SAN MATEO 12:46 - Chatino Tataltepec

⁴⁶ Tya nchcui' Jesús lo'o ngu', li' ndyalaa xtya'a̱ lo'o tya'a Jesús, ndu̱ ngu' nde liya' cha' nti' ngu' chcui' ngu' lo'o Jesús.

SAN MATEO 12:46 Referans Kwoze

SAN MATEO 13:55

La cui' sñi' cuityi yaca laca yu re. ¿Ha si'i? Lo'o María laca xtya'a̱ yu; lo'o Jacobo, lo'o José, lo'o Simón, lo'o Judas, ngu' bi' laca tya'a yu re.

SAN JUAN 2:12

Tiya' la li' ngutu'u Jesús ndyaa yu nde quichi̱ Capernaum. Ndyaa yu lo'o xtya'a̱ yu, lo'o ngu' qui'yu tya'a yu, lo'o ngu' nu ndyaca tsa'a̱ ji'i̱ yu ndyaa ngu'; pana xti ti tsa̱ ndyanu ngu' ca bi'.

SAN JUAN 7:5

Jua'a̱ nchcui' ngu', cha' lo'o ngu' tya'a Jesús ni, ná jlya ti' ngu' ji'i̱ yu.

SAN JUAN 7:3

Lo'o li' nacui̱ nu ngu' qui'yu tya'a Jesús: ―Tyu'u nu'u̱ su ndi'i̱ nu'u̱ re, yaa nu'u̱ nde loyuu su cuentya Judea tso'o la ―nacui̱ tya'a yu ji'i̱ Jesús―. Ntsu'u tsa ngu' nu ndyaca tsa'a̱ jinu'u̱ cajua; tso'o culu'u nu'u̱ xi cha' tlyu nu ndu'ni nu'u̱ ji'i̱ ngu' bi'.

LOS HECHOS 1:14

Stu'ba ti nclacua ti' ngu' bi', lu'ba ti nchcui' ngu' lo'o ycui' Ndyosi. Lo'o tya'a Jesús ndi'i̱ lo'o ngu' bi', lo'o María xtya'a̱ Jesús, lo'o tyu̱u̱ tya'a nu cuna'a̱ nu ndya'a̱ lo'o yu.

SAN MARCOS 6:3

¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'. Chi̱i̱ nti' ngu' ña'a̱ ngu' ji'i̱ Jesús,

GÁLATAS 1:19

Ná na'a̱ na' ji'i̱ xa' tya'a ngu' nu ngua tsa'a̱ ji'i̱ Cristo tya clyo ca bi'; sca ti yu Jacobo tya'a Jesús nu Xu'na na, bi' nu cua na'a̱ na' ji'i̱.

1 CORINTIOS 9:5

Lo'o jua'a̱ taca caja clyo'o na' lo'o sca nu cuna'a̱ nu tya'a ngusñi na' cha' ji'i̱ Jesús, cha' tya'a̱ lo'o na' ji'i̱ tyucui̱i̱ lcaa su ndya'a̱ na' tyijyu', ni na' ji'i̱ ngu' bi'. Jua'a̱ ndu'ni tya'a ndya'a̱ na' cña, masi tya'a ycui' nu Xu'na na, masi Pedro, ntsu'u clyo'o ngu' bi'.

SAN JUAN 7:10

Ndyaa nu ngu' qui'yu tya'a Jesús ta'a. Ca tiya' la lo'o ycui' Jesús ndyaa. Ná ndyaa yu tsa tlyu ti lo'o xa' ñati̱, ycui' ti yu ndyaa yu cha' ná ña'a̱ ñati̱ ji'i̱ yu.

SAN LUCAS 2:48

Lo'o jua'a̱ ngu' cusu' ji'i̱ nu piti bi' ni, ndube tsa ti' ngu' bi' lo'o na'a̱ ngu' ji'i̱ yu cha' stu'ba ti ntucua yu lo'o ngu' tlyu bi'. Li' nchcui' xtya'a̱ yu lo'o yu: ―¿Ni cha' laca ngua'ni nu'u̱ jua'a̱, sñi'? ―nacui̱―. Quiña'a̱ tsa ngulacua ti' na' lo'o sti nu'u̱ macala su ndyanu nu'u̱.

SAN LUCAS 8:10

Ndi'ya̱ nguxacui̱ Jesús cha' ji'i̱ ngu': ―Cu'ma̱ nu ndya'a̱ ma̱ lo'o na', ntsu'u tsa cha' nu nxtyucua ycui' Ndyosi ji'i̱ ma̱ cha' caca cuayá' ti' ma̱ scaa cha' nu ntsu'u yacu̱' ti cua sa'ni la; bi' cha' taca ca cuayá' ti' ma̱ ñi'ya̱ culo Ni cña ji'i̱ ñati̱. Pana lo'o xa' ñati̱ ni, xcui' lo'o cña cua̱ nchcui' na' lo'o ngu' cha' ta na' sca cui̱i̱ lo'o ngu', cha' jua'a̱ ná caca cuayá' ti' ngu', masi na'a̱ ngu' nquicha'; ná sca cha' tyanu hique ngu', masi cua ndyuna ngu' nquicha'.

SAN MARCOS 2:21

’Chaca cha' ni, sca ngu' nu nchca ji'i̱ jyacua̱ late', nu lo'o cua'ni cho'o ste' cusu̱, ná talya sa yu'be late' cucui lo sca late' cusu̱, cha' tyatsii' late' cucui; hora ti tyati̱' jyacua̱ su ngalya bi' li'.

