SAN MATEO 14:8 - Chatino Tataltepec

⁸ Li' ndacha' xtya'a̱ nu cuna'a̱ bi' ji'i̱, na ca nu jña cho' ji'i̱ Herodes. Ti'í tsa ti' Herodías ña'a̱ ji'i̱ nu Juan bi', bi' cha' ngua ti' cujuii ji'i̱ Juan. ―Hique Juan nu ntyucuatya ji'i̱ ngu' nta̱' ―nacui̱ nu cuna'a̱ cuañi' bi' ji'i̱ Herodes li'―. Ca̱a̱ lo'o ngu' ji'i̱ scua' que yu ne' sca tsi'yu ―nacui̱.

SAN MATEO 14:8 Referans Kwoze

SAN MARCOS 6:24

Li' ndu'u nu cuna'a̱ cuañi' bi', ndyaa slo xtya'a̱. ―¿Na ca jña na' ji'i̱ rey? ―nacui̱ ji'i̱ xtya'a̱ li'. ―Scua' que Juan nu ntyucuatya ji'i̱ ngu' ―nacui̱ xtya'a̱ li'.

SAN MATEO 14:7

bi' cha' ngua'ni yu jura cha' ta yu lcaa na nu jña cho' bi' ji'i̱ yu.

SAN MATEO 14:9

Ngua xñi'i̱ xi ti' Herodes nu laca loo bi' li'; pana cua ngua'ni yu jura slo lcaa ngu' nu ndya'a̱ ta'a, bi' cha' ngulo yu cña cha' cua'ni ngu' ñi'ya̱ nu nacui̱ nu cuna'a̱ bi'.

SAN MATEO 14:11

Li' ngusta ngu' scua' que yu bi' ne' tsi'yu, ñaa lo'o ngu' ji'i̱ bi' li', nda ngu' ji'i̱ nu cuna'a̱ cuañi' bi'. Li' ndu'u nu cuna'a̱ bi' ndyaa, ndyaa lo'o tsi'yu bi' slo xtya'a̱.

SAN MARCOS 6:25

Yala ti ndyaa nu cuna'a̱ cuañi' bi' slo rey chaca quiya', cha' jña cha' bi' ji'i̱. ―Scua' que Juan nu ntyucuatya ji'i̱ ngu' nti' na' ―nacui̱ nu cuna'a̱ bi'―. Nu juani ti nti' na scua' que yu bi' ne' sca tsi'yu ―nacui̱ ji'i̱ rey.

SAN MARCOS 6:28

Li' ñaa lo'o sendaru ji'i̱ ne' tsi'yu, nda ji'i̱ nu cuna'a̱ cuañi' bi'. Li' ndyaa lo'o nu cuna'a̱ bi' ji'i̱ slo xtya'a̱.