SAN MATEO 13:21 - Chatino Tataltepec

²¹ Pana si lya' ti' xa' ñati̱ ji'i̱ ngu' bi', si xtyí lo'o ñati̱ ji'i̱ ngu' xqui'ya cha' tso'o nu cua ndyuna ngu' bi', ná talo ngu' li'. Laca ngu' bi' ñi'ya̱ laca lo'o ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', cha' ná ndalo calya bi', ndyanaa bi' li'.

SAN MATEO 13:21 Referans Kwoze

SAN MATEO 11:6

Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

EFESIOS 3:17

ndijña na' ji'i̱ Ni cha' ca cuayá' ti' ma̱ cha' ngua'ni Ni cha' cua ndyanu Xtyi'i ycui' Jesús ne' cresiya ji'i̱ ma̱, nu lo'o ngusñi tso'o ma̱ cha' ji'i̱ ycui' Ndyosi; ndijña na' ji'i̱ Ni cha' tsa cu' ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱, xqui'ya cha' tso'o tsa ngusñi su̱u̱ cha' bi' ne' cresiya ji'i̱ ma̱;

2 TIMOTEO 1:15

Jlo ti' nu'u̱ cha' quiña'a̱ ñati̱ ji'i̱ Jesucristo cua nguxtyanu ngu' 'na; masi cua ña'a̱ ca ngu' nde loyuu su cuentya Asia, lo'o yu Figelo, lo'o yu Hermógenes, cua nguxtyanu ngu' bi' 'na.

FILIPENSES 1:6

bi' cha' cua jlo ti' na' juani cha' ña'a̱ ti tya cua'ni ycui' Ndyosi cña ne' cresiya ji'i̱ ma̱, ña'a̱ cuayá' nu tyu'u scua cña bi', nu lo'o tya̱a̱ Jesucristo chaca quiya', cha' la cui' ycui' Ni laca nu nguxana ngua'ni cña ne' cresiya ji'i̱ ma̱ tya clyo.

GÁLATAS 6:15

Nu lo'o stu'ba ntsu'u cha' ji'na lo'o Jesucristo, ná ndu'ni cha' masi ngulacua̱ na, masi ná ngulacua̱ na, sca ti cuayá' laca na. Sca ti cha' nu ndulo la ji'na juani, cha' xcutsa'a̱ Ni tsiya' ti lcaa cha' nu ndu'ni na lo'o ndi'i̱ na chalyuu, cha' xcui' cha' tso'o cua'ni na li'.

GÁLATAS 6:12

Nu ñati̱ nu ndatsaa tsa ji'i̱ ma̱ cha' si'yu quiji̱ ma̱ ñi'ya̱ nu ndu'ni ngu' judío cha' culacua̱ ngu' ni, ndu'ni ngu' jua'a̱ cha' nti' ngu' cha' caca stu'ba cha' ji'i̱ ycui' ngu' lo'o tya'a ngu' judío; li' ná cua'ni lya' ti' tya'a ngu' judío ji'i̱ ngu' bi' si ngusñi ngu' cha' ji'i̱ Jesucristo nu ngujuii lo crusi, nti' ngu'.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

ROMANOS 2:7

sca chalyuu tso'o nu ná nga'a̱ cha' tye, bi' laca nu ta Ni ji'i̱ ngu' tso'o, nu ná nchca taja ti' ndu'ni ngu' cña tso'o lo'o tya'a ngu'. Xcui' ndya'a̱ cha' tyiquee ngu' bi' ji'i̱ cha' tso'o nu ntsu'u ca slo ycui' Ndyosi, xcui' nti' ngu' cha' tyi'i̱ tso'o ti ngu' cuentya ji'i̱ Ni, xcui' ndube ti' ngu' ji'i̱ chalyuu nu lijya̱ nde loo la.

SAN JUAN 6:26

Li' nda Jesús sca cha' lo'o ngu': ―Ndube tsa ti na' cha' cua lijya̱ ma̱ yaana ma̱ jna' xqui'ya cha' nda na' xlyá nu ndyacu ma̱ tsubi' ti ―nacui̱―. Nguaala' ti' ma̱ lo'o ndyacu ma̱ li'. Chañi cha' xqui'ya cha' bi' lijya̱ ma̱ yaana ma̱ jna', si'i xqui'ya cña tonu nu ngua'ni na' cuentya ji'i̱ ycui' Ndyosi.

SAN LUCAS 8:13

Ñi'ya̱ laca nu chaca ycu' si'yu nu ndyú lo yuu lati tu'ba chu̱' quee, jua'a̱ laca lo'o ñati̱ nu tso'o tsa ntsu'u tyiquee ngu' lo'o ndyuna ngu' cha' tso'o bi' nquicha'. Pana ñi'ya̱ nti' nu calya sube bi', cha' ná qui'ñi ndyaa quiche su̱u̱ chu̱' quee bi', jua'a̱ nti' ñati̱ bi', cha' xti ti tyempo ndalo ngu' lo'o ngusñi ngu' cha' tso'o bi'; lo'o lya' ti' xa' ñati̱ ji'i̱ ngu' bi', yala ti tya'a̱chu̱' ngu' li'.

SAN MARCOS 4:17

Pana si lya' ti' xa' ñati̱ ji'i̱ ngu' bi' xqui'ya cha' tso'o nu ndyuna ngu' bi', si xtyí lo'o ñati̱ ji'i̱ ngu', ná talo ngu' li'; laca ngu' bi' ñi'ya̱ laca si ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', lo'o li' ná ndalo calya bi' ndyanaa li'.

