SAN MATEO 13:15 - Chatino Tataltepec

¹⁵ Tacalya tsa cresiya ji'i̱ ngu' tya'a ma̱, cha' ná nti' ngu' taquiya' ngu' jna'. Ná nduna tso'o ngu', cha' ná ntaja'a̱ ngu' taquiya' ngu' cha' jna'. Ná nti' ngu' ta ngu' cuentya, bi' cha' ná nchca ji'i̱ ngu' ña'a̱ tso'o ngu'. Ná ntaja'a̱ ngu' culochu̱' ngu' cha' cuxi nu ntsu'u ji'i̱ ngu', bi' cha' ná nchca cui'ya na' cha' clyu ti' ji'i̱ ngu' ji'i̱ cha' cuxi bi', nacui̱ ycui' Ndyosi. Jua'a̱ nscua lo quityi ji'i̱ ycui' Ni.

SAN MATEO 13:15 Referans Kwoze

SAN MARCOS 4:12

Bi' cha' nda na' cui̱i̱ bi' lo'o ngu', cha' masi ña'a̱ ngu', ná ta ngu' cuentya ñi'ya̱ nu tyu'u cha' bi'; masi cuna ngu', ná ca cuayá' ti' ngu' ñi'ya̱ nu tyu'u cha' bi'. Jlo ta̱' cha' ná ntaja'a̱ ngu' culochu̱' ngu' ji'i̱ cha' cuxi nu ntsu'u ji'i̱ ngu', bi' cha' ná nchca jna' cui'ya na' cha' clyu ti' ji'i̱ ngu' ji'i̱ qui'ya nu ntsu'u ji'i̱ ngu'.

HEBREOS 5:11

Cua quiña'a̱ tsa cha' nti' ya chcui' ya lo'o ma̱ cha' ji'i̱ Cristo, cha' quiña'a̱ tsa cha' tya lyiji ca cuayá' ti' ma̱. Pana ná nchca culu'u tso'o ya lcaa cha' bi' ji'i̱ ma̱; tlyu tsa cña caca, xqui'ya cha' ycui' cu'ma̱ ná ndyu'ni yala ma̱ cha' ca cuayá' ti' ma̱ cha' bi'.

2 TIMOTEO 4:4

Li' culochu̱' ngu' ji'i̱ lcaa cha' liñi nu cua ndyuna ngu' nquicha', cha' nga'aa nti' ngu' cuna ngu' cha' liñi bi'; pana xñi tso'o ngu' cua ña'a̱ ca cha' cuiñi, lcaa cuentyu li'.

LOS HECHOS 7:57

Cui̱i̱ tsa ngusi'ya ngu' li', ndacu̱' ngu' jyaca̱ ngu' cha' nga'aa nti' ngu' cuna ngu' cha' nu nchcui' Esteban.

APOCALIPSIS 22:2

nxna lijya̱ sta'a̱ nde calle tlyu nu nscua cla'be quichi̱ bi'. Tyucuaa tsu' sta'a̱ bi' ndu̱ sca yaca; lo'o si'yu nu nda yaca bi' ni, bi' laca nu ta chalyuu nu ná nga'a̱ cha' tye ji'na. Tii tyucuaa quiya' nda yaca bi' si'yu chu̱' sca yija̱, sca quiya' ndyu'u si'yu yaca bi' sca co'. Tso'o tsa jo'o ndu'ni laca' yaca si'yu bi', ná ca quicha na lo'o cacu na ji'i̱.

LOS HECHOS 3:19

Bi' cha' ntsu'u cha' ca tyuju'u ti' ma̱ ji'i̱ lcaa cha' cuxi nu ntsu'u tyiquee ma̱ ji'i̱, cuati jña ma̱ cha' clyu ti' ji'i̱ ycui' Ndyosi cha' cuityi̱ Ni lcaa cha' cuxi nu ngua'ni ma̱. Cua'ni nu Xu'na na cha' taca ca tso'o cresiya ji'i̱ ma̱ chaca quiya' li'.

SAN LUCAS 19:42

―Masi tsa̱ juani ti nu lo'o tya ndyiji xi tyempo ji'i̱ ma̱, si tyaja'a̱ ma̱ cuna ma̱, taca ta na' sca cha' lo'o ma̱; tso'o tsa caca ji'i̱ ma̱ li', ti̱ ti tyi'i̱ ma̱ li'. Pana juani ―nacui̱ Jesús―, ná nchca ca cuayá' ti' ma̱ cha' re, cha' cua ntsu'u yacu̱' ti cha' re ji'i̱ ma̱ ―nacui̱―.

LOS HECHOS 28:27

Tacalya tsa cresiya ji'i̱ ngu' tya'a ma̱, cha' ná nti' ngu' bi' taquiya' ngu' ji'i̱ cha' nu nchcui' na' tsiya' ti. Ná nduna tso'o ngu' bi', xqui'ya cha' ná ntaja'a̱ ngu' ca cuayá' ti' ngu' cha' jna'; ná nti' ngu' bi' ta ngu' cuentya, cha' ná nchca ji'i̱ ngu' ña'a̱ tso'o ngu'; ná ntaja'a̱ ngu' bi' culochu̱' ngu' ji'i̱ cha' cuxi nu ntsu'u ji'i̱ ngu'. Bi' cha' ná nchca cui'ya na' cha' clyu ti' ji'i̱ ngu' xqui'ya cha' cuxi bi'. Jua'a̱ nacui̱ ycui' Ndyosi ji'i̱ ngu'.