SAN MATEO 14:28 - Chatino Tataltepec

²⁸ Li' nguxacui̱ Pedro cha' ji'i̱: ―¿Ha chañi cha' nu'u̱ laca, cusu'? ―nacui̱ Pedro ji'i̱ Jesús―. Si chañi cha' nu'u̱ laca, culo nu'u̱ cña 'na lacua, cha' lo'o na' tya'a̱ na' lo hitya cha' tyalaa na' ca su ndu̱ nu'u̱.

SAN MATEO 14:28 Referans Kwoze

SAN JUAN 6:68

Li' nguxacui̱ Simón Pedro cha' ji'i̱ Jesús: ―Cusu' ―nacui̱―, ¿ma nde ntsu'u chaca se'i̱ su tsaa ya cha' cuna ya lcaa ña'a̱ cha' liñi nu nchcui' nu'u̱? Ná nga'a̱ cha' tye chalyuu ji'i̱ ya si cua'a̱ jyaca̱ ya ji'i̱ cha' nu nchcui' nu'u̱ ―nacui̱―.

ROMANOS 12:3

Tlyu tsa cha' tso'o nu ngua'ni ycui' Ndyosi lo'o na', nu lo'o nda Ni cña jna'; bi' cha' nchcui' tsa na' lo'o ma̱ juani, cha' nga'aa cua'ni tyucuaa ti' ma̱ lo'o xa' ñati̱. Nga'a̱ cha' culacua ti' ma̱ cha' lcaa cña nu cua nchca ji'i̱ ma̱ juani, Cristo ngua'ni cha' caca ji'i̱ ma̱, nu lo'o ngusñi ma̱ cha' ji'i̱ Ni.

SAN MATEO 19:27

Li' nchcui' Pedro xi lo'o Jesús: ―Lo'o cuare ni, cua nguxtyanu ya lcaa na nu ntsu'u ji'i̱ ya cha' tya'a̱ ya lo'o nu'u̱, ñi'ya̱ nu nacui̱ nu'u̱ cha' cua'ni ya ―nacui̱ Pedro ji'i̱ Jesús―. ¿Na laca caja ji'i̱ ya nde loo la li'?

SAN MARCOS 14:31

―Ná chcui' na' lo'o ñati̱ cha' ná nslo na' jinu'u̱ ―nacui̱ Pedro ji'i̱ Jesús―. Masi cujuii ngu' jinu'u̱, masi cua cujuii ti ngu' 'na, ná xacui̱ na' cha' ji'i̱ ñati̱ cha' ná nslo na' jinu'u̱ ―nacui̱. Lye tsa nchcui' Pedro, lo'o jua'a̱ lcaa tya'a ngu', stu'ba ti nchcui' ngu'.

SAN MATEO 14:27

Hora ti ndacha' Jesús ji'i̱ ngu': ―Cua'ni tlyu tyiquee ma̱ ―nacui̱ Jesús ji'i̱ ngu'―. Na' laca̱, ná cutsi̱i̱ ma̱.

SAN MATEO 14:29

―Ca̱a̱ nu'u̱ ca nde ―nacui̱ Jesús ji'i̱ Pedro li'. Lo'o li' ngutu'u Pedro ne' yaca ni'i̱, ndya'a̱ yu lo hitya cha' tyalaa yu ca su ndu̱ ycui' Jesús.

SANTIAGO 1:6

Tsa bi' ti cha', nu lo'o jña ma̱ sca cha' ji'i̱ ycui' Ndyosi, li' nga'a̱ cha' jlya ti' ma̱ cha' nchca ji'i̱ Ni cua'ni Ni jua'a̱; ná tso'o si tya'a̱chu̱' ma̱ ji'i̱ cha' bi', ñi'ya̱ si ñacui̱ ma̱ cha' ná nchca ji'i̱ Ni cua'ni Ni jua'a̱. Ñati̱ nu jua'a̱ ñacui̱ cha' ná nchca ji'i̱ ycui' Ni, laca ngu' bi' ñi'ya̱ laca sca clyoo' nu ndya'a̱ lo tyujo'o; ndyatu̱ clyoo' ndyaa macala su nducuni'i̱ cui'i̱ ji'i̱ cha' tsaa.