SAN MATEO 17:17 - Chatino Tataltepec

¹⁷ ―Ná jlya ti' cu'ma̱ tsiya' ti ―nacui̱ Jesús ji'i̱ ngu' bi'―. Cuxi tsa cresiya ji'i̱ ma̱. Nga'aa tso'o tyanu na' slo cu'ma̱, nga'aa talo na' ji'i̱ ma̱ tsiya' ti. Pana ca̱a̱ lo'o ma̱ ji'i̱ nu quicha jua slo na' juani.

SAN MATEO 17:17 Referans Kwoze

SAN MATEO 6:30

Ñi'ya̱ lo'o tso'o tsa ngüiñá ycui' Ndyosi ji'i̱ queé cua, cha' nda Ni sca lo ste' bi', masi sca ti tsa̱ talo queé bi' lo'o li' tyaqui̱ ntsu'u quiya'; la cui' jua'a̱ ta ycui' Ni late' cacu' ma̱, masi xti tsa cha' jlya ti' ma̱ ji'i̱ ycui' Ni.

LOS HECHOS 13:18

Nu lo'o nguta'a̱ ngu' loyuu btyi bi' tya tu'ba yija̱, ndalo tsa tyiquee ycui' Ni ji'i̱ jyo'o cusu' ji'na li', masi quiña'a̱ tsa cha' cuxi ngua'ni ngu' bi'.

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN MARCOS 9:19

―Ná jlya ti' cu'ma̱ tsiya' ti ―nacui̱ Jesús ji'i̱ ngu' bi'―. Cuxi tsa cresiya ji'i̱ ma̱. Nga'aa tso'o tyanu na' slo cu'ma̱, nga'aa talo na' ji'i̱ ma̱ tsiya' ti. Pana ca̱a̱ lo'o ma̱ ji'i̱ nu quicha jua slo na' juani.

SAN MATEO 13:58

Xti tsa cha' tlyu ngua'ni Jesús quichi̱ bi'. Ná jlya ti' ngu' ji'i̱ tsiya' ti, bi' cha' ná ngua'ni yu quiña'a̱ cha' tlyu ca bi'.

SAN MATEO 8:26

Li' nguxacui̱ Jesús cha' ji'i̱ ngu' bi': ―¿Ni cha' ntsi̱i̱ tsa ma̱? ―nacui̱ ji'i̱ ngu'―. ¡Xi tsa tyempo ndalo ma̱, cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni cña! Lo'o li' ndyatu̱ Jesús, nchcui' lo'o cui'i̱ lo'o clyoo' cha' cua'a ji'i̱ cha' bi'; hora ti ngua ti̱ bi' li'.

SAN JUAN 20:27

Li' nchcui' Jesús lo'o ycui' Tomás: ―Cua̱a̱ nu'u̱ ca nde, cojo' sne ya' nu'u̱ su ntucua cuityu ya' na' ―nacui̱―. Ña'a̱ tso'o nu'u̱ su ntucua cuityu ya' na' re. Cua̱a̱ nu'u̱, cojo' ya' sii' na'. Nga'aa cua'ni nu'u̱ cha' ná jlya ti' nu'u̱ 'na, taca jlya tso'o ti' nu'u̱ 'na juani ―nacui̱ Jesús.

SAN LUCAS 24:25

Li' nchcui' Jesús lo'o nu ngu' nu tya'a ndyaa yu tyucui̱i̱: ―Lyiji tsa cha' ji'i̱ cu'ma̱ cha' ca cuayá' ti' ma̱ scaa cha'; tiya' tsa nxñi ma̱ lcaa cha' nu nda ngu' jyo'o nu ngua tu'ba ji'i̱ ycui' Ndyosi sa'ni la.

SAN LUCAS 9:41

Li' nguxacui̱ Jesús cha' ji'i̱ ngu': ―Ná jlya ti' ma̱ 'na tsiya' ti, cu'ma̱ ñati̱ chalyuu ―nacui̱ Jesús―, cha' cuxi tsa cresiya ji'i̱ ma̱. Nga'aa tso'o tyanu na' slo ma̱, nga'aa talo tyiquee na' ji'i̱ ma̱ tsiya' ti ―nacui̱ Jesús ji'i̱ ngu'―. Ca̱a̱ lo'o ji'i̱ sñi' slo na' ―nacui̱ Jesús ji'i̱ sti nu quicha bi' li'.

SAN MATEO 16:8

Pana, ngua tii Jesús cha' ná ngua cuayá' ti' ngu' bi'. ―¿Ni cha' ndube ti' ma̱ cha' ná lo'o xlyá teje' lijya̱ ma̱? ―nacui̱ ji'i̱ ngu' bi'―. Xti tsa cha' jlya ti' ma̱ ji'i̱ ycui' Ndyosi.

SAN MATEO 17:16

Ñaa lo'o na' ji'i̱ nu quicha bi' slo ngu' nu ndyaca tsa'a̱ jinu'u̱, pana ná ngua ji'i̱ ngu' cua'ni ngu' cha' tyaca tso'o yu.

SAN MATEO 17:18

Li' ngulo Jesús cña ji'i̱ cui'i̱ cuxi bi', cha' tyu'utsu' tsiya' ti ji'i̱ nu quicha bi'.

LOS HECHOS 2:40

Tya quiña'a̱ la cha' nchcui' Pedro lo'o ngu' li'. Liñi tsa ngulo yu cña ji'i̱ ngu': ―Xtyanu ma̱ ji'i̱ ñati̱ nu ndu'ni xcui' cha' cuxi ―nacui̱ yu ji'i̱ ngu'.

2 CORINTIOS 11:1

Lo'o juani tyu'u cha' clyu ti' ji'i̱ ma̱ lo'o na', talo tyiquee ma̱ xi jna', masi cha' tonto ti na' nchcui' tsa na' cha' ji'i̱ ycui' ca ti na'.