SAN MATEO 12:49 - Chatino Tataltepec

⁴⁹ Lo'o li' ngulu'u ya' yu ji'i̱ ngu' nu ndyaca tsa'a̱ ji'i̱: ―Nu ngu' re ni, stu'ba ti ndulo ngu' 'na ñi'ya̱ ndulo xtya'a̱ na' 'na, ñi'ya̱ ndulo tya'a na' 'na ―nacui̱ Jesús―.

SAN MATEO 12:49 Referans Kwoze

SAN MARCOS 3:34

Li' nxña'a̱ Jesús ji'i̱ ngu' nu nga'a̱ cacua ti slo yu, xa' nchcui' yu lo'o nu ngu' quiña'a̱ bi': ―Nu ngu' re ni, stu'ba ti ndulo ngu' 'na, ñi'ya̱ nu ndulo xtya'a̱ na' 'na, ñi'ya̱ nu ndulo tya'a na' 'na ―nacui̱ Jesús―.

SAN JUAN 17:20

’Si'i sca ti ji'i̱ ngu' nu cua ngusñi cha' 'na chcui' na' lo'o nu'u̱ ―nacui̱ Jesús ji'i̱ ycui' Ndyosi Sti yu―, lo'o chcui' na' cha' ji'i̱ lcaa ñati̱ nu xñi cha' jna' ca tiya' la, nu lo'o chcui' ngu' lo'o ñati̱ bi'; lo'o cha' ji'i̱ ñati̱ bi' chcui' na' lo'o nu'u̱ juani ―nacui̱―.

SAN MATEO 28:7

Li' yaa clya ma̱ cacha' ma̱ ji'i̱ nu ngu' nu ndyaca tsa'a̱ ji'i̱ yu bi', cha' nga'aa ntsiya jyo'o bi' ne' cuaá re, cha' cua ndyu'ú yu chaca quiya'; cua tsaa ti ycui' yu nde Galilea nde loo la ji'i̱ cu'ma̱, ca bi' ña'a̱ ma̱ ji'i̱ yu. Tsa lo cua ti cha' ntsu'u cha' cacha̱' ji'i̱ ma̱ ―nacui̱ xca̱ ji'i̱ nu ngu' cuna'a̱ bi'.

SAN MATEO 12:48

Li' nguxacui̱ Jesús cha' ji'i̱ nu qui'yu bi': ―¿Tilaca nu chañi ca laca xtya'a̱ na'? ―nacui̱ Jesús ji'i̱―. ¿Tilaca nu chañi ca laca tya'a na'?

SAN MATEO 12:50

Tya'a na' laca lcaa ngu' nu ndu'ni ñi'ya̱ nu nti' Sti na' nu ntucua nde cua̱ cha' cua'ni ngu'; ñati̱ bi' laca ñi'ya̱ laca xtya'a̱ na', ñi'ya̱ laca tya'a na', masi nu qui'yu, masi nu cuna'a̱.