SAN MATEO 12:44 - Chatino Tataltepec

⁴⁴ li' ñacui̱: “Tya'a na' ni, xtyu̱u̱ na' nde su nguti'i̱ na' clyo”. Jua'a̱ culacua ti' cui'i̱ cuxi bi'. Lo'o tyalaa cui'i̱ bi' slo ñati̱ bi', li' ña'a̱ cui'i̱ bi' cha' tya laja ndi'i̱ cresiya ji'i̱ ñati̱ su ngutu'ú nquicha'; si'i cha' ngua tso'o la ñati̱ bi'.

SAN MATEO 12:44 Referans Kwoze

1 JUAN 4:4

Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.

1 JUAN 2:19

Tya clyo ndyu'u ti'i̱ nu ngu' cuiñi bi' lo'o na, lo'o li' ngutu'u ngu' bi' ndyaa ngu'; si'i ñati̱ tya'a ntsu'u cha' ji'na lo'o Jesucristo laca ngu' bi'. Si chañi cha' tya'a ndya'a̱ na laca ngu' bi', cua ndyanu ngu' lo'o na nquicha'; pana ngutu'u ngu' bi', cha' taca ca cuayá' ti' na cha' si'i lcaa ñati̱ nu ndyu'u ti'i̱ lo'o na laca tya'a ngusñi na cha' ji'i̱ Jesucristo.

1 CORINTIOS 11:19

Si jua'a̱ ná stu'ba ntsu'u cha' ji'i̱ ma̱ lo'o tya'a ma̱, chañi tiya' la li' taca ca cuayá' ti' na tilaca nu chañi ca ndaquiya' cha' ji'i̱ Jesús.

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

SAN JUAN 13:27

Lo'o ngusñi Judas ji'i̱ tyaja bi', la cui' hora bi' ndyatí̱ ycui' nu xña'a̱ nu naa Satanás, ndyaa ne' cresiya ji'i̱ nu Judas bi'. Li' nacui̱ Jesús ji'i̱: ―Yaa clya nu'u̱ lquichi̱ cua hi̱.

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

SAN JUAN 12:6

Cha' cuaana Judas, bi' cha' nacui̱ jua'a̱, si'i cha' tya'na ti' ji'i̱ ngu' ti'i. Ycui' ca Judas laca loo ji'i̱ cuiji̱ su ntsu'u cñi ji'i̱ ngu' tya'a ndya'a̱ lo'o Jesús, pana na ntyucuaana Judas cñi nu ntsu'u ji'i̱ lcaa ngu' bi'.

SAN MATEO 12:29

’Sca ñati̱ nguula ni, ná caja ñi'ya̱ tyatí̱ ngu' to' tyi yu cha' cuaana ngu' yu'ba ji'i̱ yu; sca ti si sca̱' ngu' ji'i̱ xu'na ni'i̱ clyo, taca cuaana ngu' na nu ntsu'u ji'i̱ yu bi' li'.

SAN MATEO 12:43

’Lo'o xtyanu cui'i̱ cuxi ji'i̱ sca ñati̱, li' tya'a̱ yu'u cui'i̱ bi' ne' quixi̱' tyijyu' su ná ntsu'u ñati̱; tsaa cui'i̱ cuxi bi' tsaana su chca'a̱ cña' xi. Lo'o ná quije su chca'a̱ cña' bi' ni,

SAN MATEO 12:45

Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.

SAN LUCAS 11:25

Lo'o tyalaa cui'i̱ bi' slo ñati̱ bi' chaca quiya', li' ña'a̱ cha' laja ti ndi'i̱ cresiya ji'i̱ ñati̱ bi', si'i na ngua tso'o la yu bi'.