SAN MATEO 13:39 - Chatino Tataltepec

³⁹ cha' tya'a cusu̱u̱ na' laca nu ngusañi si'yu quixi̱' bi' lo xtya̱ 'na; la cui' nu xña'a̱ laca bi'. Tsa̱ nu lo'o xana clyaja xtya̱ ni, bi' laca ñi'ya̱ laca tsa̱ tlyu lo'o tye chalyuu; lo'o ñati̱ nu si'yu quixi̱' lo xtya̱ bi' ni, bi' laca ñi'ya̱ laca xca̱ ji'i̱ ycui' Ndyosi.

SAN MATEO 13:39 Referans Kwoze

SAN MATEO 13:49

Lo'o jua'a̱ caca tsa̱ tlyu lo'o tye chalyuu; li' ca̱a̱ xca̱ ji'i̱ ycui' Ndyosi cha' sa'be tya'a xca̱ bi' ji'i̱ lcaa ñati̱, cha' ná stu'ba tyi'i̱ ngu' nu xña'a̱ tyiquee lo'o ngu' nu lubii tyiquee.

SAN MATEO 25:31

’Nu lo'o tya̱a̱ na' nu cua nda Ni 'na lijya̱a̱ cha' caca na' ñati̱, ca̱a̱ na' cha' caca na' loo tsiya' ti ji'i̱ ñati̱. Stu'ba ti ca̱a̱ na' lo'o lcaa ngu' xca̱ 'na, lo'o li' tyaca'a̱ na' su tlyu su cua cua̱ la xi, sca se'i̱ su ndubi tsa ña'a̱ laca bi'. Ca bi' cua'ni cuayá' na' ji'i̱ lcaa ñati̱ li'.

APOCALIPSIS 19:20

Nxu̱u̱ tya'a ngu', lo'o li' ngua nu na'ni chiya'a̱ ña'a̱ bi' preso; lo'o jua'a̱ nu cuiñi nu ndu'ni cha' tu'ba ji'i̱ ycui' Ndyosi laca, lo'o bi' ngua preso. La cui' nu cuiñi bi' ngua'ni cha' tlyu ca slo na'ni bi' tya tsubi' la, cha' xcutsi̱i̱ ji'i̱ ñati̱; cua ngüiñilo'o bi' ji'i̱ lcaa ñati̱, bi' cha' nda ngu' chacuayá' chca'a̱ cuayá' ji'i̱ na'ni chiya'a̱ ña'a̱ bi' nde tyaca̱a̱ ngu', jua'a̱ ngua'ni tlyu ngu' ji'i̱ lcui̱ ji'i̱ ni' li'. Lo'o li' nchcua̱a̱ ycui' Ndyosi ji'i̱ nu na'ni chiya'a̱ ña'a̱ bi' lo'o nu cuiñi bi', ndyaa ngu' ña'a̱ lu'ú ti ngu' nde lo tayu' su ntsu'u quii' tlyu nu ti'í tsa ndyumi̱' ngu' cha' lo'o yuu sufri ndyaqui̱.

APOCALIPSIS 13:14

Lo'o jua'a̱ nguñilo'o ni' ji'i̱ lcaa ñati̱ tyucui ña'a̱ chalyuu xqui'ya cha' tlyu nu ndyu'ni ni' lo'o ndi'i̱ ni' slo nu na'ni nu ya̱a̱ tya clyo bi'. Li' nchcui' ni' lo'o lcaa ñati̱ chalyuu cha' cuiñá ngu' sca lcui̱ tyu̱, cha' cua'ni tlyu ngu' ji'i̱ lcui̱ bi'; ngüiñá ngu' lcui̱ ji'i̱ nu na'ni nu ya̱a̱ tya clyo bi' li', na'ni nu ngua tso'o masi ti'í tsa ngula'a hique ni'.

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

SAN MATEO 24:3

Li' ndyaa ngu' nde lo xlya ca'ya Olivos. Ca bi' ndyaca'a̱ Jesús, lo'o li' cuaana ti nchcui' ngu' nu ndyaca tsa'a̱ ji'i̱ lo'o yu, nchcuane ngu' ji'i̱: ―Cuacha' nu'u̱ ji'i̱ cua, ¿ni jacua' caca cha' cuxi bi' ji'i̱ laa tonu bi'? Lo'o jua'a̱, ¿ñi'ya̱ caca cha' lo'o ca̱a̱ nu'u̱, nu lo'o cua tye ti chalyuu? ―nacui̱ ngu' bi' ji'i̱.

SAN MATEO 13:25

Lo'o ngua talya, li' ngujua' ngu'. Pana laja lo'o laja' ti xu'na xtya̱ bi', li' ñaa tya'a cusu̱u̱ yu, ngusañi si'yu quixi̱' laja xtya̱ trigo ji'i̱ yu. Lo'o ndye ngusañi si'yu quixi̱' bi', ndyaa tya'a cusu̱u̱ yu bi' li'.

JUDAS 1:14

Cua sa'ni tsa nchcui' jyo'o Enoc ñi'ya̱ nu caca ji'i̱ ngu' cuiñi nu ndu'ni jua'a̱. Cua ndya'a ca'yu latya sñi' ste' jyo'o Adán, lo'o li' ngula nu Enoc nu ngua tu'ba ji'i̱ ycui' Ndyosi cha' chcui' Ni lo'o ñati̱ nu ngua sa'ni. Ndi'ya̱ nchcui' Enoc bi': “Cua na'a̱ na' ji'i̱ ycui' nu Xu'na na, cha' lijya̱ Ni lo'o tyu̱u̱ tsa tya'a mil xca̱ ji'i̱ ycui' Ni,

1 PEDRO 5:8

¡Tii ti ti' ma̱ tyi'i̱ ma̱ chalyuu! Ná caja' ma̱, cha' tya'a cusu̱u̱ ma̱ laca ycui' nu xña'a̱, lo'o jua'a̱ cacua tsa ndu̱ bi' slo ma̱. Ñi'ya̱ nti' sca cuichi nu tyaala tsa nu nclyana ji'i̱ sca ñati̱ cha' cacu ni', jua'a̱ nti' ndya'a̱ yu'u nu xña'a̱ bi' chalyuu.

