SAN MATEO 15:26 - Chatino Tataltepec

²⁶ Li' nguxacui̱ Jesús cha' ji'i̱ nu cuna'a̱ bi': ―Ná tso'o si xñi ngu' tyaja nu ndyacu sñi' ngu' cha' cacu xne' ti ―nacui̱.

SAN MATEO 15:26 Referans Kwoze

SAN MATEO 7:6

’Cha' lubii nu cuentya ji'i̱ ycui' Ndyosi ni, ná tso'o si tsaa chcui' ma̱ cha' bi' lo'o ñati̱ cuxi nu ná nti' cuna cha' bi' tsiya' ti, cha' ñi'ya̱ nti' xne', jua'a̱ nti' ngu' bi'; su'ba ñasi̱' ma̱ ji'i̱ ngu' cuxi bi', cha' cua'ni lya' ti' ngu' ji'i̱ ma̱ li'. Lo'o jua'a̱ ná tso'o sta ma̱ sca na tso'o nu quiña'a̱ tsa nga'a̱ su ndya'a̱ cube', cha' hora ti satá quiya' ni' na tso'o bi'.

FILIPENSES 3:2

Tii ti ti' ma̱, cui'ya tso'o ma̱ cuentya ji'i̱ nu ngu' cuxi bi', cha' ñi'ya̱ ndu'ni xne' taja, jua'a̱ ndyu'ni ngu' bi'. Xqui'ya cha' cusu' nu jlya tsa ti' ngu' bi' ji'i̱, bi' cha' ndatsaa ngu' ji'i̱ xa' ñati̱ cha' xi'yu ngu' quiji̱ ngu', masi sca cña nu cua'ni ñu'u̱ ji'i̱ ngu' laca; si'i sca cha' tso'o laca bi'.

EFESIOS 2:12

Ñati̱ nu ndi'i̱ xa' chalyuu laca cu'ma̱, bi' cha' ná stu'ba cha' ji'i̱ ma̱ lo'o ngu' judío, nu ngu' nu cua ngusubi ycui' Ndyosi ji'i̱ nu ngua sa'ni, cha' caca ngu' bi' ñati̱ ji'i̱ Ni. Ni sca quiya' sa'ni la ná nda Ni cha' lo'o cu'ma̱ ngu' xa' tsu'; ná ntsu'u cha' tso'o nu caca ji'i̱ ma̱ nde loo la, cha' ná jlo ti' ma̱ ni sca cha' ji'i̱ ycui' Ndyosi tsiya' ti chalyuu bi' ca su ndi'i̱ ma̱. Ná ntsu'u cha' ji'i̱ cu'ma̱ lo'o Cristo tsiya' ti nu ngua tsubi'.

GÁLATAS 2:15

Nu cuare ni, ngu' judío laca ya tya lo'o ngula ya chalyuu nu ndaquiya' ji'i̱ lcaa cha' nu nda ycui' Ndyosi lo'o ya; si'i na ndaquiya' ya ji'i̱ cua ña'a̱ ca cha' cuxi ñi'ya̱ ndu'ni ngu' xa' tsu'.

APOCALIPSIS 22:15

To' lo'o nde liya' tyanu lcaa ñati̱ nu chiya'a̱ tsa ndu'ni, lo'o jua'a̱ ñati̱ nu jlya tsa ti' ji'i̱ cha' cucha'a̱, lo'o ñati̱ nu ndu'ni suba' lo'o nu cuna'a̱, lo'o nu ndujuii ji'i̱ ñati̱; la cui' jua'a̱ lcaa ñati̱ nu ndu'ni tlyu ji'i̱ lcui̱ jo'ó ti, lo'o ñati̱ nu ndiya ti' ndu'ni ngu' cha' cuiñi, lcaa ñati̱ bi' tyanu nde chu̱' lo'o ji'i̱ quichi̱ bi'. Ni sca ñati̱ bi' ná ntsu'u chacuayá' tyatí̱ ngu' ne' lo'o quichi̱ bi'.

ROMANOS 9:4

Laca ngu' bi' la cui' tya'a ñati̱ ji'i̱ jyo'o cusu' Israel, ñati̱ ji'i̱ nu ya̱a̱ chalyuu nde loo la; sca ti tañi ntsu'u ji'i̱ ngu' lo'o jyo'o bi', lo'o jua'a̱ cua nda ycui' Ndyosi chacuayá' cha' caca ngu' bi' ñati̱ ji'i̱ ycui' Ni. Tlyu tsa cha' nu ngua'ni Ni, cha' ntaja'a̱ ycui' Ni tyi'i̱ Ni lo'o ngu' bi'. Cua ngüiñi cha' ji'i̱ ycui' Ndyosi lo'o ngu' bi'; cua ngulo Ni cña ji'i̱ Moisés, lcaa ña'a̱ cña nu culo yu ji'i̱ ngu' bi'; cua nda Ni cha' lo'o ngu' bi', ñi'ya̱ nu caca lo'o cua'ni tlyu ngu' ji'i̱ ycui' Ni; lo'o jua'a̱ yala la nda Ni cha' lo'o ngu' bi', ñi'ya̱ nu caca ji'i̱ Cristo nu ntsu'u cha' ca̱a̱ nde loo la.

SAN MATEO 15:25

Li' cacua la ndyalaa nu cuna'a̱ bi', ndyatu̱ sti̱' slo Jesús. ―Xu'na ―nacui̱ ji'i̱ Jesús―, xtyucua nu'u̱ ji'i̱ cua.

SAN MATEO 15:27

―Chañi cha' nu nchcui' nu'u̱, Xu'na ―nacui̱ nu cuna'a̱ bi'―, pana tya ntsu'u chacuayá' ji'i̱ xne' cha' cacu ni' satya ti nu ndyalú to' mesa laja lo'o ndyacu xu'na ni'.