SAN MATEO 17:4 - Chatino Tataltepec

⁴ Li' nchcui' Pedro lo'o Jesús: ―Xu'na ―nacui̱ Pedro ji'i̱―, tso'o tsa cha' nga'a̱ ya re ―nacui̱―. ¿Ha tso'o nti' nu'u̱ si cuiñá na' sna tya'a chcua'ya? Tsaca laca su tyi'i̱ ycui' nu'u̱, chaca su tyi'i̱ La Moisés, chaca su tyi'i̱ La Elías.

SAN MATEO 17:4 Referans Kwoze

SAN LUCAS 9:33

Nu lo'o cua tyaa ti tyucuaa ngu' bi', li' nacui̱ Pedro ji'i̱ Jesús: ―Xu'na ―nacui̱―, tso'o tsa cha' ndi'i̱ ya nde. Cuiñá ya sna tya'a chcua'ya: tsaca laca su tyi'i̱ ycui' nu'u̱, chaca su tyi'i̱ La Moisés, lo'o chaca su tyi'i̱ La Elías ―nacui̱. Pana nu Pedro bi' ni, ná ngua cuayá' ti' yu ñi'ya̱ ndyu'u cha' nu nchcui' ycui' ca yu.

SAN JUAN 17:24

’Sti na' ―nacui̱ Jesús ji'i̱ ycui' Ndyosi Sti yu―, cua nti' na' cha' tyi'i̱ ñati̱ nu nda nu'u̱ 'na ca su tyucua na'. Li' ña'a̱ ngu' bi' 'na nde su tlyu la su nda nu'u̱ 'na, cha' tyaca'a tsa na' jinu'u̱ tya lo'o tya lyiji xana chalyuu.

APOCALIPSIS 21:23

Nga'aa cua'nijo'o xee cuichaa cuentya ji'i̱ quichi̱ bi', la cui' jua'a̱ nga'aa nti' cha' quiji'i̱ xee co' lo. Tso'o tsa ña'a̱ xee quichi̱ bi', xqui'ya cha' lubii tsa xee nu nda ycui' Ndyosi, jua'a̱ lubii tsa xee su ntucua nu ñi'ya̱ ña'a̱ xlya' bi';

1 JUAN 3:2

Cu'ma̱ ngu' tya'a na nu tyaca'a tsa ma̱ 'na, nu juani ti laca na sñi' ycui' Ndyosi; pana bilya caja cha' ji'na ñi'ya̱ nu tso'o la ña'a̱ na, nu lo'o tyi'i̱ na lo'o ycui' Ni nde loo la. Ñi'ya̱ laca ycui' Jesucristo, jua'a̱ caca na lo'o culu'u loo Jesucristo ji'na lo'o cua ndye chalyuu re; li' taca ña'a̱ na ji'i̱ Jesucristo ñi'ya̱ nu laca ycui'. Tsa bi' ti cha' nchca cuayá' ti' na juani.

FILIPENSES 1:23

Tyucuaa lo cha' nti' na' cha' caca 'na lacua: Nti' tsa na' cha' xtyanu na' ji'i̱ chalyuu re, cha' li' taca tyi'i̱ na' lo'o Cristo, cha' bi' nu tso'o la nti' na';

SAN MATEO 17:3

Lo'o li' ndu'u tucua jyo'o Moisés lo'o jyo'o Elías, ndu̱ ngu' nchcui' ngu' lo'o Jesús. Lo'o nu ngu' tya'a ndya'a̱ Jesús bi', na'a̱ ngu' ji'i̱ ngu' bi'.

SAN JUAN 7:2

Cua ngulala sca ta'a ji'i̱ ngu' judío, nu ndu'ni ngu' ji'i̱: ta'a chcua'ya.