SAN MATEO 15:10 - Chatino Tataltepec

¹⁰ Lo'o li' ngusi'ya Jesús ji'i̱ nu quiña'a̱ tsa ñati̱ nu ndi'i̱ cajua cha' ca̱a̱ ngu' cacua la xi, cha' chcui' yu lo'o ngu' li': ―Cua'a̱ jyaca̱ ma̱ ―nacui̱ Jesús ji'i̱ ngu'―, cha' caca cuayá' tso'o ti' ma̱ ―nacui̱―.

SAN MATEO 15:10 Referans Kwoze

COLOSENSES 1:9

Bi' cha' juani lu'ba ti nchcui' ya lo'o ycui' Ndyosi cuentya ji'i̱ cu'ma̱; tya lo'o ngujui cha' ji'i̱ ya cha' cua ngusñi ma̱ cha' bi', ndijña ya cha' ji'i̱ ycui' Ndyosi cha' ta Ni chacuayá' cha' caca cuayá' lyiji ti' ma̱ lcaa cha' ñi'ya̱ nu nti' Ni cha' cua'ni ma̱, cha' jua'a̱ taca culacua tso'o ti' ma̱, taca ca'ya cha' tso'o hique ma̱ xqui'ya Xtyi'i ycui' Ndyosi li'.

SAN LUCAS 24:45

Li' ngulu'u Jesús ji'i̱ ngu' ña'a̱ cha' nu nchcui' quityi cusu' bi'.

EFESIOS 1:17

Tlyu tsa cha' tso'o ntsu'u ji'i̱ ycui' Ndyosi Sti na, la cui' ycui' Ndyosi nu laca Sti Jesucristo nu Xu'na na. Nchcui' na' lo'o Ni cha' ta Ni Xtyi'i ycui' Ni ji'i̱ ma̱, cha' jua'a̱ ca cuayá' ti' ma̱ lcaa cha' li'; culu'u Xtyi'i ycui' Ni ji'i̱ ma̱ ñi'ya̱ laca ycui' Ni, lo'o li' taca tyuloo tso'o la ma̱ ji'i̱ ycui' Ndyosi.

SAN MATEO 24:15

’Jyo'o Daniel nu ngua tu'ba ji'i̱ ycui' Ndyosi cua sa'ni ni, cua nchcui' yu cuentya ji'i̱ sca na nu suba' tsa, nu cua'ni ñu'u̱ ji'i̱ lcaa na lubii. (Caca cuayá' ti' cu'ma̱ ji'i̱ cha' bi' nu lo'o chcui' ma̱ lo quityi re.) Nu lo'o ña'a̱ ma̱ cha' ndu̱ na suba' bi' ca su tacati tsa ne' laa tonu bi' ―nacui̱ Jesús―,

SAN MATEO 13:19

Lo'o cuna ñati̱ cha', ñi'ya̱ nu caca lo'o laca ycui' Ndyosi loo ne' cresiya ji'i̱ ngu', pana ná nchca cuayá' ti' ñati̱ bi' ni cha' laca bi', hora ti cua'ni xu'na cuiñaja cha' cuityi̱ cha' tso'o bi', cha' nga'aa xñi ngu' bi' cha' tso'o bi'. Laca ñati̱ bi' ñi'ya̱ laca lo'o ndyú si'yu to' tyucui̱i̱ ti.

SANTIAGO 1:5

Si ntsu'u quiya' nu lo'o ná jlo ti' ma̱ tsiya' ti ñi'ya̱ nu cua'ni ma̱, li' tso'o chcui' ma̱ lo'o ycui' Ndyosi, cha' ta Ni sca cha' nu ca'ya hique ma̱ ñi'ya̱ nu cua'ni ma̱ li'. Tso'o tsa cha' xlya'be nda Ni ji'i̱ lcaa ñati̱, cuati ná ndu'ni tyaala Ni ji'na lo'o nda Ni sca cha' tso'o ji'na.

SAN MATEO 15:9

Na cuiñi tsa ngu' re, cha' nacui̱ ngu' cha' ndyu'ni tlyu ngu' 'na, masi nclu'u ngu' cha' nu nchcui' ñati̱ ti ji'i̱ tya'a ngu'; pana nacui̱ ngu' cha' nclyu'u ngu' cha' jna' ji'i̱ tya'a ngu'. Jua'a̱ nguscua jyo'o Isaías bi' cuentya ji'i̱ ycui' Ndyosi.

SAN MATEO 15:11

Si'i sca na nu ndacu ti ngu' nu ndu'ni cha' caca cuxi tyiquee ngu'; cha' nu ndyu'u nde tu'ba ngu', masi lcaa cha' nu nchcui' ngu' ni, xqui'ya cha' bi' caca cuayá' ti' na si ngunu'u̱ tyiquee ngu'.