SAN MATEO 14:27 - Chatino Tataltepec

²⁷ Hora ti ndacha' Jesús ji'i̱ ngu': ―Cua'ni tlyu tyiquee ma̱ ―nacui̱ Jesús ji'i̱ ngu'―. Na' laca̱, ná cutsi̱i̱ ma̱.

SAN MATEO 14:27 Referans Kwoze

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

LOS HECHOS 23:11

Lo'o ngua talya lye, li' ndyalaa ycui' nu Xu'na na slo Pablo. ―Cua'ni tlyu tyiquee nu'u̱ Pablo ―nacui̱ Ni―. Ñi'ya̱ cua nchcui' nu'u̱ cha' jna' nde quichi̱ Jerusalén re, jua'a̱ ntsu'u cha' chcui' nu'u̱ cha' jna' ca quichi̱ Roma.

SAN JUAN 6:20

Bi' cha' hora ti nchcui' Jesús lo'o ngu': ―Ná cutsi̱i̱ ma̱, na' laca̱ re ―nacui̱.

SAN MATEO 17:7

Lo'o li' ngusta ya' Jesús hichu̱' ngu' bi'. ―Tyatu̱ ma̱ ―nacui̱ Jesús ji'i̱ ngu'―, ná cutsi̱i̱ ma̱ tsiya' ti.

SAN MATEO 9:2

Lo'o ndyalaa quichi̱ bi', li' ñaa lo'o ngu' ji'i̱ sca nu quicha nu nchcu̱' tyucuí̱ tyucui ña'a̱ yu; ñaa ngu' slo Jesús cha' cua'ni jo'o ji'i̱ nu quicha bi'. Ntsiya nu quicha bi' ne' sca catya̱. Pana jlo ti' Jesús cha' jlya ti' ngu' bi' ji'i̱, bi' cha' nchcui' lo'o nu quicha ndi'ya̱: ―Ca tso'o nu'u̱, sñi' ―nacui̱ Jesús ji'i̱ nu quicha―. Cua ngua'ni clyu ti' na' ji'i̱ qui'ya nu ntsu'u jinu'u̱.

SAN LUCAS 1:30

Xa' nchcui' xca̱ bi' lo'o nu cuna'a̱ cuañi' bi' li': ―María ―nacui̱―, ná cutsi̱i̱ nu'u̱ cha' cua nda ycui' Ndyosi sca cha' tso'o hi̱ ―nacui̱ xca̱ bi' ji'i̱―.

SAN LUCAS 1:13

Nchcui' xca̱ bi' lo'o yu li': ―Ná cutsi̱i̱ nu'u̱ Zacarías ―nacui̱―. Cua ndyuna ycui' Ndyosi cha' nu tya'na tsa nchcui' nu'u̱ lo'o Ni, bi' cha' cala sca sñi' Elisabet clyo'o nu'u̱. Juan caca naa yu, jua'a̱ caca xtañi nu sta nu'u̱ ji'i̱.

SAN MATEO 28:10

―Ná cutsi̱i̱ ma̱ ―nacui̱ Jesús ji'i̱ ngu' bi' li'―. Yaa clya ma̱ cacha' ma̱ ji'i̱ ngu' tya'a na' cha' ntsu'u cha' tsa'a na' nde Galilea; ca bi' tyacua tya'a ngu' lo'o na', ñacui̱ ma̱ ji'i̱ ngu'.

SAN LUCAS 2:10

Pana nchcui' xca̱ bi' lo'o ngu': ―Ná cutsi̱i̱ ma̱ tsiya' ti ―nacui̱―. Cua lijya̱ na' re cha' ta na' sca cha' tso'o lo'o ma̱ ―nacui̱―. Tso'o tsa caca tyiquee lcaa ñati̱ xqui'ya cha' nu ta na' lo'o ma̱ juani ―nacui̱ xca̱ ji'i̱ ngu' bi'―.

SAN MATEO 14:28

Li' nguxacui̱ Pedro cha' ji'i̱: ―¿Ha chañi cha' nu'u̱ laca, cusu'? ―nacui̱ Pedro ji'i̱ Jesús―. Si chañi cha' nu'u̱ laca, culo nu'u̱ cña 'na lacua, cha' lo'o na' tya'a̱ na' lo hitya cha' tyalaa na' ca su ndu̱ nu'u̱.

SAN MATEO 28:5

Li' nchcui' xca̱ bi' lo'o nu ngu' cuna'a̱ bi': ―Ná cutsi̱i̱ ma̱ ―nacui̱ ji'i̱ ngu' cuna'a̱ bi'―. Jlo ti' na' cha' nclyana ma̱ ji'i̱ Jesús nu ngujuii lo crusi.

SAN MARCOS 6:50

Na'a̱ ca ta'a ngu' ji'i̱, lo'o jua'a̱ ndyutsi̱i̱ tsa ngu' li'. Hora ti ndacha' Jesús ji'i̱ ngu': ―Cua'ni tlyu tyiquee ma̱, na' laca̱ ―nacui̱ yu―. Ná cutsi̱i̱ ma̱ ―nacui̱ Jesús ji'i̱ ngu'.

SAN LUCAS 5:10

Lo'o tyucuaa nu qui'yu sñi' Zebedeo nu nga'a̱ ne' chaca yaca ni'i̱ bi', nu naa Jacobo lo'o nu naa Juan ni, lo'o ngu' bi' ndyutsi̱i̱ tsa ngu'; la cui' tya'a ndya'a̱ Simón cña laca ngu' bi'. Li' nchcui' Jesús lo'o Simón: ―Ná cutsi̱i̱ ma̱ ―nacui̱―. Tya tsubi' la cua laca ti cña ngua'ni ma̱, xcui' cña cuta cualya ngua'ni ma̱; pana juani, ta na' xa' cña ji'i̱ ma̱, cha' ca̱a̱ lo'o ma̱ ji'i̱ xa' ñati̱ ca slo na' ―nacui̱ Jesús ji'i̱ Simón, jua'a̱ ji'i̱ tya'a ndya'a̱ yu cña.

SAN LUCAS 12:32

’Ná cutsi̱i̱ cu'ma̱. Ñati̱ 'na laca ma̱, masi xti ti ngu' tya'a ma̱, cu'ma̱ nu laca ma̱ taju ñati̱ ji'i̱ ycui' Ndyosi; cua ngujui chalyuu tso'o ji'i̱ ma̱ cha' ycui' Ndyosi Sti na laca loo ji'i̱ ma̱, cha' jua'a̱ nti' ycui' Ni.