SAN MATEO 14:13 - Chatino Tataltepec

¹³ Lo'o ndyuna Jesús ñi'ya̱ nu ngua ji'i̱ jyo'o Juan, ndyatí̱ yu ne' yaca ni'i̱ cha' tyu'u yu chaca to' tayu'; ngua ti' yu tsaa sca se'i̱ ca ne' quixi̱' su ná ntsu'u ñati̱. Pana yala ti ngua cuayá' ti' quiña'a̱ ñati̱ cha' ndyaa yu cajua, bi' cha' lo'o ti ndyaa lca'a̱ ngu' ji'i̱ yu, masi quiya' ti ngu' lijya̱ ngu' nde to' hitya ti. Lo'o ngu' tyu̱u̱ tya'a quichi̱ ndyaa ngu'.

SAN MATEO 14:13 Referans Kwoze

SAN MATEO 12:15

Pana ngua cuaya' ti' Jesús lcaa ña'a̱ cha' cuxi nu ntsu'u tyiquee ngu' fariseo, bi' cha' ndu'u yu ndyaa yu xa' se'i̱. Quiña'a̱ tsa ngu' ngutu'u lca'a̱ ngu' ji'i̱ yu, lo'o jua'a̱ ngua'ni yu cha' ndyaca tso'o lcaa ngu' quicha bi'.

SAN MATEO 10:23

Tso'o xna ma̱ nde xa' quichi̱ nu lo'o lye tsa cua'ni lya' ti' ngu' ji'i̱ ma̱. Cha' liñi nchcui' na' lo'o ma juani: Bilya ta ma̱ cha' 'na lo'o ngu' Israel tya'a na nde lcaa quichi̱ tyi ngu' nu lo'o ca̱a̱ na' chalyuu chaca quiya', na' nu cua nda Ni 'na lijya̱a̱ cha' caca na' ñati̱.

SAN MATEO 14:12

Lo'o li' ñaa ngu' nu ndyaca tsa'a̱ ji'i̱ Juan, ngüi'ya ngu' ji'i̱ jyo'o bi', cha' tsaa lo'o ngu' ji'i̱ cha' tyatsi'. Lo'o cua nguxatsi' ngu' ji'i̱, li' ndyaa ngu' ndacha' ngu' ji'i̱ Jesús ñi'ya̱ ngua cha' bi'.

SAN MARCOS 1:35

Lo'o bilya quixee chaca tsa̱, li' ndyatu̱ Jesús; ndu'u yu, ndyaa yu xi nde ne' quixi̱' su ti̱ ti ndu̱ chalyuu, cha' chcui' yu lo'o ycui' Ndyosi cajua.

SAN LUCAS 4:42

Lo'o nguxee chaca tsa̱, li' ndu'u Jesús ndyaa yu ca chaca se'i̱ su tyi'i̱ ycui' ti yu ca ne' quixi̱'. Ngulana tsa ngu' ji'i̱ li', ña'a̱ cuayá' nquije ji'i̱ ngu' macala su nga'a̱ yu. Ngua ti' ngu' tatsaa ngu' ji'i̱ Jesús cha' nga'aa tsaa yu xa' se'i̱.