SAN MATEO 18:1 - Chatino Tataltepec

¹ La cui' tyempo bi' ndyalaa lcaa ngu' nu ndyaca tsa'a̱ ji'i̱ slo Jesús cha' chcui' ngu' lo'o: ―¿Tilaca laca nu ndulo la cha' ji'i̱ ca su laca ycui' Ndyosi loo? ―nacui̱ ngu' ji'i̱ Jesús.

SAN MATEO 18:1 Referans Kwoze

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

SAN MATEO 23:11

Nu cu'ma̱ nu ndulo la cha' ji'i̱ ma̱ cuentya ji'i̱ tya'a ma̱, nga'a̱ cha' cua'ni ma̱ cua ña'a̱ ca cña nu culo lcaa tya'a ma̱ ji'i̱ ma̱, masi laca ma̱ loo ji'i̱ ngu'.

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

SAN MATEO 7:21

’Ntsu'u tsa ngu' nu nchcui' lo'o na': “Xu'na, Xu'na”, nacui̱ ngu' 'na; pana si'i lcaa ngu' bi' nu tyatí̱ ca su laca ycui' Ni loo. Sca ti ngu' nu taquiya' ji'i̱ cha' nu nchcui' Sti na' nu ntucua nde cua̱, bi' ngu' laca nu tyatí̱ ca su laca ycui' Ni loo.

SAN MATEO 3:2

―Ca tyuju'u ti' cu'ma̱ ―nacui̱ Juan ji'i̱ ngu'―, xtyanu ma̱ ji'i̱ cha' cuxi nu ndyu'ni ma̱ ―nacui̱―. Cua xana ti cha' caca ycui' Ndyosi loo ne' cresiya ji'i̱ ñati̱ chalyuu.

SAN MATEO 18:2

Li' ngusi'ya Jesús ji'i̱ sca nu piti cha' ca̱a̱ slo yu, cha' tyatu̱ nu piti slo ngu' nu ndyaca tsa'a̱ ji'i̱.