SAN MATEO 13:19 - Chatino Tataltepec

¹⁹ Lo'o cuna ñati̱ cha', ñi'ya̱ nu caca lo'o laca ycui' Ndyosi loo ne' cresiya ji'i̱ ngu', pana ná nchca cuayá' ti' ñati̱ bi' ni cha' laca bi', hora ti cua'ni xu'na cuiñaja cha' cuityi̱ cha' tso'o bi', cha' nga'aa xñi ngu' bi' cha' tso'o bi'. Laca ñati̱ bi' ñi'ya̱ laca lo'o ndyú si'yu to' tyucui̱i̱ ti.

SAN MATEO 13:19 Referans Kwoze

SAN MATEO 13:38

Lo'o xtya̱ 'na ni, bi' laca tyucui ña'a̱ chalyuu; lo'o jua'a̱ calya trigo nu ndyaluu lo'o ntyucua si'yu tso'o, bi' laca ñi'ya̱ laca ñati̱ nu cua nda chacuaya' cha' caca Ni loo ne' cresiya ji'i̱ ngu'. Lo'o nu quixi̱' bi' ni, bi' laca ñi'ya̱ laca ñati̱ nu ntsu'u cha' ji'i̱ lo'o nu xña'a̱,

HEBREOS 2:1

Tlyu tsa cha' laca ji'i̱ Jesús juani lacua, bi' cha' nga'a̱ cha' xñi tso'o na lcaa cha' nu cua nchcui' Jesús lo'o na, cha' ná tyu'utsu' na ji'i̱ tyucui̱i̱ liñi nu ngusñi na.

1 JUAN 5:18

Jlo ti' na cha' nga'aa ndu'ni ñati̱ ji'i̱ Jesucristo cha' cuxi. Jesucristo nu laca nu sca ti Sñi' ycui' Ndyosi, bi' laca nu ndaca'a ji'i̱ ngu', cha' ná taca cala' nu xña'a̱ ji'i̱ ngu' bi' li'.

SAN MATEO 4:23

Lo'o li' ndyaa ngu' lcaa quichi̱ su cuentya Galilea lo'o Jesús. Lcaa quichi̱ ndya'a̱ nclyu'u yu ji'i̱ ngu' ne' laa ji'i̱ ngu' judío; nchcui' yu lo'o ngu' ñi'ya̱ laca cha' tso'o ji'i̱ ycui' Ndyosi, cha' cua ngulala ti caca Ni loo ne' cresiya ji'i̱ ngu'. Lo'o jua'a̱ ngua'ni yu jo'o ji'i̱ lcaa nu quicha, masi quicha ti ti' ngu' ngua'ni Jesús cha' ndyaca tso'o ngu'.

1 JUAN 3:12

Ná cua'ni na ñi'ya̱ nu ngua'ni jyo'o Caín; sñi' ycui' nu xña'a̱ ngua yu bi', cha' ndyujuii yu ji'i̱ tya'a yu. ¿Ni cha' laca ngua'ni yu jua'a̱? Ndyujuii yu ji'i̱ tya'a yu xqui'ya cha' xcui' cha' cuxi ngua'ni jyo'o Caín bi', bi' cha' ná ndiya ti' yu cha' xcui' cha' tso'o ngua'ni yu tya'a yu bi'.

ROMANOS 1:28

Jua'a̱ laca ji'i̱ ngu', cha' ná nti' ngu' tyuloo ngu' ji'i̱ ycui' Ndyosi; bi' cha' nguxtyanu Ni ji'i̱ ngu' cha' cua'ni ngu' cha' cuxi bi', nda Ni xi tyempo cua'ni ngu' ñi'ya̱ nu nti' ti ngu' cua'ni ngu'.

2 TESALONICENSES 2:12

Chañi cha' tsaa ngu' bi' ca su ná nga'a̱ cha' tye chcube' ngu', lcaa ngu' nu ná jlya ti' cha' tso'o ji'i̱ ycui' Ndyosi, ngu' nu ndiya la ti' cua'ni cua ña'a̱ ca lo cha' cuxi.

ROMANOS 14:17

Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na.

ROMANOS 2:8

Pana nu ñati̱ cuxi ni, nu xcui' cha' ji'i̱ ycui' ca ngu' ntsu'u tyiquee ngu', tlyu tsa cha' ti'í ta Ni ji'i̱ ngu' bi'; ñasi̱' tsa ycui' Ndyosi ji'i̱ lcaa ngu' bi', cha' ná ntaja'a̱ ngu' taquiya' ngu' tsiya' ti ji'i̱ lcaa cha' liñi nu nclyu'u Ni ji'i̱ ngu', cha' ndijña tsa ti' ngu' ji'i̱ cua ña'a̱ ca cha' cuxi nu ña'a̱ ngu'.

LOS HECHOS 28:23

Li' ngüiñi cha' ji'i̱ ngu' ni tsa̱ tyu'u ti'i̱ lcaa ngu' slo Pablo. Tsa̱ bi' quiña'a̱ tsa ñati̱ ndyu'u ti'i̱ slo yu. Tyucui tsa̱ ngulu'u yu ji'i̱ ngu'; ngulu'u yu ñi'ya̱ nu nclyo ycui' Ndyosi cña, ñi'ya̱ ngua cha' nu nguscua jyo'o Moisés cuentya ji'i̱ Ni, ñi'ya̱ ngua cha' nu nguscua jyo'o cusu' nu ngua tu'ba ji'i̱ Ni lo quityi lo'o nchcui' ngu' cha' ji'i̱ Jesús.

