SAN MATEO 17:20 - Chatino Tataltepec

²⁰ Li' nguxacui̱ Jesús cha' ji'i̱ ngu' bi': ―Xti ti cha' jlya ti' ma̱ ji'i̱ ycui' Ni, bi' cha' ná ngua ji'i̱ ma̱ ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' si chañi ca cha' jlya ti' ma̱ cha' ji'i̱ ycui' Ndyosi, masi tsa lo cua sca si'yu cuxee ti nu piti tsa, si jua'a̱ ti jlya ti' ma̱ cha' ji'i̱ Ni, li' taca chcui' ma̱ lo'o ca'ya cua̱ nde: “Tyu'utsu' nu'u̱ tyaa nu'u̱ chaca se'i̱ cajua la”, ñacui̱ ma̱ ji'i̱. Lo'o li' taquiya' ca'ya bi' cha' nu nchcui' ma̱ lo'o, tyu'utsu' ca'ya bi' tsaa chaca se'i̱ li'. Ná ntsu'u cha' nu ná caca cua'ni ma̱ si chañi ca cha' jlya ti' ma̱ 'na.

SAN MATEO 17:20 Referans Kwoze

SAN LUCAS 17:6

―Jlo ti' ma̱ cha' piti tsa sca si'yu cuxee ―nacui̱ Jesús ji'i̱ ngu'―, lo'o jua'a̱ cu'ma̱ ni, ná quiña'a̱ tsa cha' nchca ji'i̱ ma̱. Pana masi xti ti cha' jlya ti' ma̱ ji'i̱ ycui' Sti na', taca ñacui̱ ma̱ ji'i̱ yaca quityi re: “Tyu'utsu' nu'u̱ ca su ndu̱ re, yaa nu'u̱ tyu̱ nde lo hitya tyujo'o”. Lo'o li' ña'a̱ ma̱ cha' taquiya' yaca bi' cha' nu cua nchcui' ma̱ lo'o.

SAN MARCOS 11:23

Chañi cha' nu nchcui' na' lo'o ma̱ juani, cha' si chcui' ma̱ lo'o ca'ya re: “Tyu'utsu' nu'u̱, yaa xcua nu'u̱ nde lo hitya tyujo'o”, ñacui̱ ma̱, jua'a̱ cua'ni ycui' Ni lo'o ca'ya bi'. Jua'a̱ caca si chañi ji'i̱ ma̱ cha' jlya ti' ma̱ cha' caca sca cha' nu jña ma̱ ji'i̱ Ni, pana si ná jlya ti' ma̱ cha' nu nchcui' ycui' Ndyosi, ná caca bi' li'.

SAN LUCAS 18:27

―Bi' laca sca cha' nu ná nchca cua'ni ni sca ñati̱ chalyuu; pana ycui' Ndyosi ni, nchca ji'i̱ Ni cua'ni Ni cha' tyalaa ngu' slo Ni ―nacui̱ Jesús ji'i̱ ngu' bi'.

SAN LUCAS 1:37

Ni sca cha' ná tucui nti' ycui' Ndyosi.

SAN MATEO 21:21

Li' nguxacui̱ Jesús cha' ji'i̱ ngu' bi': ―Cha' liñi nchcui' na' lo'o ma̱ juani ―nacui̱―. Si chañi cha' jlya ti' ma̱ ji'i̱ ycui' Ndyosi, si si'i cha' tucua ti cha' ntsu'u tyiquee ma̱ nchcui' ma̱ lo'o Ni, lo'o cu'ma̱ caca ji'i̱ ma̱ cua'ni ma̱ sca cha' tlyu jua'a̱. Si'i cha' quityi sca yaca ti chcui' ma̱ lo'o ycui' Ndyosi li', masi taca chcui' ma̱ lo'o ca'ya jua ndi'ya̱: “Tyu'utsu' nu'u̱, yaa xcua nu'u̱ nde lo hitya tyujo'o”, ñacui̱ ma̱ ji'i̱. Lo'o li' jua'a̱ caca ji'i̱, cha' tyu'utsu' ca'ya bi'.

SAN MARCOS 9:23

―¿Ni cha' laca nacui̱ nu'u̱ 'na jua'a̱, si nchca 'na? ―nacui̱ Jesús ji'i̱―. Lcaa lo cña nchca ji'i̱ sca ñati̱ nu jlya ti' ji'i̱ ycui' Ndyosi ―nacui̱.

