SAN MATEO 17:27 - Chatino Tataltepec

²⁷ Pana ná nti' na cha' ca ñasi̱' ngu' ji'na, ngu' nu laca loo ne' laa tonu, bi' cha' yaa clya nu'u̱ to' tayu' cha' cu̱ nu'u̱ chcua̱ xñi cualya lo hitya, cha' xñi nu'u̱ ji'i̱ sca cualya. Li' taya' nu'u̱ ji'i̱ cualya nu caja jinu'u̱ clyo, scana tu'ba cualya bi', cha' culo nu'u̱ cñi nu ntsu'u tu'ba ni'; tyu'u scua cñi bi' cha' ta nu'u̱ cñi ji'i̱ ngu' cuentya jinu'u̱, lo'o jua'a̱ cuentya jna'.

SAN MATEO 17:27 Referans Kwoze

2 CORINTIOS 6:3

Ná nti' ya cha' xtyí lo'o ngu' ji'i̱ ya xqui'ya cña nu ndyu'ni ya, cha' lo'o ji'i̱ ycui' Ndyosi xtyí lo'o ngu' bi' li'; bi' cha' ná ta ya chacuayá' cha' tyu'u tucua sca cha' cuxi, nu xqui'ya bi' taca chcui' ngu' ji'i̱ ya.

2 CORINTIOS 8:9

Cua jlo ti' ma̱ ñi'ya̱ ndu'ni Jesucristo nu Xu'na na, cha' xcui' tso'o tsa ndu'ni Ni lo'o ñati̱. Lcaa na cua ntsu'u ji'i̱ Ni, pana cua ntaja'a̱ Ni ngua Ni sca ñati̱ ti, ñi'ya̱ nti' sca ñati̱ ti'i nu ná sca na ntsu'u ji'i̱ tsiya' ti. Xqui'ya cu'ma̱, bi' cha' ngua'ni Ni jua'a̱, cha' tiya' la li' taca caja lcaa na nu ntsu'u ji'i̱ ycui' Ni ji'i̱ ma̱.

1 CORINTIOS 8:9

Bi' cha' cui'ya ma̱ cuentya ñi'ya̱ cua'ni ma̱ slo ngu' nu tya nclyacua tsa ti' bi'. Ntsu'u chacuayá' ji'na cha' cacu na cua ña'a̱ ca na tu'ni; pana ná tyiquee' tyu'utsu' ngu' bi' ji'i̱ tyucui̱i̱ liñi si ná tso'o ti cua'ni ma̱ slo ngu', si cacu ma̱ msta̱ nu nscua slo jo'ó tya clyo.

1 CORINTIOS 8:13

Lo'o jua'a̱ na', tso'o la masi ná cacu na' cuaña' nu cua nscua slo jo'ó, cha' jua'a̱ ná cua'ni ngu' tya'a na' cha' cuxi xqui'ya na' li'. Ná nti' na' cha' tyu'utsu' ngu' tya'a na' ji'i̱ tyucui̱i̱ liñi.

ROMANOS 14:21

Tso'o la masi ná cacu ma̱ cuaña' tsiya' ti, masi ná co'o ma̱ lcui tsiya' ti, si nti' ma̱ cha' cuxi laca na bi' cuentya ji'i̱ tya'a ñati̱ ma̱. Ni sca na ná cua'ni ma̱ nu cua'ni cha' tya'a̱chu̱' ngu' tya'a ma̱ ji'i̱ Jesús, cha' cua'ni ngu' cha' cuxi, cha' quiñu'u̱ cresiya ji'i̱ ngu'.

SANTIAGO 2:5

Cu'ma̱ ngu' tya'a na nu tyaca'a tsa ma̱ 'na, cui'ya ma̱ cuentya ji'i̱ cha' re: Cua ngusubi ycui' Ndyosi ji'i̱ ñati̱ ti'i cha' taca xñi tso'o ngu' cha' ji'i̱ ycui' Ni; ta Ni chalyuu tso'o ji'i̱ ngu' bi' li', la cui' chalyuu nu nacui̱ Ni cha' caja ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni. Masi ti'i tsa ñati̱ bi' nde chalyuu, pana culiya' ngu' cuentya ji'i̱ ycui' Ndyosi.

1 TESALONICENSES 5:22

pana culochu̱' ma̱ ji'i̱ lcaa cha' cuxi li'.

SAN JUAN 6:61

Jlo ti' Jesús cha' nchcui' tsa nu ngu' nu ndyaca tsa'a̱ bi' lo'o tya'a ngu' cuentya ji'i̱ cha' nu cua nda ca ti yu lo'o ngu', bi' cha' nchcui' yu lo'o ngu' chaca quiya': ―¿Ha ngua tyuju'u ti' ma̱ 'na xqui'ya cha' nu nchcui' na' lo'o ma̱? ―nacui̱ yu―.

