SAN MATEO 13:30 - Chatino Tataltepec30 Tso'o la jatya na xi cha' caluu tyucuaa lo, ña'a̱ cuayá' nu cumi̱ trigo bi'. Li' clyo culo na' cña ji'i̱ ngu' cha' tsaa ngu' xi'yu ngu' quixi̱', cha' tyaaca̱' cuentya yane ti cha' tyaqui̱ lo quii'; li' caca clacua, nu lo'o si'yu ngu' lcaa trigo cha' tyu'u co'o ne' ja'ba.” Gade chapit la |
SAN MATEO 13:30
20 Referans Kwoze
Ntsu'u ñati̱ nu ntsu'u qui'ya ji'i̱, pana jlo ti' xa' ñati̱ ni cha' cuxi ndyu'ni ngu' bi', masi bilya caca cuayá' ji'i̱ ngu' bi'. Lo'o jua'a̱ ntsu'u ñati̱ nu cuxi tyiquee ngu', pana ná jlo ti' xa' ñati̱ ni cha' cuxi ndyu'ni ngu' bi'; lo'o caca cuayá' ji'i̱ ngu' bi', hasta li' ca cuayá' ti' xa' ñati̱ ñi'ya̱ laca qui'ya nu ntsu'u ji'i̱ ngu' bi'.
Lo'o jua'a̱ cu'ma̱, ná yala tsa clyacua ti' ma̱ cha' sta ma̱ qui'ya ji'i̱ sca ñati̱; jatya ma̱ ña'a̱ cuayá' ca̱a̱ ycui' nu Xu'na na, bi' laca nu cua'ni cuayá' ji'i̱ ca ta'a na. Li' culotu̱ Ni ji'i̱ lcaa cha' cuxi nu ntsu'u cuaana ti ne' cresiya ji'na, masi sca cha' nu ná nti' na cacha' na ji'i̱ tya'a ñati̱ chalyuu na. Jua'a̱ cacha' Ni lcaa cha' nu ntsu'u ne' cresiya ji'i̱ lcaa ñati̱ chalyuu, lo'o li' ta Ni nu tso'o ji'na, cua ña'a̱ ca cha' tso'o nu ñacui̱ Ni cha' tyacua ji'i̱ scaa na.
Ntsu'u cha' tyu'u ti'i̱ se'i̱ ti lcaa ñati̱ tsiya' ti tyucui ña'a̱ chalyuu; ca slo ycui' na' tyu'u ti'i̱ ngu', cha' cua'ni cuayá' na' ji'i̱ ngu'. Li' sa'be tya'a na' ji'i̱ ngu'. La cui' ñi'ya̱ nu ndu'ni ñati̱ nu ña'a̱si̱i̱ ji'i̱ xlya', jua'a̱ cua'ni na'; sca tsu' tyi'i̱ ña'a̱ latya xlya' ji'i̱ ngu', chaca tsu' tyi'i̱ ña'a̱ latya chivo ji'i̱ ngu'.
’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.
Piblisite