SAN MATEO 14:23 - Chatino Tataltepec

²³ Lo'o cua ndyaa lcaa ngu' bi', li' ndyaa Jesús nde sii' ca'ya cha' chcui' lo'o ycui' Ndyosi su ndu̱ yu ycui' ti yu. Lo'o cua tsaa ti cuichaa, tya ndu̱ Jesús ycui' ti nde sii' ca'ya.

SAN MATEO 14:23 Referans Kwoze

SAN LUCAS 6:12

Tyempo bi' ycui' ti Jesús ndyaa sca ca'ya cha' chcui' lo'o ycui' Ndyosi Sti yu. Tyucui talya ngua'a̱ yu nchcui' yu lo'o ycui' Ndyosi li'.

SAN MARCOS 6:46

Lo'o cua nchcui' salya' lo'o ngu', ndu'u Jesús ndyaa ycui' ti yu nde sii' ca'ya cha' chcui' yu lo'o ycui' Ndyosi Sti yu.

SAN MATEO 26:36

Lo'o li' ndyalaa Jesús lo'o nu ngu' nu ndyaca tsa'a̱ ji'i̱, ndyatí̱ ngu' ne' sca lo'o su naa Getsemaní nu nga'a̱ ca to' quichi̱. ―Cua'a̱ ma̱ xi ndacua ti ―nacui̱ Jesús ji'i̱ ngu' bi'―, laja lo'o tsa'a̱ ca nde la xi cha' chcui' na' lo'o ycui' Ndyosi Sti na'.

SAN MATEO 6:6

Lo'o cu'ma̱ ni, nu lo'o chcui' ma̱ lo'o ycui' Ndyosi, tsaa ma̱ sca se'i̱ su taca tyi'i̱ ma̱ cuaana ti. Si nga'a̱ ma̱ nde ni'i̱, li' tacu̱' ma̱ toni'i̱, cha' jua'a̱ cua'ni tlyu ma̱ ji'i̱ ycui' Ndyosi Sti na cajua; ndi'i̱ ycui' Ndyosi cacua ti slo ma̱, masi ná nga'a̱ xa' ñati̱ slo ma̱. Sca ti ycui' Ndyosi Sti na nchca cuayá' ti' ñi'ya̱ laca cha' tso'o nu ndu'ni ma̱ cuaana ti, lo'o jua'a̱ xco'o Ni cha' tso'o nu tyacua ji'i̱ ma̱ nde loo la.

LOS HECHOS 6:4

Li' caja la xi tyempo cha' chcui' ya lo'o ycui' Ndyosi, cha' culu'u ya cha' ji'i̱ Jesucristo ji'i̱ xa' ñati̱.

SAN LUCAS 9:28

Nu lo'o cua ndu'u scua snu' tsa̱ tya lo'o nchcui' Jesús cha' bi', li' ndyacuí̱ yu sca ca'ya cha' chcui' yu lo'o ycui' Ndyosi; ndyaa lo'o yu ji'i̱ Pedro lo'o Jacobo lo'o Juan.

SAN MARCOS 1:35

Lo'o bilya quixee chaca tsa̱, li' ndyatu̱ Jesús; ndu'u yu, ndyaa yu xi nde ne' quixi̱' su ti̱ ti ndu̱ chalyuu, cha' chcui' yu lo'o ycui' Ndyosi cajua.

SAN LUCAS 3:21

Nu lo'o tya lyiji tsaa Juan bi' ne' chcua̱, tya ndu̱ yu to' sta'a̱ ntyucuatya yu ji'i̱ quiña'a̱ tsa ñati̱, li' ndyalaa Jesús slo cha' tyucuatya Juan ji'i̱. Laja lo'o ntyucuatya yu ji'i̱ Jesús, li' nchcui' Jesús lo'o ycui' Ndyosi; ndyaala tyucui̱i̱ ca nde cua̱ li'.

SAN LUCAS 5:16

Pana ntsu'u quiya' ndu'u Jesús ndyaa yu ca ne' quixi̱', ca su caca tyi'i̱ yu ycui' ti yu, cha' chcui' yu lo'o ycui' Ndyosi Sti yu ca bi'.

SAN LUCAS 9:18

Ngua sca tsa̱ ndi'i̱ Jesús ycui' ti nchcui' yu lo'o ycui' Ndyosi. Li' lijya̱ ngu' nu ndyaca tsa'a̱ ji'i̱ ca slo yu. Nchcuane Jesús ji'i̱ ngu' bi' li': ―¿Tilaca ta laca na' nacui̱ ngu'? ―nacui̱ Jesús ji'i̱ ngu' bi'.