SAN MATEO 26:33

Li' nchcui' Pedro lo'o: ―Ná xtyanu na' jinu'u̱ tsiya' ti ―nacui̱ Pedro li'―. Masi ca ta'a ngu' xna ngu' jinu'u̱, pana na' ni, ná xna na' jinu'u̱.

SAN MATEO 26:31

Lo'o li' nchcui' Jesús lo'o ngu' bi': ―Caca tyuju'u ti' lcaa cu'ma̱ ña'a̱ ma̱ 'na talya ndyi. Caca bi' ñi'ya̱ nu nscua lo quityi ji'i̱ ycui' Ndyosi cua sa'ni la. Ndi'ya̱ nchcui' cha' bi': “Lo'o cujuii na' ji'i̱ nu ña'a̱si̱i̱ ji'i̱ xlya', li' xna lcaa xlya' bi', tyaa ni'”, nacui̱ quityi bi'.

SAN MATEO 24:13

Pana ná cube ti' ma̱, lcaa cu'ma̱ nu talo tyiquee ma̱ ji'i̱ cha' cuxi bi', cua'ni lyaá na' ji'i̱ cu'ma̱ li', ña'a̱ cuayá' nu tye chalyuu ―nacui̱ Jesús―.

SAN MATEO 13:57

Jua'a̱ ngua cha' chi̱i̱ nti' ngu' ña'a̱ ngu' ji'i̱ Jesús, bi' cha' ndi'ya̱ nchcui' Jesús lo'o ngu' li': ―Lcaa se'i̱ ndu'ni tlyu ngu' ji'i̱ sca ñati̱ nu laca tu'ba ji'i̱ ycui' Ndyosi ―nacui̱ Jesús ji'i̱ ngu'―. Sca ti quichi̱ tyi yu, ná nduna ngu' bi' cha' nu nchcui' yu tsiya' ti; ni tya'a yu, ná ndaquiya' ngu' ji'i̱ yu.

SAN MATEO 13:6

bi' cha' ná ngua xñi su̱u̱ chu̱' quee bi', ni ná ngua caluu tso'o. Ndye calya bi' ndyanaa, cha' tyique' tsa cua̱.

SAN MATEO 10:22

Lo'o jua'a̱ caca ti'í ti' lcaa ngu' ña'a̱ ngu' ji'i̱ ma̱ xqui'ya na'. Pana ñati̱ nu talo ji'i̱ lcaa cha' cuxi bi', clyaá ngu' li', caja chalyuu nu ná nga'a̱ cha' tye ji'i̱ ngu' bi'.

1 PEDRO 1:5

Cua ngusñi ma̱ cha' ji'i̱ ycui' Ndyosi, bi' cha' ndu̱ Ni cua̱ ji'i̱ ma̱ juani cha' ña'a̱si̱i̱ Ni ji'i̱ ma̱. Ná ntsu'u ni sca na nu nguula la juersa ji'i̱, nu taca ji'i̱ tyiji̱loo ji'i̱ ycui' Ndyosi; cua'a Ni ji'i̱ ma̱ ji'i̱ nu cuxi, cha' cua'ni lyaá Ni ji'i̱ ma̱ lo'o tye chalyuu re, cha' cua ndyaa Ni ngua'ni cho'o Ni su tyi'i̱ ma̱ ca slo ycui' Ndyosi.

2 TIMOTEO 4:10

Cua nguxtyanu Demas 'na xqui'ya cha' ndiya la ti' yu ji'i̱ cha' cuxi nu ntsu'u chalyuu, ndyaa yu ca quichi̱ Tesalónica. Nda na' ji'i̱ Crescente ndyaa ca Galacia, jua'a̱ nda na' ji'i̱ Tito ndyaa ca Dalmacia;

APOCALIPSIS 2:13

Cua jlo ti' na' lcaa ña'a̱ nu ndu'ni ma̱, nacui̱ Ni. Jlo ti' na' cha' laca Satanás loo ca su ndi'i̱ cu'ma̱; pana masi jua'a̱ laca cha', tya tso'o tsa nxñi ma̱ cha' 'na, nacui̱ Ni. Bilya tya'a̱chu̱' ma̱ ji'i̱ cha' jna'; ña'a̱ ti jlya ti' ma̱ 'na, masi tyempo cuxi nu ngua li', nu lo'o ndyujuii ngu' ji'i̱ jyo'o Antipas. Ná ndyutsi̱i̱ yu bi', nchcui' yu cha' 'na ca quichi̱ tyi ma̱ su ntucua Satanás loo.

SAN MATEO 13:20

Lo'o si'yu nu ndyalú lo yuu lati tu'ba chu̱' quee ni, bi' laca ñi'ya̱ laca ñati̱ nu tso'o tsa ntsu'u tyiquee ngu' lo'o clyo ndyuna ngu' cha' tso'o nu ji'i̱ ycui' Ndyosi.

SANTIAGO 3:2

Chañi laca cha' ntsu'u quiya' lcaa na ndyu'u tsaa tu'ba na lo'o nchcui' na lo'o tya'a ñati̱ na; ná ntsu'u ni sca ñati̱ nu bilya tyu'u tsaa tu'ba tsiya' ti, nu lo'o nchcui' ngu' lo'o tya'a ñati̱ ngu'. Si ntsu'u ñati̱ nu nchca ji'i̱ cua'a ji'i̱ cha' nu nchcui' ycui' ca ngu', ñati̱ nu tyucui tyiquee tsiya' ti laca ngu' bi'. Ná tyiquee' taca cua'a ngu' bi' ji'i̱ ña'a̱ tsaca ngu', si jua'a̱; pana tucui tsa laca cha' cua'a na ji'i̱ ycui' ca na, cha' ná chcui' na cha' cuxi.