o ti' ma̱ nti' na', bi' cha' nchcui' na' lo'o ma̱ jua'a̱. Taca cui'ya ma̱ cuentya cha' chañi laca cha' nu nda na' lo'o ma̱ juani.

SAN MATEO 22:42

―¿Ñi'ya̱ nti' cu'ma̱ cuentya ji'i̱ Cristo nu ntsu'u cha' ca̱a̱? ―nacui̱ Jesús ji'i̱ ngu' bi'―. ¿Tilaca ngua jyo'o cusu' ji'i̱ nu Cristo bi' nti' ma̱? ―Ñati̱ tya'a ji'i̱ jyo'o rey David caca nu bi' ―nacui̱ ngu' ji'i̱.

SAN MATEO 18:13

Lo'o quije bi' ji'i̱ yu, ca chaa tsa ti' yu li', cha' tso'o tsa ntsu'u tyiquee yu ña'a̱ yu ji'i̱ nu sca ca xlya' nu cua nguna' ji'i̱ yu; pana ná ntsu'u cha' culacua ti' yu ji'i̱ nu jacuayala tyii ntucua caa tya'a xlya' nu ndyanu tso'o ti.