SAN MATEO 13:6 - Chatino Tataltepec

⁶ bi' cha' ná ngua xñi su̱u̱ chu̱' quee bi', ni ná ngua caluu tso'o. Ndye calya bi' ndyanaa, cha' tyique' tsa cua̱.

SAN MATEO 13:6 Referans Kwoze

SAN MATEO 13:21

Pana si lya' ti' xa' ñati̱ ji'i̱ ngu' bi', si xtyí lo'o ñati̱ ji'i̱ ngu' xqui'ya cha' tso'o nu cua ndyuna ngu' bi', ná talo ngu' li'. Laca ngu' bi' ñi'ya̱ laca lo'o ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', cha' ná ndalo calya bi', ndyanaa bi' li'.

COLOSENSES 1:23

Pana juani ña'a̱ ti ndulo tsa cha' ji'i̱ ma̱ cha' tyanu tachaa la cha' ji'i̱ Cristo ne' cresiya ji'i̱ ma̱, cha' ycui' yu bi' laca su̱u̱ lcaa cha' bi'. Ná ta ma̱ chacuayá' cha' cñilo'o ngu' ji'i̱ ma̱, cha' si jua'a̱, nga'aa culacua ti' ma̱ ji'i̱ cha' tso'o nu tyacua ji'i̱ ma̱ nde loo la, la cui' cha' nu cua ndyuna ma̱ ji'i̱ tya clyo. Xqui'ya cha' tso'o ji'i̱ Cristo bi', bi' cha' ndya'a̱ ngu' tyucui ña'a̱ chalyuu nchcui' ngu' cha' bi' lo'o ñati̱. Lo'o jua'a̱ na', Pablo, ndya'a̱ tsa na' lo cña bi'.

EFESIOS 3:17

ndijña na' ji'i̱ Ni cha' ca cuayá' ti' ma̱ cha' ngua'ni Ni cha' cua ndyanu Xtyi'i ycui' Jesús ne' cresiya ji'i̱ ma̱, nu lo'o ngusñi tso'o ma̱ cha' ji'i̱ ycui' Ndyosi; ndijña na' ji'i̱ Ni cha' tsa cu' ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱, xqui'ya cha' tso'o tsa ngusñi su̱u̱ cha' bi' ne' cresiya ji'i̱ ma̱;

SAN LUCAS 8:13

Ñi'ya̱ laca nu chaca ycu' si'yu nu ndyú lo yuu lati tu'ba chu̱' quee, jua'a̱ laca lo'o ñati̱ nu tso'o tsa ntsu'u tyiquee ngu' lo'o ndyuna ngu' cha' tso'o bi' nquicha'. Pana ñi'ya̱ nti' nu calya sube bi', cha' ná qui'ñi ndyaa quiche su̱u̱ chu̱' quee bi', jua'a̱ nti' ñati̱ bi', cha' xti ti tyempo ndalo ngu' lo'o ngusñi ngu' cha' tso'o bi'; lo'o lya' ti' xa' ñati̱ ji'i̱ ngu' bi', yala ti tya'a̱chu̱' ngu' li'.

APOCALIPSIS 7:16

Nga'aa tyucua cha' ntyute' ngu' bi' chaca quiya', ni nga'aa tyucua cha' nguityi ngu' hitya; nga'aa tsumi̱' xee cua̱ ji'i̱ ngu', ni nga'aa ca chiya'a̱ ti' ngu' lo'o tyique' cua̱.

COLOSENSES 2:7

Jua'a̱ xñi tso'o ma̱ cha' ji'i̱ Jesús, cha' ca cuayá' ti' ma̱ lcaa cha' nu laca su̱u̱ cha' bi'; cha' nu Jesús ni, bi' laca su̱u̱ lcaa cha' nu cua ngusñi na, la cui' ti cha' nu cua ngulu'u ngu' ji'i̱ ma̱ tya tsubi' la. Lo'o jua'a̱ lcaa tsa̱ tya ma̱ xlya'be ji'i̱ nu Cristo bi' li'.

SAN MATEO 13:5

Lo'o jua'a̱ ndyalú xi si'yu bi' su lati tu'ba yuu nscua chu̱' quee. Yala ti ntyucua si'yu bi'; pana xti tsa yuu ntsu'u chu̱' quee bi',

SAN MATEO 13:7

Lo'o jua'a̱ ndyalú xi si'yu bi' su ngutu̱ lti quiche'; yala la nguluu lti quiche' bi' chaca quiya', ni ná nda bi' chacuayá' caluu calya trigo tsiya' ti.

SAN MARCOS 4:6

bi' cha' ná ngua xñi su̱u̱ chu̱' quee bi', ná ngua caluu tso'o. Ndye calya bi' ndyanaa, cha' tyique' tsa cua̱.