SAN MATEO 15:19 - Chatino Tataltepec

¹⁹ Ca ne' cresiya ji'i̱ ñati̱ ni, ca bi' ntsu'u su̱u̱ lcaa cha' cuxi: masi cujuii ngu' ji'i̱ tya'a ngu', masi tyu'u cha' ji'i̱ ngu' lo'o clyo'o xa' ñati̱, masi cua'ni suba' ngu' lo'o xa' ñati̱, masi cuaana ngu' na nu ntsu'u ji'i̱ tya'a ngu', masi chcui' ngu' cha' cuiñi ji'i̱ tya'a ngu', masi chcui' ngu' cuentyu ji'i̱ tya'a ngu'.

SAN MATEO 15:19 Referans Kwoze

LOS HECHOS 8:22

Culochu̱' nu'u̱ ji'i̱ cha' cuxi nu ntsu'u ne' cresiya jinu'u̱, cha' caca chcui' nu'u̱ lo'o ycui' Ndyosi cha' cui'ya Ni cha' clyu ti' jinu'u̱ ji'i̱ lcaa cha' cuxi nu ngua'ni nu'u̱.

ROMANOS 7:18

Cua jlo ti' na' cha' ná tso'o laca cha' nu ntsu'u ne' cresiya jna', cha' ñati̱ chalyuu ti laca na'; masi nti' tsa na' cua'ni na' xcui' cha' tso'o nquicha', pana ná nchca jna' tsiya' ti.

SAN MATEO 9:4

Pana, ngua tii Jesús ji'i̱ lcaa lo cha' nu ntsu'u tyiquee ngu' bi'. ―¿Ni cha' chi̱i̱ nti' ma̱ ña'a̱ ma̱ 'na juani? ―nacui̱ Jesús ji'i̱ mstru bi'―.

SAN MATEO 5:28

Pana, quiña'a̱ la cha' chcui' na' lo'o ma̱ juani: si ña'a̱ sca nu qui'yu ji'i̱ sca nu cuna'a̱, lo'o li' culacua ti' yu cha' cua'ni suba' yu lo'o, stu'ba ntsu'u cha' bi' lo'o yu ñi'ya̱ si cua laca ngua'ni suba' yu lo'o nu cuna'a̱ bi', masi tyiquee ti yu ntsu'u cha' cuxi bi'.

SAN MATEO 15:20

Si ntsu'u cha' cuxi bi' ne' cresiya ji'i̱ ngu', bi' laca nu ndu'ni ñu'u̱ ji'i̱ tyiquee ngu'; pana lo'o cacu na sca na ni, masi bilya tyaati̱ tso'o ya' na, ná sca cha' cua'ni lo'o cresiya ji'na, cha' si'i jua'a̱ caca cuxi tyiquee na.