SAN MATEO 14:36 - Chatino Tataltepec

³⁶ Ndijña ngu' chacuayá' ji'i̱ yu cha' cala' ngu' quicha bi' masi quiya' ste' ti yu; lo'o ndyala' ngu' quicha bi' ste' yu, hora ti ngua tso'o ngu' bi' li'.

SAN MATEO 14:36 Referans Kwoze

SAN LUCAS 6:19

Lcaa ngu' bi' nti' ngu' sta ya' ngu' chu̱' Jesús; nti' ngu' cha' cua'ni yu jo'o ji'i̱ lcaa ñati̱ quicha bi', xqui'ya cha' tlyu tsa chacuayá' ntsu'u ji'i̱ yu. Ndyaca tso'o lcaa ngu' quicha bi' li'.

SAN MARCOS 3:10

Jlo ti' ngu' cha' cua ngua'ni yu jo'o ji'i̱ quiña'a̱ tsa ngu' quicha, bi' cha' tachaa tsa ndi'i̱ ngu' quicha slo; cua nti' tsa ngu' cala' ngu' ji'i̱ ycui' Jesús.

LOS HECHOS 3:16

’Cua nslo ma̱ ji'i̱ nu qui'yu re nu ngua quicha yu nquicha' ―nacui̱ Pedro ji'i̱ ngu'―. Lo'o juani cua ngua'ni Jesús cha' ndyaca tso'o yu re, xqui'ya cha' jlya ti' ya ji'i̱ Jesús. Nchca tsa ji'i̱ nu Jesús bi' cua'ni cha' tyaca tso'o ñati̱; taca ña'a̱ ma̱ cha' chañi cha' bi', cha' ngua tso'o yu re juani.

SAN JUAN 7:23

Nu lo'o ndu'u scua snu' tsa̱ tya lo'o ngula sñi' ma̱, ndu'ni ma̱ cña bi', masi ndi'i̱ cña' ngu' cha' ta'a, cha' ndaquiya' ma̱ lcaa cha' nu cua nda Moisés lo'o na. Bi' cha' juani, ¿ni cha' laca cha' ñasi̱' ma̱ 'na? ―nacui̱ Jesús―. Laca cha' ngua'ni na' cha' ngua tso'o sca ñati̱, masi sca tsa̱ ndi'i̱ cña' ngu' ngua bi'.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

SAN MATEO 23:5

Lcaa cha' nu ndu'ni nu ngu' bi' ni, ndu'ni ngu' ji'i̱ cha' ña'a̱ ti ñati̱ ji'i̱ ngu'; bi' cha' ndyaaca̱' juata su nscua cha' ji'i̱ ycui' Ndyosi hique ngu', lo'o jua'a̱ scu̱ ngu', cha' nti' ngu' cha' chcui' ñati̱ ji'i̱ ngu' cha' tacati tsa ndu'ni ngu'. Lo'o jua'a̱ nchcu' ngu' bi' payu̱ nu tonu tsa lsu ndacui lo cha' ña'a̱ ñati̱ ji'i̱.

SAN MATEO 14:35

Lo'o ndyuloo ngu' nu ndi'i̱ cajua ji'i̱ Jesús, li' hora ti nda ngu' cha' ndyaa lcaa quichi̱ su cacua ti, cha' caca cuayá' ti' ngu' bi' cha' cua ndyalaa Jesús. Li' ya̱a̱ lo'o ngu' ji'i̱ lcaa ngu' quicha slo Jesús.

SAN MARCOS 6:56

Tyu̱u̱ tya'a quichi̱ su ndyaa Jesús, lo'o quichi̱ tlyu, lo'o quichi̱ sube ti, lo'o to' tyi ñati̱ ti ne' quixi̱', lcaa su ndya'a̱ yu ñaa ngu' ñaa lo'o ngu' ji'i̱ nu quicha ji'i̱ ngu'. Ndijña ngu' chacuayá' ji'i̱ Jesús cha' cala' ti ngu' quicha masi quiya' ste' ti yu. Lo'o lcaa nu quicha nu ndyala' ste' Jesús ni, hora ti ngua tso'o ngu' bi' li'.

SAN MARCOS 8:22

Lo'o li' ndyalaa ngu' ca nde quichi̱ Betsaida. Hora ti ñaa lo'o ngu' quichi̱ ji'i̱ sca nu cuityi̱' slo Jesús. Ndijña tsa ngu' ji'i̱ yu cha' sta ya' yu hique nu quicha, ngua ti' ngu'.