SAN MATEO 15:11 - Chatino Tataltepec

¹¹ Si'i sca na nu ndacu ti ngu' nu ndu'ni cha' caca cuxi tyiquee ngu'; cha' nu ndyu'u nde tu'ba ngu', masi lcaa cha' nu nchcui' ngu' ni, xqui'ya cha' bi' caca cuayá' ti' na si ngunu'u̱ tyiquee ngu'.

SAN MATEO 15:11 Referans Kwoze

SAN MARCOS 7:15

Ná ntsu'u na ndacu ngu' nu cua'ni cha' caca cuxi tyiquee ngu' ―nacui̱ yu―. Lo'o nchcui' ngu' sca cha', lo'o ndyu'ni ngu' sca cña, jua'a̱ caca cuayá' ti' na si cuxi tyiquee ngu' bi'.

ROMANOS 14:17

Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na.

ROMANOS 14:20

ná cua'ni ñu'u̱ ma̱ ji'i̱ cña nu ndyu'ni ycui' Ndyosi xqui'ya sca na nu ndacu ma̱. Chañi cha' tso'o tsa laca lcaa na nu nda Ni cha' cacu ñati̱, pana caca cuxi na bi' cuentya ji'i̱ ma̱, si ntsu'u ngu' nu xtyanu cha' ji'i̱ Jesús xqui'ya cha' ndacu ma̱ ji'i̱.

HEBREOS 13:9

Ná ta ma̱ chacuayá' culu'u ñati̱ xi xa' la cha' ji'i̱ ma̱, sca cha' nu ná stu'ba nchcui' lo'o cha' bi', cha' ná xtyanu ma̱ jua'a̱ ji'i̱ tyucui̱i̱ liñi. Tso'o la si tyanu tso'o lcaa cha' ji'i̱ ycui' Ndyosi ne' cresiya ji'na, si cube ti' na ji'i̱ lcaa cha' tso'o nu ndu'ni Ni lo'o na lcaa hora; pana ná taca tyanu tso'o cha' ji'i̱ ycui' Ndyosi ne' cresiya ji'na lo'o taquiya' na ji'i̱ cua ña'a̱ ca cña nu tatsaa ngu' ji'na, ñi'ya̱ nti' si nacui̱ ngu' cha' ná tso'o cacu na sca lo na nu ndacu ngu'. Masi cua ndaquiya' tsa na ji'i̱ cña bi' tya tsubi' la, si'i na tso'o la ngua ti' na lo'o ngua'ni na jua'a̱.

ROMANOS 14:14

Cua nchcui' Cristo lo'o na', cua jlo ti' na' cha' ni sca na cuxi ná nda ycui' Ndyosi cha' cacu ñati̱; lcaa na nu ndacu ñati̱ chalyuu, na tso'o laca bi'. Pana ntsu'u ñati̱ nu ná nchca cacu sca na, xqui'ya cha' nti' ti ngu' cha' na cuxi laca bi'; cuxi tsa laca na bi' cuentya ji'i̱ ngu' bi' si cacu ngu' ji'i̱ li'.

2 PEDRO 2:18

Jlo tsa ti' nu ngu' cuiñi bi' ñi'ya̱ chcui' ngu' sca cha' tso'o, pana tucua lo cha' ntsu'u tyiquee ngu' bi'; na cñilo'o ngu' bi' ji'i̱ ngu' nu ngusñi ca ti cha' tso'o ji'i̱ Jesucristo, cha' lo'o ngu' cua'ni suba' ngu' chaca quiya' nti' nu ngu' cuiñi bi'. Ñi'ya̱ ngua'ni ngu' cha' cuxi tya tsubi' la, nu lo'o bilya cuna ngu' cha' tso'o ji'i̱ ycui' Ndyosi, jua'a̱ nti' ngu' cuiñi bi' cha' cua'ni ngu' chaca quiya'.

TITO 1:15

Lubii tsa laca lcaa lo na, jua'a̱ nti' sca ngu' nu lubii cresiya ji'i̱ cuentya ji'i̱ ycui' Ndyosi; pana ná ntsu'u na lubii tsiya' ti nti' ngu' nu cuxi tyiquee, cha' ná jlya ti' ngu' bi' ji'i̱ cha' liñi. Lo'o cua'ni ngu' nu cuxi tyiquee cha' cuxi, li' nga'aa nda ngu' bi' cuentya cha' xcui' cha' cuxi laca nu ndu'ni ngu'.

SAN MATEO 15:10

Lo'o li' ngusi'ya Jesús ji'i̱ nu quiña'a̱ tsa ñati̱ nu ndi'i̱ cajua cha' ca̱a̱ ngu' cacua la xi, cha' chcui' yu lo'o ngu' li': ―Cua'a̱ jyaca̱ ma̱ ―nacui̱ Jesús ji'i̱ ngu'―, cha' caca cuayá' tso'o ti' ma̱ ―nacui̱―.

SAN MATEO 15:12

Lo'o li' ñaa ngu' nu ndyaca tsa'a̱ ji'i̱ cacua la slo Jesús. ―Ná ndiya ti' nu ngu' fariseo bi' lo'o ndyuna ngu' cha' nu nchcui' nu'u̱ ―nacui̱ ngu' bi' ji'i̱ Jesús.

1 TIMOTEO 4:3

Nclu'u ngu' cuiñi bi' cha' ná tso'o caja clyo'o na; nclu'u ngu' cha' ntsu'u tsa na ndacu na nu ná tso'o cacu na, nacui̱ ngu' bi'. Tlyu tsa cha' cuiñi nu nda ngu' bi'. Pana ngüiñá ycui' Ndyosi lcaa na nu ndacu na cha' tso'o ti cacu na ji'i̱, lcaa tya'a na nu ntsu'u cha' ji'na lo'o Jesucristo; bi' cha' tya na xlya'be ji'i̱ ycui' Ndyosi lo'o cua cacu ti na, cha' jlo ti' na cha' tso'o ji'i̱ ycui' Ni.