1 CORINTIOS 13:2

Ná ndu'ni cha' masi cacha' na lcaa cha' nu nda ycui' Ndyosi lo'o ñati̱, si ná ntsu'u tyiquee na ña'a̱ na ji'i̱ ngu'. Ná ndu'ni cha' masi jlo ti' na lcaa cha' ji'i̱ ycui' Ndyosi, masi tso'o tsa nchca cuayá' ti' na sca cha' nu ná ngujui ñi'ya̱ nu caca cuayá' ti' ñati̱ nu ngua sa'ni la; ná sca na laca na cuentya ji'i̱ ycui' Ndyosi si ná ntsu'u tyiquee na ña'a̱ na ji'i̱ ñati̱. La cui' ti masi jlya tsa ti' na ji'i̱ ycui' Ndyosi ñi'ya̱ nti' si caca cuityi̱ na ji'i̱ sca ca'ya cua̱, pana si ná ntsu'u tyiquee na ña'a̱ na ji'i̱ ñati̱, ná sca na laca na li'.

SAN MATEO 13:31

Lo'o jua'a̱ nda Jesús chaca cui̱i̱ lo'o ngu': ―Chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Caca bi' ñi'ya̱ laca sca ti si'yu cuxee nu ndyataa sca ñati̱ ne' lo'o ji'i̱ yu.

SAN JUAN 11:40

Li' nacui̱ Jesús: ―Caca ña'a̱ ma̱ cha' tlyu tsa nu ndu'ni ycui' Ndyosi nu lo'o jlya ti' ma̱ ji'i̱ Ni. ¿Ha si'i jua'a̱ ni na' ji'i̱ ma̱ tsa̱?

SAN MARCOS 4:31

Caca bi' ñi'ya̱ laca sca ti si'yu cuxee nu ndyataa ngu'. Si'yu bi' laca nu si'yu sube la tyucui ña'a̱ chalyuu, cha' ná ntsu'u xa' si'yu nu sube la.

HEBREOS 3:19

Nchca cuayá' ti' na lacua, cha' nga'aa ndyalaa ngu' bi' ca su nacui̱ Ni ji'i̱ ngu' cha' tsaa ngu', xqui'ya cha' nga'aa ndaquiya' ngu' cha' ji'i̱ ycui' Ndyosi.

SAN MATEO 17:17

―Ná jlya ti' cu'ma̱ tsiya' ti ―nacui̱ Jesús ji'i̱ ngu' bi'―. Cuxi tsa cresiya ji'i̱ ma̱. Nga'aa tso'o tyanu na' slo cu'ma̱, nga'aa talo na' ji'i̱ ma̱ tsiya' ti. Pana ca̱a̱ lo'o ma̱ ji'i̱ nu quicha jua slo na' juani.

1 CORINTIOS 12:9

lo'o jua'a̱ ntsu'u ngu' nu tso'o tsa jlya ti' ji'i̱ ycui' Ndyosi; lo'o jua'a̱ ntsu'u ngu' nu nchca ji'i̱ cua'ni cha' tyaca tso'o nu quicha chacuayá' ji'i̱ Jesús;

SAN MATEO 17:9

Lo'o lijya̱ nda'ya ti'i̱ ngu' sii' ca'ya bi', li' ngulo Jesús cña ji'i̱ ngu' nu ndyaca tsa'a̱ ji'i̱: ―Ná cacha' ma̱ ji'i̱ xa' ñati̱ ñi'ya̱ ngua cha' nu cua na'a̱ ma̱ lo xlya ca'ya jua tsa̱ ―nacui̱ Jesús ji'i̱ ngu' bi'―. Nu lo'o cua ngujuii ycui' na' nu cua nda Ni 'na lijya̱a̱ cha' caca na' ñati̱, nu lo'o tyu'ú na' chaca quiya', li' taca cacha' ma̱ cha' bi' ji'i̱ xa' ñati̱.

SAN MATEO 8:26

Li' nguxacui̱ Jesús cha' ji'i̱ ngu' bi': ―¿Ni cha' ntsi̱i̱ tsa ma̱? ―nacui̱ ji'i̱ ngu'―. ¡Xi tsa tyempo ndalo ma̱, cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni cña! Lo'o li' ndyatu̱ Jesús, nchcui' lo'o cui'i̱ lo'o clyoo' cha' cua'a ji'i̱ cha' bi'; hora ti ngua ti̱ bi' li'.

SAN MATEO 17:19

Ca tiya' la xi nchcuane ngu' nu ndyaca tsa'a̱ ji'i̱ Jesús su ntucua ycui' ti ngu': ―¿Ni cha' ná ngua ji'i̱ ya culo ya ji'i̱ cui'i̱ cuxi bi' lacua? ―nacui̱ ngu' ji'i̱ Jesús.

SAN MARCOS 11:22

―Nga'a̱ cha' jlya ti' ma̱ ji'i̱ ycui' Ndyosi ―nacui̱ Jesús ji'i̱ ngu' li'―.

SAN MATEO 14:29

―Ca̱a̱ nu'u̱ ca nde ―nacui̱ Jesús ji'i̱ Pedro li'. Lo'o li' ngutu'u Pedro ne' yaca ni'i̱, ndya'a̱ yu lo hitya cha' tyalaa yu ca su ndu̱ ycui' Jesús.