SAN MATEO 13:35 - Chatino Tataltepec

³⁵ Cua nchcui' sca jyo'o cusu' nu ngua tu'ba ji'i̱ ycui' Ndyosi cua sa'ni la ji'i̱ cha' bi'. Ndi'ya̱ nchcui' yu: Lo'o cui̱i̱ ti chcui' na' lo'o ngu' cha' culu'u na' sca cha' ji'i̱ ngu', nacui̱ Ni. Chcui' na' ji'i̱ sca cha' nu ntsu'u cuatsi' ti tya lo'o ngüiñá na' chalyuu re.

SAN MATEO 13:35 Referans Kwoze

EFESIOS 3:9

Cua nchcui' Ni lo'o na' lacua. Ycui' Ndyosi nu ngüiñá Ni lcaa na nu ntsu'u chalyuu, nti' Ni cha' culu'u na' cha' bi' ji'i̱ lcaa ñati̱, cha' li' caca cuayá' ti' ngu' ñi'ya̱ laca cña nu nti' Ni cha' cua'ni ngu'. Nu ngua tya sa'ni la, bilya cuna ñati̱ cha' nu ngua ti' ycui' Ndyosi cua'ni Ni xqui'ya Cristo;

1 CORINTIOS 2:7

Cua nda ycui' Ndyosi cha' tso'o bi' lo'o na cha' chcui' na lo'o ñati̱. Bilya caca cuayá' ti' ñati̱ chalyuu ji'i̱ cha' bi' tya sa'ni la, cha' ná nti' Ni cha' cuna ñati̱ nu ngua li'. Pana tya lo'o bilya tya' chalyuu, tya li' ngulacua ti' Ni ñi'ya̱ nu cua'ni Ni; ngua ti' ycui' Ndyosi cha' cua'ni lyaá Ni ji'na lo'o xñi na cha' ji'i̱ Jesús. Tlyu tsa cha' tso'o caca ji'na li'.

SAN JUAN 17:24

’Sti na' ―nacui̱ Jesús ji'i̱ ycui' Ndyosi Sti yu―, cua nti' na' cha' tyi'i̱ ñati̱ nu nda nu'u̱ 'na ca su tyucua na'. Li' ña'a̱ ngu' bi' 'na nde su tlyu la su nda nu'u̱ 'na, cha' tyaca'a tsa na' jinu'u̱ tya lo'o tya lyiji xana chalyuu.

SAN MATEO 25:34

Ca li' lo'o caca na' loo tsiya' ti, chcui' na' lo'o taju ñati̱ nu ndi'i̱ la'a tsu' cui̱ 'na: “Tya̱a̱ ma̱ ca su ntucua ycui' Ni nu laca loo, lcaa cu'ma̱ nu tso'o tsa nti' ycui' Ndyosi Sti na' ña'a̱ Ni ji'i̱ ma̱, cha' cua ngua'ni cho'o ycui' Ni su tyi'i̱ ma̱ slo Ni, tya lo'o ngüiñá Ni chalyuu.

EFESIOS 3:5

ni sca ñati̱ ná ngujui ñi'ya̱ caca cuayá' ti' ngu' cha' bi' tyempo nu cua nteje tacui. Pana juani xqui'ya Xtyi'i ycui' Ni cua ngulu'u Ni cha' bi' ji'i̱ ngu' nu laca cña ji'i̱ ycui' Ndyosi, nu ngu' nu ngua tsa'a̱ ji'i̱ Jesús tya clyo bi'. La cui' jua'a̱ ngulu'u Ni cha' bi' ji'i̱ ngu' nu tya nda la cha' ji'i̱ ycui' Ndyosi lo'o ñati̱ juani.

APOCALIPSIS 13:8

lcaa ñati̱ tyucui ña'a̱ chalyuu cua'ni tlyu ngu' ji'i̱ na'ni bi' li', si ná nscua xtañi ngu' lo quityi ji'i̱ ycui' Ndyosi. Nu ngua tya clyo la lo'o tya lyiji cuiñá Ni chalyuu, tya li' nguscua Ni xtañi ñati̱ nu ná nga'a̱ cha' tye chalyuu ji'i̱. Cua ndyanu quityi bi' cuentya ji'i̱ nu ñi'ya̱ ña'a̱ xlya' nu cua ndyujuii ñati̱ ji'i̱ tsaca quiya'.

