SAN MATEO 12:45 - Chatino Tataltepec

⁴⁵ Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.

SAN MATEO 12:45 Referans Kwoze

SAN LUCAS 11:26

Hora ti tsaa cui'i̱ chaca quiya', tsaana ji'i̱ chaca cati tya'a cui'i̱ cuxi nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi'; caja su tyi'i̱ cui'i̱ bi' lo'o ñati̱ bi' nti'. Caca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ yu li'.

SAN MARCOS 5:9

Li' nchcuane Jesús ji'i̱ yu quicha bi': ―¿Ni naa nu'u̱? ―nacui̱ Jesús ji'i̱. ―Quiña'a̱ tsa lo naa na' ―nacui̱ nu quicha―, cha' quiña'a̱ tsa tya'a cui'i̱ xña'a̱ ngusñi 'na ―nacui̱.

SAN MARCOS 16:9

La cui' tsa̱ clyo ji'i̱ semana ngua bi' lo'o ndyu'ú Jesús chaca quiya'. Clyo ndyu'u tucua yu slo María Magdalena. Tya tsubi' la cua ngua'ni yu jo'o ji'i̱ nu María bi', cua ngulo yu cati tya'a cui'i̱ cuxi nu ngusñi ji'i̱ nu cuna'a̱ bi'.

HEBREOS 10:39

Nu na ni, ná taca tya'a̱chu̱' na ji'i̱ cha' ji'i̱ Jesús; si tya'a̱chu̱' na ji'i̱ yu, chcuna' na tyucui ña'a̱ na, ña'a̱ lo'o cresiya ji'na li'. Pana laca na ñati̱ nu tsa cu' ti xñi na cha' ji'i̱ Ni, bi' cha' ndu'ni lyaá Ni ji'na ji'i̱ nu cuxi.

SAN MATEO 23:24

Nti' ma̱ culu'u ma̱ cha' ji'i̱ ycui' Ndyosi ji'i̱ xa' ñati̱; pana na cuityi̱' ycui' ca ma̱, cha' ndyacu̱' hique ma̱ ji'i̱ lcaa cha' liñi bi'. Ñi'ya̱ laca si nsubii ma̱ hitya cha' co'o ma̱, cha' ná co'o ma̱ na'ni sube nu ntsu'u lo hitya bi', pana ná ndu'ni cuentya ma̱ ji'i̱, si cua ntyucui̱' ma̱ sca na'ni tlyu la, ñi'ya̱ nti' sca camello.

SAN MATEO 12:24

Lo'o ndyuna ngu' fariseo cha' bi', xa' ña'a̱ cha' nchcui' ngu' bi' ji'i̱ Jesús: ―Sca ti chacuayá' ji'i̱ Beelzebú nu laca xu'na lcaa lo cui'i̱ cuxi, sca ti jua'a̱ nchca ji'i̱ nu qui'yu re culo ji'i̱ cui'i̱ cuxi nu ngusñi ji'i̱ ñati̱ ―nacui̱ ngu' fariseo bi'.

EFESIOS 6:12

Si'i na nxu̱u̱ tya'a na lo'o ñati̱ chalyuu ti, siya' la juersa ntsu'u ji'i̱ ngu' bi'; tya'a cusu̱u̱ na laca lcaa cui'i̱ cuxi nu ntsu'u nde cua̱. Nguula tsa nu bi', hasta ngua ti' bi' tyiji̱loo ji'i̱ ycui' Ndyosi; pana ná ngua ji'i̱. La cui' laca nu ngua ti' caca xu'na chalyuu, lo'o jua'a̱ nclyo bi' cña ji'i̱ ñati̱ cha' cua'ni ngu' lcaa lo cha' cuxi nde chalyuu juani.

SAN MATEO 23:15

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Tyijyu' tsa ndya'a̱ ma̱, masi tyucui̱i̱ nde lo yuu ti, masi tyucui̱i̱ nteje tacui ma̱ tyujo'o ndya'a̱ ma̱, cha' clyana ma̱ ji'i̱ ñati̱, masi sca ti ñati̱ nu tyaja'a̱ xtyanu ji'i̱ nu xa' la jo'ó nu ndu'ni tlyu yu ji'i̱, cha' xñi yu cha' nu culu'u cu'ma̱ ji'i̱ yu. Li' culu'u ma̱ ji'i̱ yu cha' caca yu sñi' cuiñaja nu tlyu la que cu'ma̱, cu'ma̱ nu ntsu'u cha' tsaa ma̱ ca bilyaa.

SAN MATEO 12:44

li' ñacui̱: “Tya'a na' ni, xtyu̱u̱ na' nde su nguti'i̱ na' clyo”. Jua'a̱ culacua ti' cui'i̱ cuxi bi'. Lo'o tyalaa cui'i̱ bi' slo ñati̱ bi', li' ña'a̱ cui'i̱ bi' cha' tya laja ndi'i̱ cresiya ji'i̱ ñati̱ su ngutu'ú nquicha'; si'i cha' ngua tso'o la ñati̱ bi'.

SAN MATEO 17:21

Lo'o jua'a̱ cha' culo ma̱ ji'i̱ cui'i̱ cuxi bi' ni, ná ca culo ma̱ ji'i̱ cui'i̱ bi' si ná cua'a ma̱ xi ji'i̱ ycui' ca ma̱; tso'o si ná cacu ma̱ tyaja laja lo'o chcui' ma̱ lo'o ycui' Ndyosi cuentya ji'i̱ nu quicha bi'. Jua'a̱ cua'ni ma̱ ña'a̱ cuayá' nu tyu'u cui'i̱ bi' tyaa.