Biblia Todo Logo
Bib sou entènèt

- Piblisite -




SAN MATEO 16:16 - Chatino Tataltepec

16 Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.

Gade chapit la Kopi




SAN MATEO 16:16
38 Referans Kwoze  

Ngua'ni tlyu ngu' nu ndi'i̱ ne' yaca ni'i̱ bi' ji'i̱ Jesús, lo'o ti ndatu̱ sti̱' ngu' slo yu. ―Chañi cha' nu'u̱ laca nu sca ti Sñi' ycui' Ndyosi ―nacui̱ ngu' ji'i̱.


―Chañi cha' jlya ti' na', cusu' ―nacui̱ nu cuna'a̱ bi'―. Hasta juani jlya ti' na' cha' nu'u̱ laca Cristo nu ñati̱ tlyu bi', nu'u̱ laca nu sca ti Sñi' ycui' Ndyosi, lo'o jua'a̱ cua nda Ni jinu'u̱ lijya̱.


Ñati̱ nu tyaja'a̱ cacha' ji'i̱ tya'a ñati̱ cha' nu sca ti Sñi' ycui' Ndyosi laca Jesucristo, stu'ba ntsu'u tyiquee ycui' Ni lo'o ngu' bi' li'; jua'a̱ stu'ba ntsu'u tyiquee ngu' bi' lo'o ycui' Ni.


Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.


Jlya ti' na ji'i̱ ycui' Ndyosi nu lu'ú ca; bi' cha' lye cua'ni na cña ji'i̱ Ni, masi lya' tsa ti' ngu' ji'na. Lo'o ycui' Ndyosi ni, cua'ni lyaá Ni ji'i̱ lcaa ñati̱ si taquiya' ngu' ji'i̱ Ni. Lo'o xñi na cha' ji'i̱ Ni, li' ca cuayá' tso'o la ti' na cha' bi'.


Hora ti nguxana Saulo ndya'a̱ yu lcaa ne' laa ji'i̱ ngu' judío quichi̱ bi', ngulu'u yu ji'i̱ ngu' cha' chañi cha' laca Jesús nu sca ti Sñi' ycui' Ndyosi.


La cui' ngu' bi' nda ngu' cha' lo'o ya ñi'ya̱ ngua lo'o ndyalaa ya slo ma̱ tya clyo, cha' li' nguxtyanu ma̱ ji'i̱ lcua ti lo jo'ó nu ntsu'u ji'i̱ ma̱ tya sa'ni la, cha' cua'ni ma̱ cña ji'i̱ ycui' Ndyosi nu lu'ú ca, nu sca ti Ndyosi nu chañi ca.


Ni sca cha' nu nchcui' sti jo'ó, ná nguxacui̱ Jesús ji'i̱ tsiya' ti. Li' ngulo sti jo'ó bi' cña ji'i̱ yu: ―Chacuayá' ji'i̱ ycui' Ndyosi nu lu'ú ca nclyo na' cña re jinu'u̱ juani: Cacha' clya nu'u̱ ji'i̱ cua si chañi cha' laca nu'u̱ Cristo, nu sca ti Sñi' ycui' Ndyosi.


Pana ñati̱ nu jlya ti' cha' Jesús laca nu sca ti Sñi' ycui' Ndyosi, bi' ti ñati̱ nu caca ji'i̱ tyiji̱loo ji'i̱ lcaa nu cuxi nu ntsu'u chalyuu.


Tlyu tsa cha' laca, si taya' ycui' Ndyosi nu lu'ú ca ji'na cha' xcube' Ni ji'na.


lo'o jua'a̱ laca Jesús nu sca ti Sñi' nu ntsu'u ji'i̱ ycui' Ndyosi. Ndi'ya̱ caca cuayá' tso'o ti' na cha' bi': chacuayá' ji'i̱ ycui' Ndyosi Sti yu ndyu'ú Jesús chaca quiya' lo'o cua ngujuii yu, tlyu tsa cha' ngua'ni Ni li'. Nu lo'o nda ycui' Ndyosi Xtyi'i ycui' Ni ji'i̱ Jesús, nda Ni cha' lo'o na cha' Sñi' ycui' ca Ni laca nu Jesús bi'.


Ti̱ ti ndu̱ Jesús, ni sca cha' ná nguxacui̱ yu tsiya' ti. Bi' cha' xa' nchcuane sti jo'ó nu laca loo la ji'i̱ yu li': ―¿Ha chañi cha' Cristo laca nu'u̱? ―nacui̱―. ¿Ha nu'u̱ laca nu sca ti Sñi' ycui' Ndyosi nu ndu'ni tlyu na ji'i̱? ―nacui̱ sti jo'ó bi' ji'i̱ Jesús.


Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.


―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.


