SAN MATEO 14:19 - Chatino Tataltepec

¹⁹ Li' ngulo Jesús cña ji'i̱ nu ngu' quiña'a̱ bi', cha' tyaca'a̱ ngu' xi lo quii. Li' ndaya' yu ji'i̱ nu ca'yu tya'a xlyá teje' bi' lo'o ji'i̱ nu tucua tya'a cualya bi'; nxña'a̱ yu nde cua̱ li', ndya xlya'be ji'i̱ ycui' Ndyosi, lo'o li' nguxana yu nsa'be yu xlyá lo'o cualya bi', nda yu yu'be bi' ji'i̱ ngu' nu ndyaca tsa'a̱ ji'i̱ cha' tacha ngu' ji'i̱ ñati̱ bi'.

SAN MATEO 14:19 Referans Kwoze

SAN LUCAS 24:30

Pana nu lo'o cua nga'a̱ yu lo'o ngu' to' mesa, li' ngusñi yu sca xlyá, ndya yu xlya'be ji'i̱ ycui' Ndyosi; lo'o li' ngusa'be yu xlyá bi', cha' ta yu ji'i̱ ngu'.

LOS HECHOS 27:35

Lo'o ndye nchcui' Pablo lo'o ngu', li' ngusñi yu sca xlyá. Ndya yu xlya'be ji'i̱ ycui' Ndyosi slo lcaa ngu', ngusa'be yu xlyá bi', ndyacu yu li'.

SAN MARCOS 6:41

Li' ndaya' Jesús ji'i̱ nu ca'yu tya'a xlyá teje' lo'o nu tucua tya'a cualya bi', nguxña'a̱ yu nde cua̱ cha' tya yu xlya'be ji'i̱ ycui' Ndyosi xqui'ya xlyá, lo'o jua'a̱ xqui'ya cualya. Ndya'be xlyá li', nda yu xlyá yu'be ji'i̱ nu ngu' nu ndyaca tsa'a̱ ji'i̱ cha' tacha ngu' ji'i̱ nu ngu' quiña'a̱ bi'; la cui' jua'a̱ ngusa'be yu ji'i̱ cualya cha' cacu ngu'.

1 CORINTIOS 11:24

ndya yu xlya'be ji'i̱ ycui' Ndyosi Sti na, lo'o li' ngusa'be yu xlyá bi'; li' nacui̱ Jesús ji'i̱ tya'a ndya'a̱ yu: “Jacu ma̱ xlyá re; ñi'ya̱ nti' cuaña' na', jua'a̱ nti' xlyá re. Cuentya ji'i̱ ma̱ laca cha' nu chcube' na' lo crusi, bi' cha' tyi'u ti' ma̱ 'na lo'o cacu ma̱ xlyá re”, nacui̱ Jesús ji'i̱ ngu' bi'.

ROMANOS 14:6

Si tacati tsa sca tsa̱ cuentya ji'i̱ tsaca ngu', bi' laca tsa̱ nu nga'a̱ cha' cua'ni chi̱ ngu' bi' loo ycui' Ndyosi lacua; lo'o jua'a̱ taca cua'ni chi̱ nu xa' la ñati̱ loo ycui' Ndyosi, masi ná ntsu'u cha' tacati ji'i̱ ngu' lo'o tsa̱ bi'. La cui' jua'a̱ ndyu'u cha' lo'o ñati̱ nu ná ntsi̱i̱ cacu cuaña' bi'; xqui'ya cha' ngusñi ngu' cha' ji'i̱ ycui' Ndyosi, bi' cha' ná ntsi̱i̱ ngu' bi'. Ndya ngu' xlya'be ji'i̱ ycui' Ni lo'o ndacu ngu' ji'i̱. Lo'o nu ntsi̱i̱ cacu cuaña' bi' ni, la cui' ti xqui'ya ycui' Ndyosi ntsi̱i̱ ngu' cacu ngu' ji'i̱; lo'o ngu' bi' ndya ngu' xlya'be ji'i̱ ycui' nu Xu'na na cha' nda Ni na cacu ngu'.

COLOSENSES 3:17

Lcaa ña'a̱ cña nu nti' ma̱ cha' cua'ni ma̱, lcaa ña'a̱ cha' nu nti' ma̱ chcui' ma̱ lo'o ñati̱, chacuayá' ji'i̱ Jesús nu Xu'na na cua'ni ma̱ ji'i̱ lacua. Lo'o jua'a̱ la cui' hora bi' tya ma̱ xlya'be ji'i̱ ycui' Ndyosi Sti na xqui'ya Jesús.

