SAN MATEO 16:28 - Chatino Tataltepec

²⁸ Cha' liñi nchcui' na' lo'o ma̱ juani, cha' ntsu'u ngu' nu tya ndu̱ lo'o na chalyuu re juani, nu lo'o tya lyiji cajaa ngu' ca cuayá' ti' ngu' cha' cua nguxana cha' laca na' loo ne' cresiya ji'i̱ ñati̱, na' nu cua nda Ni 'na lijya̱a̱ cha' caca na' ñati̱.

SAN MATEO 16:28 Referans Kwoze

SAN LUCAS 9:27

Chañi cha' nu nchcui' na' lo'o ma̱, cha' ntsu'u ngu' nu ndu̱ lo'o na chalyuu re juani, nu tya lyiji cajaa ngu' lo'o ca cuayá' ti' ngu' cha' cua nguxana cha' laca ycui' Ndyosi loo nde chalyuu.

SAN MARCOS 9:1

Tya nchcui' la Jesús lo'o ngu' li': ―Chañi cha' nu nchcui' na' lo'o ma̱ ―nacui̱ yu―, cha' ntsu'u ngu' nu tya ndu̱ lo'o na chalyuu re juani, nu ca cuayá' ti' cha' cua nguxana cha' laca ycui' Ndyosi loo ne' cresiya ji'i̱ ñati̱ chalyuu, nu lo'o tya lyiji cajaa ngu'. Tlyu tsa chacuayá' ntsu'u ji'i̱ Ni lo'o caca Ni loo li'.

SAN JUAN 8:52

Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.

SAN MATEO 26:64

―La cui' laca na' ―nacui̱ Jesús li'―, ñi'ya̱ nu nacui̱ nu'u̱ laca na'. Lo'o chaca cha' cacha' na' ji'i̱ ma̱ juani, cha' nde loo la ña'a̱ ma̱ 'na nu cua nda Ni 'na lijya̱a̱ cha' caca na' ñati̱, nu lo'o tyucua na' la'a tsu' cui̱ ca su ntucua ycui' Ndyosi Sti na', nu lcaa tsiya' ti cña nchca ji'i̱ Ni. Li' ca̱a̱ na' chaca quiya' laja coo nde cua̱.

SAN MATEO 10:23

Tso'o xna ma̱ nde xa' quichi̱ nu lo'o lye tsa cua'ni lya' ti' ngu' ji'i̱ ma̱. Cha' liñi nchcui' na' lo'o ma juani: Bilya ta ma̱ cha' 'na lo'o ngu' Israel tya'a na nde lcaa quichi̱ tyi ngu' nu lo'o ca̱a̱ na' chalyuu chaca quiya', na' nu cua nda Ni 'na lijya̱a̱ cha' caca na' ñati̱.

SAN LUCAS 2:26

ngua'ni Ni cha' ca cuayá' ti' yu cha' ná cajaa chca yu ña'a̱ cuayá' tyalaa tsa̱ nu ña'a̱ yu ji'i̱ nu Cristo, nu ta ycui' Ndyosi ji'i̱ cha' ca̱a̱ nde chalyuu.

SAN MARCOS 13:26

Lo'o na' nu cua nda Ni 'na lijya̱a̱ cha' caca na' ñati̱ ni, ña'a̱ ngu' 'na, cha' ca̱a̱ na' laja coo nu ndubi tsa ña'a̱. Lye xi ña'a̱ caca li', cha' lo'o lcaa juersa 'na ca̱a̱ na'.

HEBREOS 2:9

Pana cua jlo ti' na ñi'ya̱ ngua ji'i̱ Jesús nu ngua li', cha' xti ti tyempo ngua lcaa xca̱ ji'i̱ ycui' Ndyosi loo la ji'i̱ ycui' Jesús. Ngujuii yu lo crusi cuentya ji'i̱ lcaa ñati̱ chalyuu, xqui'ya cha' xcui' tso'o tsa ndu'ni ycui' Ndyosi lo'o na. Lo'o jua'a̱ ndube tsa ti' na ñi'ya̱ ndyaca ji'i̱ yu juani, cha' tso'o tsa ndyu'ni chi̱ ngu' loo yu; ndyu'ni tlyu ngu' ji'i̱ yu xqui'ya cha' cua ngujuii yu, xqui'ya cha' ti'í tsa ngua ti' yu cuentya ji'na.

