SAN MATEO 16:14 - Chatino Tataltepec

¹⁴ ―Ntsu'u ñati̱ nu nacui̱ cha' laca nu'u̱ jyo'o Juan nu ntyucuatya ji'i̱ ngu' tya tsubi' la ―nacui̱ ngu' ji'i̱ Jesús―. Lo'o xa' ñati̱ ni, nacui̱ ngu' cha' jyo'o Elías laca nu'u̱. Lo'o jua'a̱ ntsu'u xa' la ñati̱ nu nacui̱ cha' jyo'o Jeremías laca nu'u̱. Lo'o jua'a̱ ntsu'u ngu' nu nacui̱ cha' chaca quiya' cua ndyu'ú chaca jyo'o cusu' nu ngua tu'ba ji'i̱ ycui' Ni nu ngua sa'ni, la cui' bi' laca nu'u̱, nacui̱ ngu'. Jua'a̱ nacui̱ ngu' nu ndyaca tsa'a̱ ji'i̱ Jesús.

SAN MATEO 16:14 Referans Kwoze

SAN MARCOS 6:15

―Si'i bi' ―nacui̱ xa' ñati̱―. Jyo'o Elías laca nu qui'yu re. ―Si'i jua'a̱ ―nacui̱ xa' la ñati̱―. Sca ñati̱ nu laca tu'ba ji'i̱ ycui' Ndyosi laca yu re, ñi'ya̱ nu jyo'o cusu' nu nguti'i̱ sa'ni la nu ngua tu'ba ji'i̱ ycui' Ni.

SAN MATEO 14:2

Li' nchcui' nu laca loo bi' lo'o msu ji'i̱: ―La cui' jyo'o Juan nu ntyucuatya ji'i̱ ngu', la cui' bi' laca nu qui'yu jua ―nacui̱ Herodes―. Cua ngujuii yu, pana ndyu'ú yu chaca quiya' nti' na', bi' cha' nchca ji'i̱ yu cua'ni cha' tlyu jua'a̱.

SAN JUAN 9:17

Li' xa' nchcuane ngu' ji'i̱ nu ngua cuityi̱' bi': ―Nu'u̱ ni, ¿ñi'ya̱ chcui' ta nu'u̱ cha' ji'i̱ yu bi' juani, cha' cua ngua'ni yu jo'o ji'i̱ cloo nu'u̱? Li' nguxacui̱ nu qui'yu bi' cha' ji'i̱ ngu': ―Sca nu cusu' nu nda cha' ji'i̱ ycui' Ndyosi lo'o ñati̱, jua'a̱ laca yu bi' ―nacui̱.

SAN JUAN 7:12

Quiña'a̱ tsa cha' nda ngu' quichi̱ bi' lo'o tya'a ngu' cuentya ji'i̱ Jesús. Ntsu'u ngu' nu nchcui' ndi'ya̱: “Tso'o tsa ñati̱ bi'”. Lo'o ntsu'u xi xa' la ngu' nu ndu'ni: “Si'i. Xcui' cha' cuiñi nda yu, na ñilo'o ti yu ji'i̱ ngu'”.

SAN LUCAS 9:8

Lo'o jua'a̱ ntsu'u ngu' nu nchcui' cha' Jesús laca jyo'o Elías nu nguti'i̱ chalyuu sa'ni la, cha' chaca quiya' ndyu'u tucua jyo'o bi'; jua'a̱ ntsu'u ngu' nu nchcui' cha' la cui' jyo'o cusu' nu ngua tu'ba ji'i̱ ycui' Ndyosi sa'ni la laca Jesús, cha' cua ndyu'ú jyo'o cusu' bi' chaca quiya', nacui̱ ngu'.

SAN MARCOS 8:28

―Ntsu'u ngu' nu nchcui' cha' jyo'o Juan nu ntyucuatya ji'i̱ ngu' tya tsubi' la laca nu'u̱ ―nacui̱ ngu'―. Xa' la ñati̱ ni, nchcui' ngu' cha' jyo'o cusu' Elías laca nu'u̱; lo'o xa' la ñati̱ ni, nchcui' ngu' cha' sca jyo'o cusu' nu ngua tu'ba ji'i̱ ycui' Ndyosi sa'ni la laca nu'u̱.

SAN MATEO 17:10

Li' nchcuane ngu' nu ndyaca tsa'a̱ ji'i̱ Jesús: ―¿Ñi'ya̱ ndyu'u cha' nu nchcui' cha' jo'ó lacua? Nchcui' cha' clyo la ntsu'u cha' ca̱a̱ jyo'o Elías nde chalyuu chaca quiya' ―nacui̱ ngu' ji'i̱.

SAN JUAN 1:21

―¿Tilaca laca nu'u̱ lacua? ―nacui̱ ngu'―. ¿Ha jyo'o Elías laca nu'u̱? ―Si'i bi' laca na' ―nacui̱ Juan. ―Cua tyu'u tucua ti sca nu cusu' nu chcui' cha' ji'i̱ ycui' Ndyosi lo'o ya, nti' ya ―nacui̱ ngu'―. ¿Ha si'i nu bi' laca nu'u̱? ―Si'i na' ―nacui̱ Juan li'.

SAN MATEO 3:1

Lo'o ngua tyempo, li' nguxana Juan nda yu cui̱i̱ lo'o ngu' nu ndya'a̱ slo yu su ndi'i̱ yu ycui' ti yu ne' quixi̱'; ntyucuatya yu ji'i̱ ngu' li'. La cui' loyuu su cuentya Judea ndi'i̱ yu; pana btyi tsa yuu su ndi'i̱ Juan, ndi'i̱ tsa quee, lo'o ná ndi'i̱ xa' ñati̱ cajua.

SAN MATEO 16:15

Li' nchcui' Jesús lo'o ngu' bi': ―Lo'o cu'ma̱ ni, ¿tilaca laca na' nti' ma̱?