SAN MATEO 13:14

Lo'o ña'a̱ na ji'i̱ ngu' bi', li' caca cuayá' ti' na cha' chañi tsa cha' ji'i̱ ycui' Ndyosi nu nguscua jyo'o Isaías cua sa'ni la. Ndi'ya̱ nacui̱ cha' bi': Ná tyiquee' cuna ma̱ cha' bi', pana ná caca cuayá' ti' ma̱ ñi'ya̱ nti' ñacui̱ cha' nu cua ndyuna ma̱, nacui̱ ycui' Ni. Ná tyiquee' ña'a̱ ma̱ cha' bi', pana ná ta ma̱ cuentya tsiya' ti ni cha' laca nu cua na'a̱ ma̱.

APOCALIPSIS 17:8

Na'ni nu cua na'a̱ nu'u̱ jua, ngutu'u bi' nu ngua tya sa'ni la, nga'aa lu'ú bi' juani; pana cua ngulala ti tyu'ú ni' chaca quiya', masi nscua nde tyuquee qui'ñi bi', cha' tyaa ni' ca chalyuu talya su tye ni' cati̱ ni' tsiya' ti ―nacui̱―. Cua ña'a̱ ca ñati̱ nu ná nscua xtañi lo quityi ji'i̱ ycui' Ndyosi, quiña'a̱ tsa cha' culacua ti' ngu' lo'o ña'a̱ ngu' ji'i̱ na'ni bi'; pana tya clyo lo'o tya lyiji xana chalyuu re, cua nscua xtañi ñati̱ nu cua nda ycui' Ndyosi chalyuu nu ná nga'a̱ cha' tye ji'i̱. Ngutu'ú na'ni bi' nu ngua tya sa'ni la, masi nga'aa lu'ú bi' juani; pana ña'a̱ ti tya tyu'ú bi', masi chaca tya quiya'.

SAN LUCAS 10:14

Liñi cacha' na' ji'i̱ ma̱ cha' caca tso'o la ji'i̱ ngu' jyo'o quichi̱ Tiro, lo'o ji'i̱ ngu' jyo'o quichi̱ Sidón, nu lo'o tyalaa tsa̱ tlyu lo'o cua'ni cuayá' ycui' Ndyosi ji'i̱ ñati̱ chalyuu; lye la xcube' Ni ji'i̱ cu'ma̱ li', cha' ná nduna ma̱ tsiya' ti.

LOS HECHOS 15:18

Jua'a̱ nacui̱ ycui' Ndyosi lo'o nda Ni cha' lo'o jyo'o cusu' nu ngua sa'ni, cha' cua jlo ti' Ni lcaa ña'a̱ cña nu cua'ni Ni nde loo la.

HEBREOS 1:1

Nu ngua tya sa'ni la, tyu̱u̱ tsa quiya' cua nchcui' ycui' Ndyosi lo'o jyo'o cusu' ji'na, quiña'a̱ xi cha' nda Ni lo'o jyo'o bi'; cua nda ycui' Ndyosi cha' lo'o jyo'o bi', cha' chcui' ngu' lo'o lcaa tya'a quichi̱ tyi ngu'.

SAN MATEO 5:2

li' nguxana Jesús nclyu'u yu ji'i̱ ngu' bi'. Ndi'ya̱ nchcui' yu lo'o ngu':

SAN MATEO 13:3

Lo'o li' nchcui' Jesús xi cui̱i̱ lo'o ngu', cha' ca tsa'a̱ ngu' lcaa cha' nu ngua ti' Jesús culu'u yu ji'i̱ ngu'. Ndi'ya̱ nchcui' yu: ―Ngua sca tsa̱ ndyaa sca ñati̱ cataa si'yu trigo ―nacui̱ Jesús―.