SAN MATEO 15:17 - Chatino Tataltepec

¹⁷ ¿Ha bilya ta ma̱ cuentya? Lcaa na nu tyatí̱ nde tu'ba ngu' ni, nteje tacui na bi' nde ne' ngu'. Lo'o tsaa ngu' liya', tye lyiji cha' ji'i̱ li'.

SAN MATEO 15:17 Referans Kwoze

SAN LUCAS 6:45

Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee ni, cuxi ti nchcui' ngu' bi' li'. Cua ña'a̱ ca cha' nu ntsu'u ne' cresiya ji'i̱ scaa ngu', jua'a̱ nchcui' ngu'.

1 CORINTIOS 6:13

Ntsu'u chaca cha' nu nchcui' ñati̱: “Taca cacu na lcua ti lo na nu nti' na cacu na”, nacui̱ ngu', “bi' cha' ntsu'u quiji̱ ne' na cha' cua'ni cha'á̱ na bi' lo'o na cacu na”, nacui̱ ngu'. Chañi cha' bi', pana sca ti cuayá' cua'ni tye ycui' Ndyosi ji'i̱ na ndacu na lo'o jua'a̱ ji'i̱ cuaña' ycui' na. La cui' jua'a̱ cua ngüiñá ycui' Ndyosi ji'i̱ tyucui ña'a̱ na lijya̱ na chalyuu, pana si'i cha' culiji ti cuaña' na lo'o ndu'ni suba' na lo'o ñati̱, si'i xqui'ya cha' bi' ngüiñá Ni ji'na; cha' caca na ñati̱ ji'i̱ ycui' Ni, cha' caca Ni nu Xu'na na, bi' cha' cua nda ycui' Ndyosi ji'na lijya̱ na chalyuu.

SANTIAGO 3:6

Ñi'ya̱ laca sca quii', jua'a̱ laca sca cha' nu chcui' na; xqui'ya bi' taca xana chaca chalyuu nu cuxi tsa ji'na, nu lo'o cua ndyatí̱ nu cha' cuxi bi' ndyaa nde ne' cresiya ji'na. Xana cañi cha' cuxi bi' tyucui ña'a̱ na li'. Xqui'ya sca cha' nu chcui' ti na, ndyaca'a̱ quii' li'; lo'o nu quii' bi' ni, nde ca bilyaa tsiya' ti ndyu'u bi' lijya̱ cañi lcaa su ndi'i̱ na.

SAN MATEO 15:16

―¿Ha lo'o cu'ma̱, ná ngua cuayá' ti' ma̱? ―nacui̱ Jesús ji'i̱ ngu' bi' li'―.

SAN MATEO 15:18

Pana sca cha' nu nchcui' ngu' ni, stu'ba laca bi' lo'o cha' nu ntsu'u ne' cresiya ji'i̱ ngu'; xqui'ya cha' nu nchcui' ngu', bi' cha' nchca cuayá' ti' xa' la ñati̱ si cua ngunu'u̱ tyiquee ngu' bi'.

SAN MARCOS 7:19

Lo'o cacu na sca na, li' tyatí̱ bi' nde tyuu tu'ba na, ca ti'i̱ bi' nde ne' na li'; lo'o tsaa na liya' tye lyiji cha' ji'i̱ li' ―nacui̱ Jesús. Jua'a̱ nchcui' Jesús cha' ca cuayá' ti' na cha' tso'o cacu na lcaa na nu ndacu ñati̱.