SAN MATEO 15:27 - Chatino Tataltepec

²⁷ ―Chañi cha' nu nchcui' nu'u̱, Xu'na ―nacui̱ nu cuna'a̱ bi'―, pana tya ntsu'u chacuayá' ji'i̱ xne' cha' cacu ni' satya ti nu ndyalú to' mesa laja lo'o ndyacu xu'na ni'.

SAN MATEO 15:27 Referans Kwoze

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

SAN LUCAS 16:21

Cua nti' yu ti'i bi' masi cacu yu satya na nu ndyalú to' mesa su ndyacu nu culiya' bi' li'. Lo'o jua'a̱ ndya'a̱ xne' su nga'a̱ yu cha' nclye'e loo quichu' nu ntsu'u hichu̱' yu ti'i bi'.

ROMANOS 10:12

Sca ti cuayá' tyacua cha' bi' ji'i̱ ngu' judío, la cui' jua'a̱ tyacua cha' bi' ji'i̱ ngu' xa' tsu', cha' sca ti ycui' Ndyosi nu Xu'na na laca loo ji'i̱ lcaa ñati̱ chalyuu; sca ti cuayá' tso'o tsa ndu'ni Ni lo'o lcaa ñati̱ nu jña cha' clyu ti' ji'i̱ ycui' Ni chacuayá' ji'i̱ Jesús.

ROMANOS 3:29

Si'i sca ti ji'i̱ ngu' judío ti laca ycui' Ndyosi loo, lo'o ji'i̱ ngu' xa' tsu' laca Ni loo.

SAN LUCAS 18:13

Pana nu qui'yu nu nclyo cñi cña loo ngu' ni, tyijyu' ti ndyatu̱ yu; ná ntsu'u tyiquee yu cha' sicua̱a̱ yu xi cloo yu nde cua̱, cha' xñi'i̱ tsa ti' yu ndu̱ yu ndyu'u̱ ti yu tyiquee yu laja lo'o nchcui' yu lo'o ycui' Ndyosi: “Cua'ni tya'na ti' nu'u̱ jna', Ndyosi Sti na', cha' ntsu'u tsa qui'ya jna'”, nacui̱ nu qui'yu bi'. Tsa bi' ti cha' nchcui' yu.

SAN MATEO 8:8

Hora ti nguxacui̱ capitán cha' ji'i̱ Jesús li': ―Xu'na ―nacui̱ yu ji'i̱ Jesús―, ná tso'o tsaa nu'u̱ to' tyi na', cha' si'i ñati̱ tso'o laca na'. Tsa bi' ti cha' nti' na', cha' culo nu'u̱ cña cha' cati̱ quicha bi' tsiya' ti; jlo ti' na' cha' caca tso'o msu 'na li', masi tyijyu' ti tyu̱ nu'u̱ chcui'.

SAN MATEO 5:45

Li' taca tyuloo ñati̱ ji'i̱ ma̱ cha' laca ma̱ sñi' ycui' Ndyosi nu ntucua nde cua̱. Ndu'ni Ni cha' stu'ba ti tyucua cuichaa, masi ca su ndi'i̱ ñati̱ cuxi, masi ca su ndi'i̱ ñati̱ tso'o; ndu'ni Ni cha' stu'ba ti ca'ya tyo, masi ca su ndi'i̱ ñati̱ tso'o, masi ca su ndi'i̱ ñati̱ cuxi. Bi' cha' tso'o la si stu'ba ti cua'ni ma̱ lo'o lcaa ñati̱.

ROMANOS 3:4

Ná nti' Ni cua'ni Ni jua'a̱. Xcui' cha' liñi ndu'ni ycui' Ndyosi lo'o ñati̱ ji'i̱ Ni, masi cha' cuiñi laca nu ndu'ni lcua ti lo ñati̱ chalyuu. Cua nscua sca cha' ji'i̱ ycui' Ndyosi lo quityi nu nchcui' ndi'ya̱: Lo'o chcui' nu'u̱, li' caca cuayá' ti' ngu' cha' liñi tsa ndu'ni nu'u̱; lo'o caca cuayá' jinu'u̱ slo ñati̱, taca cua'ni lyaá nu'u̱ ji'i̱ ycui' ca li'.

EFESIOS 3:19

Bi' cha' nti' tsa na' cha' ca cuayá' tso'o ti' ma̱ cha' ntsu'u tsa tyiquee Cristo ña'a̱ Ni ji'na, masi sca cha' tlyu tsa nu ná nchca ca cuayá' tso'o ti' na ji'i̱ laca cha' bi'. Lo'o jua'a̱ nti' na' cha' tyi'i̱ ycui' Ndyosi lo'o lcaa ma̱, cha' ná tyu'u tyiquee ma̱ ji'i̱ xa' la cha' tsiya' ti.

ROMANOS 3:19

Cua jlo ti' na cha' cua nscua lcaa cha' cusu' bi', cha' cube ti' ngu' judío nu ntsu'u cha' ji'i̱ lo'o cha' bi'; jua'a̱ nguscua jyo'o cusu', cha' cua nti' ycui' Ndyosi cha' caca cuayá' ti' lcaa ñati̱ tyucui ña'a̱ chalyuu cha' ná caja ñi'ya̱ nu cua'ni lyaá ngu' ji'i̱ ycui' ca ngu' lo'o Ni, cha' nga'a̱ cha' cua'ni cuayá' Ni ji'i̱ ngu'.

SAN MATEO 15:26

Li' nguxacui̱ Jesús cha' ji'i̱ nu cuna'a̱ bi': ―Ná tso'o si xñi ngu' tyaja nu ndyacu sñi' ngu' cha' cacu xne' ti ―nacui̱.

SAN MATEO 15:28

―Chañi cha' jlya ti' nu'u̱ cha' nu nda na' lo'o nu'u̱ ―nacui̱ Jesús ji'i̱―. Caca cha' nu nti' nu'u̱ lacua ―nacui̱. Hora ti ndyaca tso'o sñi' nu cuna'a̱ bi' li'.

SAN MARCOS 7:28

―Chañi cha' jinu'u̱ ―nacui̱ nu cuna'a̱―, pana ntsu'u chacuayá' cacu xne' satya nu ndyalú ne' mesa laja lo'o ndyacu nu sube ―nacui̱ ji'i̱ Jesús.