LOS HECHOS 20:25

’Cua nguta'a̱ na' lo'o cu'ma̱, cua ngulu'u na' ji'i̱ ma̱ lcaa ña'a̱ cña nu nclyo ycui' Ni; pana juani chañi cha' nu nchcui' na' re, cha' nga'aa ña'a̱ na' ji'i̱ ma̱ chaca quiya'.

LOS HECHOS 18:15

Cua ñasi̱' ma̱ xqui'ya cha' nclyu'u yu re xi xa' lo cha' ji'i̱ ngu'. Sca cha' ji'i̱ jo'ó cuentya ji'i̱ cu'ma̱ laca cha' re, cha' ná stu'ba cha' nu nchcui' yu lo'o cha' nu nchcui' cu'ma̱ cuentya ji'i̱ cha' cusu' nu ntsu'u ji'i̱ ma̱; bi' cha' ná ndiya ti' ma̱ cha' nclu'u yu cha' bi' ji'i̱ ngu'. Cua'ni cuayá' ycui' ca ti ma̱ ji'i̱ cha' re lacua. Ná ndu'ni cha' ca̱a̱ lo'o cu'ma̱ ji'i̱ yu ca slo na'.

LOS HECHOS 17:32

Nu lo'o ndyuna ngu' quichi̱ cha' bi', cha' cua ndyu'ú sca ñati̱ chaca quiya' ca su ntsiya ngujuii, li' nxtyí lo'o tsa ngu' ji'i̱ Pablo. Lo'o jua'a̱ ntsu'u xi xa' la ngu' nu nchcui' lo'o yu: ―Culu'u nu'u̱ cha' bi' ji'i̱ ya chaca quiya' chaca tsa̱ ―nacui̱ ngu' bi' ji'i̱ yu.

SAN JUAN 18:38

Li' nchcui' Pilato lo'o Jesús: ―Ná jlo ti' na' si ntsu'u cha' liñi jua'a̱ nde chalyuu ―nacui̱. Li' ngutu'u Pilato nde liya', ndyaa nde su ndu̱ nu ngu' judío bi' chaca quiya'. ―Cuentya jna', ná ntsu'u qui'ya ji'i̱ yu jua, ná ntsu'u cha' xcube' na' ji'i̱ yu ―nacui̱ Pilato ji'i̱ ngu' judío―.

SAN JUAN 8:43

¿Ni cha' laca ná ndaca'a̱ jyaca̱ ma̱ ji'i̱ cha' nu nchcui' na' lo'o ma̱? ―nacui̱ Jesús ji'i̱ ngu' li'―. Ná nchca ji'i̱ ma̱ tsiya' ti caca cuayá' ti' ma̱ cha' nu nda na' lo'o ma̱ ―nacui̱ yu ji'i̱ ngu' judío bi'―.

SAN LUCAS 10:9

cua'ni ma̱ jo'o ji'i̱ ngu' quicha nu ndi'i̱ bi'. Lo'o li' ñacui̱ ma̱ ji'i̱ ngu' bi': “Cua ngulala cha' caca ycui' Ndyosi loo ne' cresiya ji'i̱ cu'ma̱”.

SAN LUCAS 9:2

Ngulo yu cña ji'i̱ nu tii tyucuaa tya'a ngu' bi', cha' ta ngu' cha' tso'o ji'i̱ ycui' Ndyosi lo'o ngu' quichi̱ su tsaa ngu', lo'o li' cua'ni ngu' cha' tyaca tso'o ngu' quicha.

SAN MARCOS 4:15

Ñi'ya̱ laca si'yu nu ndyalú lo yuu tacalya to' tyucui̱i̱ lo'o li' ndye si'yu ndyacu quiñi, jua'a̱ laca ñati̱ nu lo'o ndyuna ngu' cha' tso'o ji'i̱ ycui' Ndyosi, ná nduna tso'o ngu' li'. Ñi'ya̱ laca yuu tacalya bi', jua'a̱ laca cresiya ji'i̱ ñati̱ bi'. Ñi'ya̱ laca lo'o ndye ndyacu quiñi si'yu to' tyucui̱i̱, jua'a̱ ca̱a̱ Satanás cha' cuityi̱ cha' tso'o bi', cha' nga'aa tyi'u ti' ngu' cha' tso'o bi' li'.

SAN MATEO 5:37

Tsa bi' ti cha' ñacui̱ ma̱: “Chañi”, si cha' liñi laca; lo'o jua'a̱ ñacui̱ ma̱: “Si'i”, si cha' cuiñi. Cua ña'a̱ ca cha' nu chcui' ma̱ nu lo'o ndu'ni ma̱ jura, cha' ji'i̱ nu xña'a̱ laca bi'.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

SAN MATEO 12:26

La cui' jua'a̱ ná talo Satanás si xu̱u̱ tya'a ycui' Satanás lo'o msu ji'i̱ ycui'; tye cha' ji'i̱ nu xña'a̱ yala ti li'.

SAN MATEO 13:20

Lo'o si'yu nu ndyalú lo yuu lati tu'ba chu̱' quee ni, bi' laca ñi'ya̱ laca ñati̱ nu tso'o tsa ntsu'u tyiquee ngu' lo'o clyo ndyuna ngu' cha' tso'o nu ji'i̱ ycui' Ndyosi.