Pana nga'aa si'i jua'a̱ ndyaca ji'i̱ ma̱ juani, cha' chaca chalyuu tsaa ma̱ juani; la cui' ca su ntucua tyi ycui' Ndyosi ca nde cua̱, ndacua tsaa ma̱ juani. Ca bi' ndi'i̱ ycui' Ndyosi lo'o tyu̱u̱ tsa mil tya'a xca̱ ji'i̱ Ni. Tso'o tsa ña'a̱ ca bi'; ñi'ya̱ si cua nscua chaca ca'ya Sión nde cua̱, ñi'ya̱ si ca bi' ntucua chaca quichi̱ Jerusalén nu tso'o la ña'a̱, jua'a̱ laca bi'.


Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.


Ñi'ya̱ nti' cu'ma̱ nu tyaca'a tsa ma̱ ji'i̱ ycui' Ndyosi ni, ná taca cua'ni tya'a ma̱ lo'o xa' ñati̱ nu ngusñi cha' ji'i̱ cua ña'a̱ ca jo'ó; tyaca'a tsa na ji'i̱ ycui' Ndyosi nu lu'ú ca xqui'ya cha' ndyanu Xtyi'i ycui' Ndyosi ne' cresiya ji'na. Ndi'ya̱ nacui̱ ycui' Ndyosi: Tyi'i̱ na' ca slo ñati̱ bi', lo'o jua'a̱ tya'a̱ na' lo'o ñati̱ bi'; caca na' ycui' Ndyosi cuentya ji'i̱ ngu' bi', bi' cha' taca caca ngu' bi' ñati̱ 'na. Jua'a̱ nacui̱ Ni.


Cristo ngua'ni cña bi' ne' cresiya ji'i̱ cu'ma̱, nu lo'o nda Ni ji'i̱ cua cha' ndyaa ya ca su ndi'i̱ ma̱; bi' laca sca cña ji'i̱ Xtyi'i ycui' Ndyosi nu lu'ú ca, nu ngua'ni Ni ne' cresiya ji'i̱ cu'ma̱ ñati̱ chalyuu, ni si'i cha' nscua sca cha' chu̱' quee cuaja' ti.


―Ngu' cusu' cu'ma̱ ―nacui̱ Pablo lo'o Bernabé ji'i̱ ngu' quichi̱―. ¿Ni cha' laca ndyu'ni ma̱ jua'a̱? ―nacui̱ ngu'―. Laca ya ñati̱ chalyuu ti, ñi'ya̱ nu laca cu'ma̱; si'i ndyosi laca ya. Cua ndyalaa ya ca nde cha' ta ya cha' lo'o ma̱, cha' ji'i̱ ycui' Ndyosi nu lu'ú ca. Ná tso'o cua'ni tlyu ma̱ ji'i̱ xa' la jo'ó, sca ti ji'i̱ ycui' Ndyosi nu lu'ú nga'a̱ cha' tyu'u tyiquee ma̱ ji'i̱; bi' laca nu ngüiñá lcaa na nu ntsu'u lo yuu, lo'o lcaa na nu ntsu'u nde cua̱, lo'o lcaa tyujo'o, lo'o lcaa na nu ntsu'u ca bi'.


Lo'o li' ndyu'u tucua nu xu'na cuiñaja bi', cha' chcui' cuayá' lo'o Jesús: ―Si chañi cha' nu'u̱ laca nu sca ti Sñi' ycui' Ndyosi ―nacui̱ nu xña'a̱ bi' ji'i̱ Jesús―, xñi nu'u̱ sca quee re lacua, cha' jua'a̱ cuiñá nu'u̱ xlyá lo'o quee re cha' cacu na.


Nu lo'o ndyaa ngu' tyucui̱i̱ bi', li' ndyalaa ngu' ca su ntsu'u hitya. Li' nchcui' nu cusu' bi' lo'o Felipe: ―Nde nscua hitya ―nacui̱ yu―. ¿Ha ná cua'ni cha' tso'o ta chacuayá' tyucuatya nu'u̱ jna'?


Jlya ti' ya jinu'u̱. Cua jlo ti' ya cha' ycui' Ndyosi laca nu cua ngusubi jinu'u̱, cha' sca ti nu'u̱ nu chañi cha' laca nu'u̱ Sñi' ycui' Ndyosi nu lijya̱ chalyuu.


Lo'o li' sñi' jyo'o Jacob bi' ngua José nu ngua clyo'o María xtya'a̱ Jesús, lo'o jua'a̱ Cristo naa Jesús bi'.


Li' nchcui' Jesús lo'o ngu' bi': ―Lo'o cu'ma̱ ni, ¿tilaca laca na' nti' ma̱?