SAN MATEO 24:3

Li' ndyaa ngu' nde lo xlya ca'ya Olivos. Ca bi' ndyaca'a̱ Jesús, lo'o li' cuaana ti nchcui' ngu' nu ndyaca tsa'a̱ ji'i̱ lo'o yu, nchcuane ngu' ji'i̱: ―Cuacha' nu'u̱ ji'i̱ cua, ¿ni jacua' caca cha' cuxi bi' ji'i̱ laa tonu bi'? Lo'o jua'a̱, ¿ñi'ya̱ caca cha' lo'o ca̱a̱ nu'u̱, nu lo'o cua tye ti chalyuu? ―nacui̱ ngu' bi' ji'i̱.

1 TESALONICENSES 1:10

Lo'o jua'a̱ nchcui' ngu' cha' juani ndu̱ ti' ma̱ ni jacua' tya̱a̱ Jesús nu sca ti Sñi' ycui' Ndyosi, nu cua tyu'u ca su ntucua ycui' Ndyosi cha' ca̱a̱ nde chalyuu chaca quiya'. La cui' Jesús nu ngujuii, lo'o li' ngua'ni ycui' Ndyosi Sti yu cha' ndyu'ú yu chaca quiya', bi' laca nu ngua'ni lyaá ji'na cha' nga'aa xcube' ycui' Ndyosi ji'na, nga'aa caca ñasi̱' Ni ji'na lo'o tyalaa tsa̱ bi'.

SAN MATEO 24:42

’Bi' cha' cua'ni tii ti' ma̱, cha' ná jlo ti' ma̱ tsiya' ti ni tsa̱ laca nu ca̱a̱ ycui' nu Xu'na ma̱.

SAN LUCAS 18:8

Ñacui̱ na' ji'i̱ ma̱ cha' hora ti xtyucua Ni ji'i̱ ngu' bi', cua'ni Ni cha' ti̱ ti tyi'i̱ ngu'. Pana nu lo'o chaca quiya' tya̱a̱ na' nu cua nda Ni 'na lijya̱a̱ cha' caca na' ñati̱, ¿ha ña'a̱ ti tya quije 'na ñati̱ nu jlya ti' ji'i̱ ycui' Ndyosi Sti na'?

SAN MATEO 8:20

Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN MATEO 16:13

Lo'o ca tiya' la, li' ndyalaa ngu' loyuu su cuentya quichi̱ Cesarea de Filipo. Xa' nchcui' Jesús lo'o ngu' nu ndyaca tsa'a̱ ji'i̱, nchcuane yu ji'i̱ ngu' li': ―¿Na laca nacui̱ ñati̱ cuentya 'na? ¿Tilaca laca na' nu cua nda Ni 'na lijya̱a̱ nde cha' caca na' ñati̱? ―nacui̱ Jesús ji'i̱ ngu' bi'.

SAN MATEO 24:34

Cha' liñi chcui' na' lo'o ma̱ juani, cha' bilya cajaa lcaa ñati̱ nu lu'ú chalyuu juani lo'o caca cha' nu cua nchcui' na' ji'i̱ tsa̱.

SAN MARCOS 8:38

Caca tyuju'u ti' na' nu cua nda Ni 'na lijya̱a̱ cha' caca na' ñati̱, nu lo'o ña'a̱ na' ji'i̱ scaa ñati̱ chalyuu nu ntyuju'u ti' jna', masi tyuju'u ti' ngu' bi' ji'i̱ cha' tso'o nu nchcui' ti na'. Si xqui'ya na' tyuju'u ti' ngu' bi' slo ngu' cuxi chalyuu juani, masi slo ngu' suba' chalyuu juani, li' caca tyuju'u ti' na' ji'i̱ ngu' bi' nu lo'o ca̱a̱ na' chaca quiya' nde loo la cha' caca na' loo ji'i̱ ñati̱. Li' lye tsa ña'a̱ xee caca lo'o tya̱a̱ na' chaca quiya' chacuayá' ji'i̱ Sti na'. Ca̱a̱ na' lo'o xca̱ nu tacati tsa ji'i̱ ycui' Ni, cha' lubii tsiya' ti ngu' xca̱ bi' ―nacui̱ Jesús ji'i̱ ngu'.