SAN MATEO 5:29

’Tso'o la si culo ma̱ si'yu cloo ma̱ la'a tsu' cui̱, xcua̱a̱ ma̱ ji'i̱ li', si si'yu cloo ma̱ ndacui qui'ya cha' ndu'ni ma̱ cha' cuxi. Masi cuityi̱' ma̱, tyanu lubii cresiya ji'i̱ ma̱ li', cha' ná tsaa ma̱ su lye ndyaqui̱ quii' ca bilyaa.

SAN MATEO 5:30

Tso'o la xi'yu cu' ma̱ ya' ma̱ la'a tsu' cui̱, xcua̱a̱ ma̱ ji'i̱ li', si ya' ma̱ ndacui qui'ya cha' ndu'ni ma̱ cha' cuxi. Masi cu' ya' ma̱, tyanu lubii cresiya ji'i̱ ma̱ li', cha' ná tsaa ma̱ su lye ndyaqui̱ quii' ca bilyaa.

SAN MATEO 17:26

―Ji'i̱ xa' ñati̱ nclyo ngu' nu laca loo cñi, si'i ji'i̱ sñi' ―nacui̱ Pedro li'. ―Chañi hi̱. Ná lo'o sñi' ngu' nda caya' cuentya ji'i̱ cha' bi' lacua ―nacui̱ Jesús ji'i̱ Pedro―.

SAN MATEO 18:6

’Si ntsu'u ñati̱ nu ndatsaa ji'i̱ xa' ñati̱ cha' cua'ni ngu' cha' cuxi', masi tatsaa ñati̱ bi' ji'i̱ nu piti re cha' cua'ni yu cha' cuxi, tso'o la masi tyaaca̱' sca quichi tonu yane ñati̱ cuxi bi', lo'o li' xtyú ngu' ji'i̱ ñati̱ bi' lo hitya tyujo'o cha' tye cha' ji'i̱ tsiya' ti; tso'o la si cajaa ñati̱ nu jua'a̱ ndu'ni, cha' nga'aa tatsaa ji'i̱ xa' la ngu' sube cha' cua'ni ngu' cha' cuxi.

SAN MATEO 18:8

’Nga'a̱ cha' xtyanu ma̱ tsiya' ti lcaa cha' cuxi nu ndiya tsa ti' ma̱ ji'i̱, masi tiji̱' tsa ti' ma̱ ji'i̱ sca cha' bi' ñi'ya̱ laca si ya' ma̱ laca, ñi'ya̱ laca si quiya' ma̱ laca. Tso'o la xana chalyuu nu ná nga'a̱ cha' tye ji'i̱ ma̱, masi ná lo'o cha' cuxi bi' nu tiji̱' tsa ti' ma̱ ji'i̱, lo'o li' ná tyalaa ma̱ su nga'aa tye tsiya' ti cha' tyaqui̱ quii'.

SAN MARCOS 9:42

’Ná tso'o culu'u sca ñati̱ tyucui̱i̱ cuxi ji'i̱ ñati̱ nu jlya ti' 'na ñi'ya̱ jlya ti' nu sube ―nacui̱ Jesús―. Tso'o la masi tyaaca̱' sca quichi tonu yane yu cuxi bi', li' xtyú ngu' ji'i̱ yu lo hitya tyujo'o.

SAN MARCOS 9:43

Nga'a̱ cha' xtyanu ma̱ tsiya' ti ji'i̱ sca cha' cuxi nu ndiya tsa ti' ma̱ ji'i̱, masi ndulo tsa cha' bi' ji'i̱ ma̱, nti' ma̱, ñi'ya̱ si laca ya' ma̱. Tso'o la si xana chalyuu nu ná nga'a̱ cha' tye ji'i̱ ma̱, masi ná lo'o cha' cuxi nu ndulo tsa ji'i̱ ma̱ nquicha', cha' li' ná tyalaa ma̱ su cuxi tsa ca bilyaa. Ná ntsu'u cha' tye cha' ndyaqui̱ quii' ca bi', tsa cu' ti ndyaqui̱.

SAN LUCAS 17:2

Tso'o la si tsaa ngu' xcua̱a̱ ngu' ji'i̱ yu lo tyujo'o lo'o sca quee quichi tyaaca̱' yane yu, cha' nga'aa caja ñi'ya̱ nu tatsaa yu ji'i̱ ni sca ñati̱ ñi'ya̱ nti' nu sube re, cha' cua'ni ngu' cha' cuxi lo'o yu.