Cua lijya̱ na' cacha' na' ji'i̱ ma̱ cha' juani cua ngula sca cubi' ca quichi̱ tyi ma̱, cha' la cui' quichi̱ tyi jyo'o David laca bi'; cubi' bi' laca nu cuityi̱ qui'ya nu ntsu'u ji'i̱ ma̱. Bi' laca nu Cristo nu laca ycui' nu Xu'na na, nu cua nda ycui' Ndyosi ji'i̱ cha' lijya̱ lo yuu chalyuu ―nacui̱―.


Lcaa tyempo lu'ú Sti na' nu nda 'na lijya̱a̱ ca nde, lo'o jua'a̱ chacuayá' ji'i̱ ycui' Ni lu'ú na'; chacuayá' 'na tyu'ú ñati̱ nu xñi cha' 'na, ñati̱ nu caja tyucui ña'a̱ na' ji'i̱.


Li' nguxacui̱ Simón Pedro cha' ji'i̱ Jesús: ―Cusu' ―nacui̱―, ¿ma nde ntsu'u chaca se'i̱ su tsaa ya cha' cuna ya lcaa ña'a̱ cha' liñi nu nchcui' nu'u̱? Ná nga'a̱ cha' tye chalyuu ji'i̱ ya si cua'a̱ jyaca̱ ya ji'i̱ cha' nu nchcui' nu'u̱ ―nacui̱―.


cha' nu Jesucristo bi', nu sca ti Sñi' ycui' Ndyosi ni, si'i tucua cha' ntsu'u tyiquee Ni. Cua nchcui' ya cha' ji'i̱ Ni su ndi'i̱ cu'ma̱, lo'o na', lo'o Silvano, lo'o Timoteo, nchcui' cua cha' ji'i̱ Ni. Ná chcui' Ni cha' si'i jua'a̱ laca sca cha' si cua nchcui' Ni tsaca quiya' cha' jua'a̱ laca cha' bi'. Sca ti Cristo laca nu chañi cha' nchcui' Ni cha' liñi,


Cu'ma̱ tya'a ngusñi na cha' ji'i̱ Jesús, ña'a̱si̱i̱ ma̱ ji'i̱ ycui' ca ma̱, cha' ni tsaca ma̱ ná tya'a̱chu̱' ma̱ ji'i̱ cha' ji'i̱ ycui' Ndyosi nu lu'ú ca, cha' ná caca cuxi cresiya ji'i̱ ma̱, ñi'ya̱ si nga'aa taquiya' ma̱ cha' ji'i̱ Ni.


Masi jua'a̱ ngua'ni ngu' cña nu ngua li', pana tlyu la cña nu ngua'ni Cristo juani, cha' ndyalú tañi ycui' yu lo'o ngujuii yu lo crusi cuentya ji'na. Xqui'ya Xtyi'i ycui' Ni, bi' cha' ngua ji'i̱ Cristo ta yu tyucui ña'a̱ ycui' ca yu, cha' sca ti quiya' cati̱ qui'ya nu ntsu'u ji'na lo'o ycui' Ndyosi; nu ycui' Cristo ni, ná ntsu'u qui'ya ji'i̱ yu tsiya' ti, bi' cha' taca cua'ni lubii Ni cresiya ji'na, nu lo'o tyi'u ti' na ñi'ya̱ nu ngua'ni Ni lo'o ndyalú tañi ycui' Ni. Li' cuityi̱ Ni lcaa cha' cuxi nu ndyu'ni ñu'u̱ tsa ji'na, jua'a̱ taca ji'na cua'ni na cña ji'i̱ ycui' Ndyosi nu lu'ú ca nde chalyuu li'.


Li' na'a̱ na' ndu'u tucua chaca yu xca̱, nu ndu'u tucua lijya̱ nde su ntyucua cuichaa. Ndyi'ya yu cuayá' nu cua nda ycui' Ndyosi ji'i̱ yu, cha' cua'a̱ yu hichu̱' ñati̱ ji'i̱ ycui' Ndyosi; la cui' Ni nu nda chalyuu ji'na laca bi'. Cui̱i̱ nchcui' yu lo'o nu jacua tya'a xca̱ nu ntsu'u chacuayá' ji'i̱ cha' cua'ni ñu'u̱ ji'i̱ chalyuu lo'o ji'i̱ tyujo'o.


―Tso'o ―nacui̱ Felipe ji'i̱―. Tso'o si chañi cha' tyucui tyiquee nu'u̱ ngusñi nu'u̱ cha' ji'i̱ Jesucristo. ―Cua ngusñi na' cha' bi' tu'ni ―nacui̱ nu cusu' bi'―. Jlya ti' na' cha' sca ti Jesucristo laca Sñi' ycui' Ndyosi.


Swiv nou:

Piblisite


Piblisite