SAN MATEO 16:20 - Chatino Tataltepec

²⁰ Li' ngulo Jesús cña ji'i̱ ngu' nu ndyaca tsa'a̱ ji'i̱ cha' ná cacha' ngu' ji'i̱ ni sca ñati̱ cha' Cristo laca ycui' yu.

SAN MATEO 16:20 Referans Kwoze

SAN MARCOS 8:30

Ngulo Jesús cña ji'i̱ ngu' li', cha' ná cacha' ngu' cha' bi' ji'i̱ xa' la ñati̱.

SAN LUCAS 9:21

Lye tsa nchcui' Jesús lo'o nu ngu' nu ndyaca tsa'a̱ ji'i̱ cha' ná cacha' ngu' tsiya' ti ji'i̱ xa' ñati̱ cha' Cristo laca ycui'.

SAN JUAN 1:41

Hora ti ndyaa Andrés ndyaana ji'i̱ tya'a, la cui' nu Simón bi'. Li' nchcui' Andrés lo'o: ―Cua nquijeloo ji'i̱ ya ñi'ya̱ nu laca Cristo, nu ñati̱ tlyu nu nda Ni ji'i̱ lijya̱ nde chalyuu ―nacui̱.

SAN MATEO 17:9

Lo'o lijya̱ nda'ya ti'i̱ ngu' sii' ca'ya bi', li' ngulo Jesús cña ji'i̱ ngu' nu ndyaca tsa'a̱ ji'i̱: ―Ná cacha' ma̱ ji'i̱ xa' ñati̱ ñi'ya̱ ngua cha' nu cua na'a̱ ma̱ lo xlya ca'ya jua tsa̱ ―nacui̱ Jesús ji'i̱ ngu' bi'―. Nu lo'o cua ngujuii ycui' na' nu cua nda Ni 'na lijya̱a̱ cha' caca na' ñati̱, nu lo'o tyu'ú na' chaca quiya', li' taca cacha' ma̱ cha' bi' ji'i̱ xa' ñati̱.

SAN LUCAS 9:36

Lo'o cua ndyuna ngu' ña'a̱ cha' nu nchcui' ycui' Ndyosi ji'i̱ Jesús, li' na'a̱ ngu' cha' sca ti Jesús ndu̱ bi'. Cuaana tya ndyaa ti'i̱ ngu'; ni sca cha' nga'aa nchcui' ngu' lo'o xa' ñati̱, ñi'ya̱ ngua cha' nu na'a̱ ngu' sii' ca'ya bi'.

SAN MATEO 8:4

Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.

1 JUAN 5:1

Lcaa ñati̱ nu jlya ti' ji'i̱ Jesús, cha' laca yu Cristo nu cua nda ycui' Ndyosi ji'i̱ ya̱a̱ chalyuu, chañi cha' laca ngu' bi' sñi' ycui' Ndyosi. Ycui' Ndyosi laca Sti na, lo'o jua'a̱ ntsu'u tsa tyiquee na ña'a̱ na ji'i̱ Ni, bi' cha' ntsu'u tyiquee na ña'a̱ na ji'i̱ xa' la sñi' ycui' Ni, tya'a ngusñi na cha' ji'i̱ Jesús.

1 JUAN 2:22

¿Tilaca laca nu cuiñi lacua? Ñati̱ cuiñi bi' laca nu ñacui̱ cha' si'i Cristo laca Jesús, la cui' Cristo nu cua nda ycui' Ndyosi ji'i̱ cha' ya̱a̱ yu chalyuu. Nxu̱u̱ tya'a ngu' bi' lo'o ñati̱ nu ntsu'u cha' ji'i̱ lo'o Cristo, cha' ñacui̱ ngu' bi' cha' si'i nu sca ti Sñi' ycui' Ndyosi laca Jesucristo, cha' si'i ycui' Ndyosi laca Sti Jesucristo.

LOS HECHOS 2:36

’Ntsu'u sca cha' ji'i̱ ycui' Jesús nu nga'a̱ cha' ca cuayá' ti' lcaa na nu laca na ngu' Israel: La cui' Jesús nu ngujui'i̱ ca'a̱ na ji'i̱ lo crusi cha' cujuii na ji'i̱, la cui' yu bi', cua nda ycui' Ndyosi chacuayá' ji'i̱ yu cha' caca yu Xu'na na, cha' laca yu nu Cristo.

SAN JUAN 20:31

Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.

SAN JUAN 1:45

Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.

SAN MARCOS 9:9

Li' ndu'u ngu' ñaa ngu'. Laja lo'o ngua'ya ngu' lo xlya ca'ya, ngulo Jesús cña ji'i̱ ngu' cha' ná cacha' ngu' ji'i̱ xa' ñati̱ ñi'ya̱ ngua cha' nu cua na'a̱ ngu' lo xlya ca'ya. ―Nu lo'o cajaa ycui' na' nu cua nda Ni 'na lijya̱a̱ cha' caca na' ñati̱, lo'o li' tyu'ú na' chaca quiya', li' taca cacha' ma̱ cha' bi' ji'i̱ xa' ñati̱ ―nacui̱ Jesús ji'i̱ ngu' bi'.

SAN MATEO 1:16

Lo'o li' sñi' jyo'o Jacob bi' ngua José nu ngua clyo'o María xtya'a̱ Jesús, lo'o jua'a̱ Cristo naa Jesús bi'.

SAN MATEO 16:16

Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.

SAN LUCAS 2:11

Cua lijya̱ na' cacha' na' ji'i̱ ma̱ cha' juani cua ngula sca cubi' ca quichi̱ tyi ma̱, cha' la cui' quichi̱ tyi jyo'o David laca bi'; cubi' bi' laca nu cuityi̱ qui'ya nu ntsu'u ji'i̱ ma̱. Bi' laca nu Cristo nu laca ycui' nu Xu'na na, nu cua nda ycui' Ndyosi ji'i̱ cha' lijya̱ lo yuu chalyuu ―nacui̱―.

SAN JUAN 11:27

―Chañi cha' jlya ti' na', cusu' ―nacui̱ nu cuna'a̱ bi'―. Hasta juani jlya ti' na' cha' nu'u̱ laca Cristo nu ñati̱ tlyu bi', nu'u̱ laca nu sca ti Sñi' ycui' Ndyosi, lo'o jua'a̱ cua nda Ni jinu'u̱ lijya̱.