SAN MATEO 15:32 - Chatino Tataltepec

³² Lo'o li' ngusi'ya Jesús ji'i̱ ngu' nu ndyaca tsa'a̱ ji'i̱ cha' ca̱a̱ ngu' slo. Nchcui' lo'o ngu' li': ―Tya'na tsa ti' na' ji'i̱ nu ngu' quiña'a̱ re ―nacui̱ Jesús ji'i̱ ngu' bi'―. Cua sna tsa̱ ndya'a̱ ngu' lo'o na' juani, lo'o nga'aa ntsu'u na cacu ngu' tsiya' ti. Ná tso'o culo na' cña ji'i̱ ngu' re cha' tyaa ngu' ña'a̱ lo'o jbi'ña ti ndya'a̱ ngu', cha' ná talo ngu' tyucui̱i̱ jua'a̱.

SAN MATEO 15:32 Referans Kwoze

SAN MATEO 9:36

Tya'na tsa ti' Jesús ji'i̱ nu quiña'a̱ tsa ñati̱ nu ndya'a̱ lca'a̱ ji'i̱, cha' ná nchca ji'i̱ ngu' bi'; nga'aa jlo ti' ngu' ñi'ya̱ nu tyi'i̱ tso'o la ngu'. Ñi'ya̱ ndu'ni xlya' nu ná ntsu'u nu ña'a̱si̱i̱ ji'i̱ ni', jua'a̱ ndu'ni ngu' quiña'a̱ bi', ngua ti' Jesús.

LOS HECHOS 27:33

Cua quixee ti chaca tsa̱, li' nchcui' Pablo lo'o ngu' cha' cacu ngu' xi. ―Cua ndye tucua semana juani ―nacui̱ Pablo ji'i̱ ngu'―, lo'o ná ndyacu ma̱ tsiya' ti, ni ná ngujua' tso'o ma̱ ―nacui̱―.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.

SAN LUCAS 7:13

Lo'o na'a̱ Jesús nu Xu'na na ji'i̱ jyo'o bi', ngua tya'na ti' yu ji'i̱ nu cuna'a̱ ti'i xtya'a̱ jyo'o bi'. Li' nchcui' yu lo'o ma': ―Ná xi'ya nu'u̱ ―nacui̱.

SAN MARCOS 9:22

Tyu̱u̱ tsa quiya' cua nguxlyú bi' ji'i̱ yu lo quii', nguxtyú ji'i̱ yu lo hitya cha' ngua ti' cui'i̱ cha' cujuii ji'i̱ yu. Cua'ni tya'na ti' nu'u̱ ji'i̱ ya, cua'ni nu'u̱ sca cha' tso'o, cua'ni nu'u̱ jo'o ji'i̱ yu si nchca jinu'u̱ ―nacui̱ sti nu quicha bi' ji'i̱ Jesús.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN MATEO 20:34

Tya'na tsa ti' Jesús ña'a̱ yu ji'i̱ ngu' bi'. Ngusta sne ya' yu chu̱' si'yu cloo ngu' bi' li', lo'o hora ti tyaca̱' tso'o xee loo ngu', ña'a̱ ngu' chaca quiya'. Li' ndu'u ngu' bi' ndyaa ngu', nguta'a̱ ngu' bi' lo'o Jesús.

SAN MATEO 12:40

Ñi'ya̱ ndyanu nu Jonás bi' nde ne' cualya tonu bi' sna tsa̱ lo'o sna talya, jua'a̱ na' nu cua nda Ni 'na lijya̱a̱ cha' caca na' ñati̱, tyanu na' ne' tyuu sna tsa̱ lo'o sna talya.

SAN MATEO 14:13

Lo'o ndyuna Jesús ñi'ya̱ nu ngua ji'i̱ jyo'o Juan, ndyatí̱ yu ne' yaca ni'i̱ cha' tyu'u yu chaca to' tayu'; ngua ti' yu tsaa sca se'i̱ ca ne' quixi̱' su ná ntsu'u ñati̱. Pana yala ti ngua cuayá' ti' quiña'a̱ ñati̱ cha' ndyaa yu cajua, bi' cha' lo'o ti ndyaa lca'a̱ ngu' ji'i̱ yu, masi quiya' ti ngu' lijya̱ ngu' nde to' hitya ti. Lo'o ngu' tyu̱u̱ tya'a quichi̱ ndyaa ngu'.

SAN MATEO 15:33

Li' nchcui' ngu' nu ndyaca tsa'a̱ ji'i̱ lo'o: ―¿Macala caja na cacu ngu' ji'na? Ne' quixi̱' nga'a̱ na re su ná ndi'i̱ ñati̱ ―nacui̱ ngu' ji'i̱ Jesús―. Lo'o jua'a̱ quiña'a̱ tsa ñati̱ ndya'a̱ lo'o na re.