SAN JUAN 2:5

Masi jua'a̱ nchcui' yu, ndi'ya̱ nchcui' xtya'a̱ yu lo'o msu li': ―Cua'ni ma̱ ñi'ya̱ nu ñacui̱ yu cha' cua'ni ma̱ ―nacui̱.

SAN LUCAS 2:33

Li' ndube tsa ti' José lo'o xtya'a̱ Jesús, nu lo'o ndyuna ngu' cha' nu nchcui' Simeón lo'o ycui' Ndyosi, ñi'ya̱ nu caca ji'i̱ nu cubi' bi'.

SAN JUAN 2:1

Lo'o ngua sna tsa̱, li' ndyaa xtya'a̱ Jesús su ngujui clyo'o ngu' ca quichi̱ Caná nde loyuu su cuentya Galilea. Lo'o jua'a̱ cua nguane ngu' ji'i̱ Jesús lo'o ji'i̱ nu ngu' nu ndyaca tsa'a̱ ji'i̱, bi' cha' lo'o ngu' bi' ndyaa ngu' ta'a.

SAN LUCAS 2:51

Li' ndu'u nu piti bi' ndyaa nde Nazaret chaca quiya' lo'o ngu' cusu' ji'i̱ yu. Ña'a̱ ti tya ndaquiya' tsa yu ji'i̱ cha' nu nchcui' ngu' bi'. Lo'o jua'a̱ xtya'a̱ yu ni, nchco'o ma' lcaa cha' bi' ne' cresiya ji'i̱.

SAN MATEO 2:20

―Que ti' nu'u̱ ―nacui̱ xca̱ ji'i̱ yu―, tyatu̱ clya nu'u̱, tyaa lo'o nu'u̱ ji'i̱ nu piti lo'o ji'i̱ xtya'a̱ yu nde nasiyu̱ Israel chaca quiya' ―nacui̱―, cha' cua ngujuii ngu' tyaala nu ngua ti' cujuii ji'i̱ cubi' cua tya tsubi' la.

SAN MATEO 2:11

Li' ndyatí̱ ngu' ni'i̱ bi', na'a̱ ngu' ji'i̱ cubi' lo'o ji'i̱ María xtya'a̱ cubi'. Hora ti ndyatu̱ sti̱' ngu' tii bi' slo cubi' cha' cua'ni tlyu ngu' ji'i̱. Lo'o li' ngusati̱' ngu' yu'ba ji'i̱ ngu' cha' ta ngu' msta̱ ji'i̱ cubi' bi'; nda ngu' oro ji'i̱ cubi' bi', nda ngu' yana jo'ó nu quiña'a̱ tsa nga'a̱, lo'o jua'a̱ nda ngu' mirra ji'i̱ cubi' bi'. (Jua'a̱ naa sca taná yaca nu tyixi xtyi'i.)

SAN MATEO 1:18

Nde nscua na' ñi'ya̱ ngua lo'o ngula Jesucristo. Cua ngüiñi cha' ji'i̱ María bi', cha' caja clyo'o lo'o nu José sñi' Jacob bi'. Bilya tyalaa María slo José nu lo'o ngua cuayá' ti' nu María bi', cha' cua ntsu'u sñi'; cña ji'i̱ Xtyi'i ycui' Ndyosi ngua bi', cha' ngua tana María bi'.

SAN JUAN 19:25

Laja li' ndu̱ xtya'a̱ Jesús cacua ti su ngujui'i̱ ca'a̱ ngu' ji'i̱ yu lo crusi bi'. Ndu̱ lo'o sca nu cuna'a̱ tya'a ngula, lo'o María clyo'o Cleofas, lo'o María Magdalena.

SAN LUCAS 1:43

¿Tilaca ta laca na' cha' cua ndyalaa nu'u̱ nu caca xtya'a̱ nu Xu'na na ca slo na'?

SAN MATEO 12:47

Li' ndacha' sca ñati̱ ji'i̱ Jesús: ―Xtya'a̱ nu'u̱ lo'o tya'a nu'u̱, ndu̱ ngu' nde liya' ―nacui̱ yu ji'i̱ Jesús―. Cua nti' ngu' chcui' ngu' lo'o nu'u̱.

SAN LUCAS 2:34

Lo'o li' ngulacua̱ nu cusu' Simeón ji'i̱ ngu' bi'. Nde laca cha' nu nda nu cusu' lo'o María xtya'a̱ Jesús li': ―Quiña'a̱ tsa cha' tso'o caca ji'i̱ ngu' Israel xqui'ya cubi' re ―nacui̱ nu cusu' bi'―, masi ntsu'u ñati̱ nu chi̱i̱ ntsu'u tyiquee ngu' ña'a̱ ngu' ji'i̱, pana ntsu'u ñati̱ nu caja chalyuu cucui ji'i̱ xqui'ya cubi' re. Culo tu̱ cubi' re lcaa cha' nu ntsu'u yacu̱' ne' cresiya ji'i̱ ñati̱; caca cubi' re sca cha' tlyu nu cua nda ycui' Ndyosi ji'i̱ ñati̱, masi ná tyaja'a̱ lcaa ñati̱ tucuá cha' ji'i̱ ―nacui̱ Simeón ji'i̱ María xtya'a̱ cubi' bi'―. Lo'o jua'a̱ jinu'u̱ ―nacui̱ nu cusu' bi'―, tyacua sca cha' xñi'i̱ ti' jinu'u̱ xqui'ya cha' ná taquiya' ngu' ji'i̱ sñi' nu'u̱.