HEBREOS 9:26

Si jua'a̱ ngua, ná tyiquee' cua tyu̱u̱ tsa quiya' cua ngujui'i̱ ca'a̱ ngu' ji'i̱ Cristo lo crusi tya lo'o ndya' chalyuu; pana si'i jua'a̱ ngua cha' bi', sca ti quiya' cua ya̱a̱ yu chalyuu nu ngua sa'ni xi lo'o cua tye ti chalyuu cusu', cha' cuityi̱ yu qui'ya nu ntsu'u ji'i̱ lcaa ñati̱ lo'o ngujuii yu lo crusi.

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

2 CORINTIOS 11:3

ndube tsa ti' na' si quiñu'u̱ chca cresiya ji'i̱ ma̱. Tya sa'ni ni, cua nguñilo'o nu cuaña ji'i̱ Eva, cha' tajua' tsa nchcui' nu xña'a̱ bi'. Pana ná nti' na' cha' quiñu'u̱ cha' ji'i̱ ma̱ lo'o Cristo jua'a̱, ná nti' na' cha' ñilo'o nu xña'a ji'i̱ ma̱ xqui'ya xa' ñati̱; juani tso'o tsa cha' tyucui tyiquee ma̱ cua ngusñi ma̱ cha' ji'i̱ ycui' Cristo.

2 CORINTIOS 2:17

Si'i ngana ndyu'ni ya lo'o cha' ji'i̱ ycui' Ndyosi bi', si'i na nchcutsa'a̱ ya ji'i̱ lo'o xa' la cha'; tyucui ti' tyiquee ya nchcui' ya lo'o ñati̱ ñi'ya̱ laca si na ndi'i̱ ycui' Ndyosi slo ya, xqui'ya cha' ycui' Ndyosi laca nu ngua'a̱ loo ji'i̱ ya cha' cua'ni ya cña bi' cuentya ji'i̱ Cristo.

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN MATEO 13:28

Lo'o li' nguxacui̱ nu xu'na cha' ji'i̱ msu bi': “La cui' tya'a cusu̱u̱ na' ngua'ni cha' lya' ti' lo'o calya 'na lacua”, nacui̱ xu'na xtya̱ ji'i̱ ngu'. “¿Ha nti' nu'u̱ cha' tsaa ya scua̱a̱ ya quixi̱' bi', cusu'?” nacui̱ msu ji'i̱ xu'na xtya̱ li'.

SAN MATEO 12:32

Cui'ya Ni cha' clyu ti' ji'i̱ ñati̱ nu nchcui' cha' cuxi jna' nu cua nda Ni 'na lijya̱a̱ cha' caca na' ñati̱; pana lo'o chcui' ngu' cha' cuxi ji'i̱ cña nu ndu'ni Xtyi'i ycui' Ndyosi, li' nga'aa cui'ya ycui' Ni cha' clyu ti' ji'i̱ ngu' bi' lcaa tsa̱ lo'o tyi'i̱ ngu' chalyuu, masi tyucui tyempo nde loo la.

SAN MATEO 13:22

Si'yu nu ndyalú lo yuu su ngutu̱ lti quiche' ni, bi' laca ñi'ya̱ laca ñati̱ nu cua ndyuna cha' tso'o bi', pana ndya'a̱ tsa cha' tyiquee ngu' bi' ñi'ya̱ caca ji'i̱ ngu' nde chalyuu, cha' nti' tsa ngu' caca culiya' ngu'. Bi' cha' ná nchca ji'i̱ ycui' Ndyosi cua'ni sca cña tso'o ne' cresiya ji'i̱ ngu' bi'.

SAN MATEO 13:40

Lo'o xuti'i̱ ngu' quixi̱' cha' tyaqui̱, jua'a̱ laca ñi'ya̱ caca ji'i̱ ñati̱ lo'o tye chalyuu.

1 CORINTIOS 10:11

Lcaa cha' tlyu bi' ngua ji'i̱ jyo'o cusu' bi' nu ngua sa'ni, cha' caja ñi'ya̱ tyi'u ti' xa' ñati̱ nde loo la na laca nu ngua ji'i̱ jyo'o cusu' bi', ni cha' laca ngua ji'i̱ ngu' bi' jua'a̱. Lo'o jua'a̱ tya nscua cha' bi' lo quityi cha' cube ti' na ji'i̱ cha' bi'. Cua ngulala ti tye chalyuu su ndi'i̱ na juani;

HEBREOS 1:2

Pana nu juani lo'o cua tye ti chalyuu, cua nchcui' Ni lo'o na, xqui'ya cha' cua ñaa Jesús nde chalyuu ca su ndi'i̱ na, la cui' Jesús nu laca sca ti Sñi' ycui' Ni. Cua nguti'i̱ nu Jesús bi' lo'o ycui' Ndyosi Sti yu nu lo'o ngüiñá Ni chalyuu tya clyo; tya lo'o ngüiñá Ni lcaa lo na nu ntsu'u nde cua̱ lo'o lcaa lo na nu ntsu'u lo yuu chalyuu, cua laca ndu̱ Jesús lo'o ycui' Ndyosi Sti Jesús li'. Lo'o jua'a̱ cua nda Ni chacuayá' ji'i̱ cha' caca ycui' Jesús loo ji'i̱ lcaa na bi'.