SAN MATEO 14:1 - Chatino Tataltepec

¹ La cui' tyempo bi' cua ndyuna Herodes cha' ji'i̱ Jesús, lo'o nu Herodes bi' laca loo ji'i̱ ngu' Galilea tyempo bi'.

SAN MATEO 14:1 Referans Kwoze

SAN LUCAS 3:1

Cua ntsu'u ti'yu̱ yija̱ cha' laca Tiberio emperador nu laca loo ji'i̱ ñati̱ tyucui ña'a̱ chalyuu: Poncio Pilato laca loo nde loyuu su cuentya Judea cuentya ji'i̱ nu Tiberio bi' li'; lo'o jua'a̱ nu naa Herodes bi' ni, laca yu loo loyuu su cuentya Galilea tyempo bi'; lo'o Felipe, tya'a ngula Herodes bi', laca yu loo loyuu su cuentya Iturea lo'o jua'a̱ loyuu su cuentya Traconite la cui' tyempo bi'; lo'o chaca nu naa Lisanias, laca yu loo loyuu su cuentya Abilinia li'.

LOS HECHOS 4:27

’Ñi'ya̱ nu cua nchcui' quityi jinu'u̱ nu nguscua jyo'o David sa'ni la bi' ―nacui̱ ngu' ji'i̱ ycui' Ndyosi Sti na―, jua'a̱ cua ndyu'u ti'i̱ ngu' nu laca loo ji'i̱ quichi̱ re cha' cua'ni cuxi ngu' lo'o Jesús Sñi' ycui' nu'u̱, masi xcui' lubii tsiya' ti cresiya ji'i̱ nu Jesús bi'; la cui' yu laca nu ngusubi nu'u̱ ji'i̱ ―nacui̱ ngu'―. Ndyu'u ti'i̱ Herodes lo'o Poncio Pilato, lo'o ngu' xa' loyuu, lo'o ngu' tya'a ya nde loyuu re. Li' ngua'ni ngu' lcaa cña nu nda nu'u̱ chacuayá' ji'i̱ ngu' bi' cha' cua'ni ngu'; ñi'ya̱ nu nda nu'u̱ cha' lo'o ngu' sa'ni, la cui' jua'a̱ ngua cha' yija̱ re ―nacui̱ ngu' ji'i̱ ycui' Ndyosi―.

SAN MARCOS 8:15

Lo'o li' nda Jesús chaca cui̱i̱ lo'o ngu': ―Tii ti ti' ma̱ tyi'i̱ ma̱ ―nacui̱ yu―, cui'ya ma̱ cuentya ñi'ya̱ ndu'ni scua̱ tiye' nu nda ngu' bi', nu ngu' fariseo lo'o ngu' nu cuentya ji'i̱ rey Herodes ni.

SAN LUCAS 23:15

La cui' jua'a̱ Herodes, ná ngujui ñi'ya̱ qui'ya nu sta nu cusu' bi' ji'i̱ nu Jesús re, bi' cha' cua nda nu cusu' bi' ji'i̱ yu ñaa slo na' chaca quiya'. Ná sca cha' cuxi ná ngua'ni yu lacua, bi' cha' ná ndu'ni tsa cha' cajaa yu cuentya jna'.

LOS HECHOS 12:1

Nu ngua tyempo bi', rey nu ngua naa Herodes ni, nchcube' tsa ji'i̱ ñati̱ ji'i̱ Jesucristo.

SAN LUCAS 3:19

Lo'o li' ngusta Juan qui'ya ji'i̱ gobernador Herodes cha' nguaana ycui' nu cusu' bi' ji'i̱ Herodías clyo'o tya'a yu nu naa Felipe. Lo'o jua'a̱ tya ntsu'u la xa' cha' cuxi nu ngua'ni nu cusu' Herodes bi'.

SAN MATEO 9:26

Lo'o jua'a̱ ngua cha' nguañi cha' bi' lcaa quichi̱ su ndi'i̱ ngu' ca bi'.

SAN MATEO 9:31

Pana ndu'u ngu' ndyaa ngu' li', ndacha' ngu' ji'i̱ lcaa ñati̱ ñi'ya̱ ngua cña nu ngua'ni Jesús lo'o ngu'; bi' cha' nguañi cha' bi' tyucui ña'a̱ loyuu jua.

SAN MATEO 13:58

Xti tsa cha' tlyu ngua'ni Jesús quichi̱ bi'. Ná jlya ti' ngu' ji'i̱ tsiya' ti, bi' cha' ná ngua'ni yu quiña'a̱ cha' tlyu ca bi'.

SAN LUCAS 8:3

Lo'o jua'a̱ Juana naa chaca nu ndya'a̱ lo'o ngu'; clyo'o sca nu naa Chuza laca nu Juana bi', sca yu nu ndyi'ya cña loo rey Herodes laca clyo'o bi'. Jua'a̱ Susana, lo'o jua'a̱ tya tyu̱u̱ tya'a ngu' cuna'a̱ nu nxtyucua ji'i̱ Jesús lo'o cña nu ntsu'u ji'i̱ ngu'.

LOS HECHOS 13:1

Nu taju ñati̱ ji'i̱ Jesucristo ca quichi̱ Antioquía bi' ni, laja ngu' bi' ntsu'u xi ngu' nu laca tu'ba ji'i̱ ycui' Ndyosi. La cui' jua'a̱ laja ngu' bi' tya ntsu'u la xa' tya'a ngu' nu tso'o tsa nclyu'u cha' ji'i̱ ycui' Ndyosi ji'i̱ tya'a ngu'; ngu' nu nclyu'u ji'i̱ tya'a ngu' ngua Bernabé, lo'o Simón nu ngata, lo'o Lucio Cirene, lo'o Saulo, lo'o Manaén. (Nu Manaén bi' ngua tya'a miña'a̱ Herodes nu laca gobernador ji'i̱ loyuu su cuentya Galilea.)