SAN MATEO 13:42 - Chatino Tataltepec

⁴² Li' xcua̱a̱ xca̱ ji'i̱ ngu' bi' lo quii' tlyu; xi'ya tsa ngu' ca bi' li', ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' nti' ngu' li'.

SAN MATEO 13:42 Referans Kwoze

SAN MATEO 13:50

Xcua̱a̱ xca̱ bi' ji'i̱ ñati̱ xña'a̱ lo quii' tlyu, masi xi'ya tsa ngu' bi' li'; ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' nti' ngu' li'.

APOCALIPSIS 20:10

Lo'o li' tyucua ya' Ni ji'i̱ nu xña'a̱ nu ngüiñilo'o ji'i̱ ngu' tya clyo, tyalo'o Ni ji'i̱ lo tayu' su ntsu'u quii' ndyaqui̱ lo'o yuu sufri; la cui' se'i̱ laca su cua nchcua̱a̱ Ni ji'i̱ nu na'ni chiya'a̱ ña'a̱ bi', su cua nchcua̱a̱ Ni ji'i̱ nu cuiñi nu nacui̱ cha' tu'ba ji'i̱ ycui' Ndyosi laca. Tsa̱ lo'o talya ná tye cha' ti'í tsa chcube' ngu' ca bi'.

SAN MATEO 8:12

Lo'o jua'a̱ ntsu'u xa' la ñati̱ nu laca sñi' ycui' Ndyosi nacui̱ ngu', pana ná tyalaa ngu' bi' slo ycui' Ni. Culo Ni cña ji'i̱ xca̱ ji'i̱ Ni cha' tsaa xca̱ xcua̱a̱ ji'i̱ ngu' bi' ca su talya tsa ña'a̱; xi'ya tsa ngu' bi' ca bi', ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' ngu'.

APOCALIPSIS 19:20

Nxu̱u̱ tya'a ngu', lo'o li' ngua nu na'ni chiya'a̱ ña'a̱ bi' preso; lo'o jua'a̱ nu cuiñi nu ndu'ni cha' tu'ba ji'i̱ ycui' Ndyosi laca, lo'o bi' ngua preso. La cui' nu cuiñi bi' ngua'ni cha' tlyu ca slo na'ni bi' tya tsubi' la, cha' xcutsi̱i̱ ji'i̱ ñati̱; cua ngüiñilo'o bi' ji'i̱ lcaa ñati̱, bi' cha' nda ngu' chacuayá' chca'a̱ cuayá' ji'i̱ na'ni chiya'a̱ ña'a̱ bi' nde tyaca̱a̱ ngu', jua'a̱ ngua'ni tlyu ngu' ji'i̱ lcui̱ ji'i̱ ni' li'. Lo'o li' nchcua̱a̱ ycui' Ndyosi ji'i̱ nu na'ni chiya'a̱ ña'a̱ bi' lo'o nu cuiñi bi', ndyaa ngu' ña'a̱ lu'ú ti ngu' nde lo tayu' su ntsu'u quii' tlyu nu ti'í tsa ndyumi̱' ngu' cha' lo'o yuu sufri ndyaqui̱.

APOCALIPSIS 14:10

xcube' Ni ji'i̱ ngu' bi', cha' lye tsa ngunasi̱' Ni. Tyaqui̱ ngu' bi' lo'o sca quii' tlyu nu nguxa' lo'o yuu sufri su ña'a̱ nu ñi'ya̱ ña'a̱ xlya' bi' ji'i̱ ngu'; jua'a̱ lcaa xca̱ nu cuentya ji'i̱ Ni ña'a̱ ji'i̱ ngu' bi' li'.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN MATEO 22:13

bi' cha' ngulo rey bi' cña ji'i̱ msu ji'i̱: “Xñi ma̱ ji'i̱ nu qui'yu re, sca̱' ma̱ ya' yu, lo'o jua'a̱ sca̱' ma̱ quiya' yu. Lo'o li' xcua̱a̱ ma̱ ji'i̱ yu nde ca bilyaa su talya tsa ña'a̱, ca su nxi'ya tsa ngu' ndi'i̱ ngu', ca su lye tsa ndacu la'ya ngu' cha' ñasi̱' ngu'”, nacui̱ rey bi'.

APOCALIPSIS 21:8

Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.

SAN LUCAS 13:28

Xi'ya tsa ma̱ li', cacu la'ya ma̱ cha' lye tsa ñasi̱' ma̱. Ca xñi'i̱ tsa ti' ma̱ lo'o ña'a̱ ma̱ su ndi'i̱ quiña'a̱ tsa ñati̱ slo ycui' Ndyosi ca lo'o tye chalyuu; masi jyo'o Abraham, masi jyo'o Isaac, masi jyo'o Jacob, masi lcaa jyo'o cusu' nu ngua tu'ba ji'i̱ ycui' Ndyosi sa'ni la, ña'a̱ ma̱ ji'i̱ ngu' ndi'i̱ ngu' ca bi'. Lo'o cu'ma̱ ni, xtyanu Ni ji'i̱ ma̱ nde liya'.

SAN MATEO 3:12

Ñi'ya̱ ndu'ni xu'na ltya, jua'a̱ cua'ni Ni; ñi'ya̱ ndyu'u co'o yu nscua', pana ndaqui̱ yu cualya' lo'o nguti, jua'a̱ sa'be tya'a Ni ji'i̱ ñati̱, lo'o li' su'ba Ni ji'i̱ ñati̱ cuxi cha' tyaqui̱ ngu' lo quii' su nga'aa tye cha' tyaqui̱. Jua'a̱ ngulu'u Juan ji'i̱ ñati̱ nu ndya'a̱ slo.

APOCALIPSIS 9:2

Ngusaala yu to' tyuu, quiña'a̱ tsa sñii ntyucua li'; ñi'ya̱ nti' sca horno tonu, jua'a̱ ntyucua sñii bi'. Ngua talya xee cua̱ li', ndacu̱' ji'i̱ xee xqui'ya sñii nu ntyucua to' tyuu bi'.