SAN MATEO 13:36 - Chatino Tataltepec

³⁶ Lo'o li' nguxtyanu Jesús ji'i̱ nu quiña'a̱ tsa ñati̱ bi', ndyaa nde ni'i̱. Li' ndyalaa nu ngu' nu ndyaca tsa'a̱ ji'i̱ yu slo, nchcuane ngu' ji'i̱ yu li': ―Cusu', culu'u nu'u̱ ji'i̱ cua ñi'ya̱ ndyu'u cha' nu nda cui̱i̱ nu cuentya ji'i̱ quixi̱' nu ntyucua lo xtya̱ ji'i̱ ngu' ―nacui̱ ngu' ji'i̱ Jesús.

SAN MATEO 13:36 Referans Kwoze

SAN MARCOS 8:9

La cui' tsa̱ bi' cua ndyacu jacua mil tya'a ñati̱. Lo'o nchcui' salya' Jesús lo'o nu ngu' quiña'a̱ bi',

SAN MARCOS 7:17

Lo'o ca tiya' la, li' ndyatí̱ Jesús ndyaa ne' sca ni'i̱. Ndyanu nu quiña'a̱ ñati̱ bi' nde liya' ti. Lo'o li' nchcuane nu ngu' nu ndyaca tsa'a̱ ji'i̱, ñi'ya̱ ndyu'u cha' ji'i̱ cui̱i̱ nu nda ca ti yu.

SAN MARCOS 6:45

Lo'o li' ngulo Jesús cña ji'i̱ nu ngu' nu ndyaca tsa'a̱ ji'i̱, cha' tyatí̱ ngu' ne' yaca ni'i̱ sube ti, cha' tsaa ngu' nde loo la su tsaa ycui' ca chaca tsu' tayu' hasta ca quichi̱ Betsaida. Tyanu Jesús cha' chcui' salya' lo'o nu ngu' quiña'a̱ bi', cha' tyaa ngu' quichi̱ ca to' tyi ngu'.

SAN MATEO 13:11

Li' nguxacui̱ Jesús cha' ji'i̱ ngu' bi': ―Cua nda ycui' Ndyosi chacuayá' cha' ca cuayá' ti' ma̱ sca cha' nu ntsu'u cuaana ti ji'i̱ jyo'o cusu', ñi'ya̱ caca lo'o caca ycui' Ni loo ne' cresiya ji'i̱ ñati̱. Xa' ñati̱ nu ná ngusñi cha' ji'i̱ ycui' Ndyosi ni, ná ta ngu' cuentya lo'o cuna ngu' sca cui̱i̱ nu nchcui' na'; tucui tsa cha' bi' nti' ngu'.

SAN MATEO 13:1

La cui' tsa̱ bi' ndu'u Jesús toni'i̱, ndyaa yu to' tayu' bi', cha' chca'a̱ xi ca bi'.

SAN MATEO 9:28

Lo'o cua ndyalaa Jesús ndyatí̱ ni'i̱ ji'i̱, lo'o nu ngu' cuityi̱' bi' lijya̱ ngu' cacua la slo yu. Nchcui' Jesús lo'o ngu' bi' li': ―¿Ha jlya ti' ma̱ cha' caca jna' cua'ni na' cha' tyaca tso'o ma̱? ―nacui̱ yu ji'i̱ ngu'. ―Jlya ti' ya, cusu' ―nacui̱ nu ngu' cuityi̱' bi' ji'i̱.

SAN MATEO 15:39

Lo'o ndye ndyacu ngu', li' nchcui' salya' Jesús lo'o nu ngu' quiña'a̱ bi', cha' tyaa ngu' to' tyi ngu'. Li' ndyatí̱ Jesús ne' yaca ni'i̱ sube, ndu'u yu ndyaa yu nde loyuu Magdala lo'o ngu' nu ndyaca tsa'a̱ ji'i̱.

SAN MATEO 14:22

Lo'o li' ngulo Jesús cña ji'i̱ nu ngu' nu ndyaca tsa'a̱ ji'i̱, cha' tyatí̱ ngu' ne' yaca ni'i̱ cha' tsaa ngu' nde loo la su tsaa ycui' ca chaca tsu' tayu' bi'; tyanu ycui' cha' chcui' salya' lo'o nu quiña'a̱ tsa ñati̱ bi', ngua ti' yu.

SAN MARCOS 4:34

Xcui' lo'o cui̱i̱ ti ngulu'u Jesús ji'i̱ ñati̱ quiña'a̱, masi ná nda tso'o ngu' cuentya ñi'ya̱ cha' nda cui̱i̱ bi'; pana tiya' la ngulu'u tso'o yu cha' bi' ji'i̱ nu ngu' nu ndyaca tsa'a̱ ji'i̱ yu.

SAN MATEO 13:18

’Ndi'ya̱ laca cha' nu nda nu cui̱i̱ ji'i̱ ñati̱ nu ndyataa si'yu trigo bi':

SAN MATEO 13:25

Lo'o ngua talya, li' ngujua' ngu'. Pana laja lo'o laja' ti xu'na xtya̱ bi', li' ñaa tya'a cusu̱u̱ yu, ngusañi si'yu quixi̱' laja xtya̱ trigo ji'i̱ yu. Lo'o ndye ngusañi si'yu quixi̱' bi', ndyaa tya'a cusu̱u̱ yu bi' li'.