1 CORINTIOS 10:16

Lo'o ndyu'u ti'i̱ na stu'ba ti lo'o ngu' tya'a ngusñi na cha' ji'i̱ Jesús ndyi'yu na, lo'o jua'a̱ ndacu na li'; jua'a̱ ndu'ni na xqui'ya cha' ngulacua̱ Jesús ji'i̱ cha' bi' tya clyo. Bi' cha' clyo nda na tsa xlya'be ji'i̱ ycui' Ndyosi xqui'ya cña nu ngua'ni Jesús bi'. Lo'o ndyi'yu na vino bi', li' stu'ba ntsu'u cha' ji'na lo'o ycui' Jesús lo'o lcaa ngu' tya'a na, nu lo'o ntsu'u ti' na cha' cua ndyalu tañi ycui' Jesús lo'o ngujuii Ni lo crusi xqui'ya na. Lo'o ndacu na xlyá bi', la cui' jua'a̱ li', stu'ba ntsu'u cha' ji'na lo'o Jesús lo'o lcaa ngu' tya'a na, nu lo'o ntsu'u ti' na cha' nda Jesús ji'i̱ tyucui ña'a̱ ycui' ca cha' ngujuii Ni lo crusi xqui'ya na.

SAN LUCAS 9:14

Ca'yu mil tya'a ngu' qui'yu ti ndi'i̱ ngu' bi'. Li' nchcui' Jesús lo'o nu ngu' nu ndyaca tsa'a̱ ji'i̱: ―Chcui' ma̱ lo'o ngu' jua cha' tyaca'a̱ ngu' lo yuu cuentya qui'i ti, tu'ba tyii tya'a ngu' sca qui'i ―nacui̱ yu ji'i̱ ngu'.

SAN MARCOS 7:34

Li' nguxña'a̱ Jesús nde cua̱, lye tsa ñaa xtyi'i li'. ―Efata ―nacui̱ Jesús ji'i̱ nu quicha bi' li'. (Ndi'ya̱ ndyu'u cha' bi' cha'cña ji'i̱ yu: Tyaala tyuu jyaca̱ nu'u̱, jua'a̱ nti' ñacui̱ cha' bi'.)

1 CORINTIOS 10:31

Tso'o lacua masi cacu ma̱, masi co'o ma̱, masi cua'ni ma̱ lcua ti lo cña nu ndyu'ni ma̱, pana tyi'u ti' ma̱ ji'i̱ ycui' Ndyosi laja lo'o cua'ni ma̱ lcaa cña bi', cha' caca cuayá' ti' ngu' li' cha' tso'o tsa laca cha' ji'i̱ ycui' Ndyosi, la cui' cha' nu cua ngusñi ma̱.

SAN JUAN 6:23

Lo'o li' ngulaa xi xa' la yaca ni'i̱ nu ngutu'u nde quichi̱ Tiberias, ndyacui to' hitya cacua ti su ndyacu ngu' xlyá nu cua nda ycui' nu Xu'na na xlya'be ji'i̱ ycui' Ndyosi cuentya ji'i̱.

SAN MARCOS 6:39

Lo'o li' ngulo Jesús cña ji'i̱ ngu' quiña'a̱ cha' tyaca'a̱ ngu' xi lo quii sube cuentya taju ngu'.

SAN JUAN 11:41

Li' ngulotsu' ngu' quee nu ndyacu̱' tu'ba tyuquee bi'. Li' nguxña'a̱ Jesús nde cua̱. ―Sti na' ―nacui̱ Jesús li'―, tsa xlya'be hi̱ cha' cua ndyuna nu'u̱ cha' nu nchcui' na' lo'o nu'u̱.

SAN LUCAS 22:19

Nu lo'o cua ntsu'u xlyá bi' ya' Jesús, li' ndya xlya'be ji'i̱ ycui' Ndyosi, cuati ngusa'be yu xlyá bi', cha' tacha ji'i̱ ngu'. Li' nchcui' yu lo'o ngu': ―Nde laca na', ycui' cuaña' na' laca re. Na cua nda ycui' Ndyosi Sti na' 'na cha' cajaa na' cha' caca tso'o cha' ji'i̱ cu'ma̱. Tyi'u ti' ma̱ 'na lo'o cacu ma̱ xlyá re.

SAN LUCAS 9:16

Li' ndaya' Jesús ji'i̱ nu ca'yu tya'a xlyá teje' lo'o ji'i̱ nu tucua tya'a cualya bi'. Nde cua̱ nguxña'a̱ yu cha' ndya xlya'be ji'i̱ ycui' Ndyosi xqui'ya scuaa bi'. Li' ngusa'be yu scuaa bi', cuati nda yu yu'be bi' ji'i̱ ngu' tya'a ndya'a̱ yu cha' tacha ngu' ji'i̱ ngu' quiña'a̱ bi'.

SAN MATEO 14:18

Li' nchcui' Jesús lo'o ngu' bi': ―Ca̱a̱ lo'o ma̱ ji'i̱ ca nde ―nacui̱ ji'i̱ ngu'.

SAN LUCAS 22:17

Li' ngusñi Jesús sca vaso vino, ndya xlya'be ji'i̱ ycui' Ndyosi li'. Ndi'ya̱ nacui̱ yu ji'i̱ nu ngu' nu ndyaca tsa'a̱ ji'i̱ bi' li': ―Co'o ma̱ vino nu ntsu'u ne' vaso re, lo'o jua'a̱ ta ma̱ vino re co'o ca ta'a tya'a ma̱ ―nacui̱ Jesús li'―.