SAN JUAN 8:51

Lo'o chañi tsa cha' nu ta na' lo'o cu'ma̱ ndi'ya̱: Lo'o taquiya' ngu' ji'i̱ cha' nu nclyu'u na' ji'i̱ ngu', ná tye chalyuu tso'o nu ta na' ji'i̱ ngu' bi', masi cajaa ngu'.

SAN JUAN 21:22

Nguxacui̱ Jesús cha' ji'i̱ Pedro li': ―Ná culacua tsa ti' nu'u̱ ―nacui̱ yu ji'i̱―. Si nti' na' cha' tyanu yu chalyuu re ni jacua' nu tya̱a̱ na' chaca quiya', ná ntsu'u cha' cube ti' nu'u̱ ji'i̱ cha' bi' ―nacui̱ Jesús―. Nu'u̱ ni, tya'a̱ nu'u̱ lo'o na'.

LOS HECHOS 1:11

nchcui' ngu' lo'o ngu' bi': ―Cu'ma̱ ngu' Galilea ―nacui̱ ngu'―, ¿ni cha' laca ndu̱ ma̱ ña'a̱ ma̱ nde cua̱? ―nacui̱ ngu'―. Jesús nu nguxtyanu ca ti ji'i̱ ma̱ cua ndyaa nde cua̱, tya ca̱a̱ yu lo yuu chaca quiya'. Ñi'ya̱ nu tyaca̱' lo'o ndyaa yu, jua'a̱ tyaca̱' lo'o ca̱a̱ yu chaca quiya' ―nacui̱ ngu' nu ngati̱ ste' bi' li'.

1 CORINTIOS 15:23

Ntsu'u ñi'ya̱ caca cha' re: tya clyo cua ndyu'ú ycui' Cristo chaca quiya'; tiya' la lo'o tyalaa tsa̱ nu ca̱a̱ Cristo chaca quiya', li' tyu'ú na, lcaa na nu ntsu'u cha' ji'na lo'o ycui' Ni;

SANTIAGO 5:7

Cu'ma̱ tya'a ngusñi na cha' ji'i̱ Jesús, talo ma̱ tyiquee' cha' ntajatya ma̱ ji'i̱ ycui' nu Xu'na na, ni jacua' ca̱a̱ Ni chaca quiya' nde chalyuu. Ñati̱ nu cua ndyataa xtya̱ ji'i̱ ni, ndalo tsa tyiquee ngu' ntajatya ngu' ni jacua' tyu'u si'yu nu ndulo tsa cha' caja ji'i̱ ngu'; ndu̱ ti' ngu' bi' cha' ca'ya tyo, masi tyo nu ca'ya yala la, masi tyo nu ca'ya tiya' la.

2 PEDRO 1:16

Si'i cña cua̱ nu ngua'ya hique ti ya ngua cha' nu nchcui' ya lo'o ma̱, nu lo'o ndacha' ya ji'i̱ ma̱ cha' tlyu tsa cha' caca ji'i̱ ycui' Jesucristo nu Xu'na na nu lo'o ca̱a̱ yu chaca quiya'. Ycui' cuare cua na'a̱ ya ji'i̱ Jesús lo'o tlyu tsa cha' ntsu'u ji'i̱ yu;

1 JUAN 2:28

Nu juani ti, cu'ma̱ sñi' na', xñi tso'o ma̱ cha' ji'i̱ Jesucristo. Lo'o li', lo'o ca̱a̱ Jesucristo chalyuu chaca quiya', nga'aa ntsu'u cha' ca tyuju'u ti' na lo'o ña'a̱ na ji'i̱ Ni cha' ca̱a̱ Ni; tyucui tyiquee na tyacua tya'a na lo'o Ni li'.