SAN MATEO 16:18 - Chatino Tataltepec18 Pedro naa nu'u̱, lo'o jua'a̱ caca nu'u̱ ñi'ya̱ laca sca quee quiya' ni'i̱. Nu lo'o nchcui' nu'u̱ tsa̱, cha' liñi laca nu nchcui' nu'u̱; bi' laca su̱u̱ cha' ji'i̱ ñati̱ 'na, cha' tso'o tsa ndyanu tachaa cha' nu nchcui' nu'u̱ jua'a̱. Ná taca ji'i̱ cuiñaja, ni cui'i̱ cuxi, ni jyo'o, ni tsaca ñati̱, ná taca ji'i̱ ngu' tsiya' ti tyiji̱loo ngu' ji'i̱ ñati̱ 'na, masi cajaa ñati̱ 'na xqui'ya cha' cuxi. Gade chapit la |
SAN MATEO 16:18
42 Referans Kwoze
Lo'o jua'a̱ ná taca cha'a̱ chalyuu cucui nu ngujui ji'na xqui'ya Cristo, ná clyiji tsiya' ti bi'; bi' cha' tso'o tyu'u tyiquee na ña'a̱ na ji'i̱ ycui' Ndyosi lacua. Cua'ni chi̱ na loo ycui' Ndyosi, cha' jua'a̱ nti' Ni cha' cua'ni na; tyi'u ti' na cha' lcaa tsa̱ cua'ni tlyu na ji'i̱ ycui' Ni, cha' cube tsa ti' na ji'i̱ Ni.
pana juani caca cuayá' ti' lcaa cui'i̱ nu laca loo nde cua̱, nu lo'o ña'a̱ cui'i̱ bi' ji'i̱ ñati̱ chalyuu nu tsa tlyu ti ndyu'ni tlyu ji'i̱ Cristo. Lo'o jua'a̱ cui'i̱ nu ngua ti' tyiji̱loo ji'i̱ ycui' Ndyosi sa'ni la ni, caca cuayá' ti' cui'i̱ bi' cha' nchca la ji'i̱ ycui' Ndyosi que cua ña'a̱ ca na nu ngüiñá ycui' Ni.
Tso'o tsa ngua ti' nu Saulo bi', cha' cua ndyujuii ngu' ji'i̱ Esteban. La cui' tsa̱ bi' nguxana yu, ti'í tsa nchcube' yu ji'i̱ ngu' nu ntsu'u cha' ji'i̱ lo'o Jesucristo ca quichi̱ Jerusalén. Lya' tsa ti' yu ji'i̱ ngu' bi'; bi' cha' ngusñi ngu' tyucui̱i̱, ndyaa ngu' xa' la quichi̱ nde loyuu su cuentya Judea, lo'o jua'a̱ loyuu su cuentya Samaria. Pana nu tii tyucuaa tya'a ngu' nu ngua tsa'a̱ ji'i̱ Jesucristo tya clyo ni, ndyanu ngu' bi' nde Jerusalén.
Bi' cha' ngutucuá ngu' cña 'na, nu Jacobo lo'o Pedro lo'o Juan bi', la cui' ngu' nu laca loo ji'i̱ ngu' tya'a ngusñi na cha' ji'i̱ Cristo. Stu'ba ti nchcui' ngu' bi', cha' tso'o tsa ngua'ni ycui' Ndyosi lo'o na' nu lo'o nda Ni cña bi' 'na. Li' ngusñi ya' tya'a ya lo'o ngu' bi', na' lo'o Bernabé, cha' caca cuayá' ti' ya cha' tso'o ti nti' ngu' ña'a̱ ngu' ji'i̱ ya, cha' stu'ba ntsu'u cha' ji'i̱ ngu' lo'o ya, cha' tya tsaa la ya quichi̱ tyi ngu' xa' tsu'. Tyanu ycui' ngu' bi' ca su ndi'i̱ tya'a ya, nu ngu' judío bi' li'.
Lo'o li', si ná tyaja'a̱ ngu' tya'a ma̱ bi' taquiya' ngu' tsiya' ti ji'i̱ tucua sna tya'a ma̱, li' cacha' ma̱ cha' bi' ji'i̱ taju ñati̱ ji'i̱ cu'ma̱, nu stu'ba ndu'ni tlyu ma̱ ji'i̱ ycui' Ndyosi. Lo'o li' si ña'a̱ ti ná tyaja'a̱ nu ngu' tya'a ma̱ bi' taquiya' ngu' ji'i̱ cha' nu nchcui' ca ta'a taju tya'a ma̱ lo'o ngu', li' nga'aa cua'ni tya'a ma̱ lo'o ngu' bi' lacua. Ñi'ya̱ si cua laca ngu' ñati̱ nu ná ntsu'u cha' ji'i̱ lo'o ycui' Ndyosi tsiya' ti, ñi'ya̱ si laca ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, jua'a̱ cua'ni ma̱ lo'o ngu' bi' li'.
Lo'o cu'ma̱ ngu' Capernaum ni, ¿ha tso'o tsa quichi̱ tyi ma̱ nti' ma̱? ¿Ha laca quichi̱ tyi ma̱ loo ji'i̱ xa' quichi̱ nti' ma̱? Pana nde loo la quiñu'u̱ tsiya' ti quichi̱ tyi ma̱, tyaa ycui' ma̱ ca bilyaa li'. Quiña'a̱ tsa cha' tlyu ngua'ni na' slo cu'ma̱, lo'o ná jlya ti' ma̱ 'na tsiya' ti. La cui' jua'a̱ nu ngua sa'ni, xña'a̱ tsa ngua ngu' quichi̱ Sodoma; pana ná na'a̱ jyo'o ngu' bi' cha' tlyu ñi'ya̱ nu cua na'a̱ cu'ma̱ ngu' Capernaum. Si cua na'a̱ ngu' cha' bi', cua ngua tyuju'u ti' ngu' ji'i̱ cha' cuxi nu ngua'ni ngu' li', cua ngulochu̱' ngu' ji'i̱ cha' cuxi bi'; tya nscua quichi̱ tyi ngu' bi' juani lacua.
Li' cua ndya'a cati quiya' nguañi ngula'á xca̱ lo'o cui'chcua̱ ji'i̱. Nguañi nda xtyi'i tyu̱u̱ tya'a ñati̱ nde cua̱ li', nu ndi'ya̱ nchcui': Ca juani ndyanu tachaa cha' ji'i̱ ycui' nu Xu'na na, jua'a̱ ji'i̱ Cristo, cha' caca Ni loo ji'i̱ tyucui ña'a̱ chalyuu, nacui̱ ngu'. Lo'o juani ná nga'a̱ cha' tye cha' culo Ni cña chalyuu.
Nu juani ntsu'u cha' ña'a̱si̱i̱ ma̱ ji'i̱ ycui' ca ma̱, lo'o jua'a̱ ña'a̱si̱i̱ ma̱ ji'i̱ ca ta'a ñati̱ ji'i̱ Jesucristo ca quichi̱ tyi ma̱, cha' cua nda Xtyi'i ycui' Ndyosi cña ji'i̱ ma̱ cha' caca ma̱ loo ji'i̱ taju ñati̱ bi'. Tlyu tsa cña nu ngua'ni ycui' nu Xu'na na cha' ca ti̱ qui'ya nu ntsu'u ji'na tya lo'o ngujuii yu lo crusi, nu lo'o ndyalú tañi ycui' ca yu.
Piblisite