SAN MATEO 15:3 - Chatino Tataltepec

³ Li' nguxacui̱ Jesús cha' ji'i̱ ngu' tlyu bi': ―Lo'o cu'ma̱ ni ―nacui̱ Jesús ji'i̱ ngu'―, ¿ni cha' laca xti la cha' ntsu'u tyiquee ma̱ ji'i̱ cña nu ngulo ycui' Ndyosi ji'na? Lo'o jua'a̱ lye tsa ndube ti' ma̱ ji'i̱ scaa cha' nu nda jyo'o cusu' lo'o na.

SAN MATEO 15:3 Referans Kwoze

COLOSENSES 2:23

Chañi laca cha' tso'o tsa ndyu'u cha' bi' ngua ti' na nquicha', ndatsaa tsa cha' bi' ji'na cha' cua'ni tlyu na ji'i̱ jo'ó bi'; lo'o jua'a̱ bi' laca nu ndu'ni tsa cha' caca tacati na, cha' xcube' na ji'i̱ tyucui ña'a̱ na. Jua'a̱ ndu'ni cha' bi' tu'ni; pana si'i jua'a̱ nga'a̱ cha' caca, nu cati̱ cha' cua'ni na cha' cuxi nu tiji̱' tsa ti' na ji'i̱.

COLOSENSES 2:8

Cui'ya tso'o ma̱ cuentya lacua, cha' ná tucui taca cñilo'o ji'i̱ ma̱ lo'o cua ña'a̱ ca cha' cuiñi nu chcui' ngu' lo'o ma̱, masi tajua' tsa chcui' ngu' bi'. Si'i ycui' Cristo nu ntucua quiya' cha' ji'i̱ ngu' lo'o nchcui' ngu' jua'a̱; bi' laca cña cua̱ ti, bi' laca cha' cuiñi nu nchcui' ñati̱ chalyuu ti, masi nchcui' ngu' cha' ji'i̱ sca jo'ó, masi nchcui' ngu' cha' ji'i̱ sca cui'i̱ nu ntsu'u nde chalyuu ti.

SAN MARCOS 7:13

Ná tso'o laca lo'o nclyu'u ma̱ jua'a̱. Nga'aa ndaquiya' ma̱ ji'i̱ cña nu ngulo ycui' Ndyosi ji'na, si jua'a̱ culu'u ma̱ ji'i̱ ngu'; lye la ndaquiya' ma̱ ji'i̱ cha' nu nda jyo'o cusu' lo'o ma̱. Lo'o jua'a̱ quiña'a̱ tsa xa' la cha' cuxi ndu'ni ma̱ ―nacui̱ Jesús ji'i̱ ngu'.

TITO 1:14

cha' nga'aa cua'a̱ jyaca̱ ngu' ji'i̱ cuentyu nu nchcui' ngu' judío, cha' nga'aa taquiya' ngu' ji'i̱ cha' nu nchcui' ñati̱ chalyuu ti nu cua ngulochu̱' ji'i̱ lcaa cha' liñi.

SAN MATEO 15:2

―¿Ni cha' ná tso'o ndu'ni ngu' nu ndyaca tsa'a̱ jinu'u̱? ―nacui̱ ngu' bi' ji'i̱ Jesús―. Ná stu'ba ndu'ni ngu' lo'o cha' nu cua nda jyo'o cusu' lo'o na sa'ni la, cha' tyaati̱ tso'o ya' na nu lo'o bilya cacu na. Lo'o nu ngu' nu ndyaca tsa'a̱ jinu'u̱ ni, ná ndu'ni ngu' jua'a̱ ―nacui̱ ngu' li'.

SAN MATEO 15:4

Cua nchcui' ycui' Ndyosi lo'o na: “Tucuá ma̱ cña nu nchcui' sti ma̱, nu nchcui' xtya'a̱ ma̱”, nacui̱ Ni. “Lo'o jua'a̱ si chcui' ma̱ cha' cuxi ji'i̱ sti ma̱, ji'i̱ xtya'a̱ ma̱, li' ntsu'u cha' cujuii ngu' ji'i̱ ma̱”, nacui̱ Ni.