SAN MATEO 12:13 - Chatino Tataltepec

¹³ Lo'o li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Lo'o nchquiñi nu quicha bi' ya', hora ti ndyaca tso'o ya' nu quicha, stu'ba ngua bi' lo'o chaca tsu' ya'.

SAN MATEO 12:13 Referans Kwoze

SAN LUCAS 13:13

Lo'o li' ngusta ya' Jesús hichu̱' ma'. Hora ti ngüiñi tyucuí̱ hichu̱' ma'. Li' nacui̱ ma' cha' tlyu tsa cña ndu'ni ycui' Ndyosi.

SAN MATEO 8:3

Li' ngutacui ya' Jesús lo nu quicha bi', ngusta ya' su ndyatsu' cuaña' yu. ―Cua'ni na' jo'o jinu'u̱ ―nacui̱ Jesús ji'i̱ nu quicha bi'―. Tyanu lubii cuaña' nu'u̱ juani ―nacui̱. Hora ti ngua tso'o nu quicha bi', ngua lubii cuaña' yu.

SAN MATEO 11:5

Cacha' ma̱ cha' nu cua na'a̱ ma̱ ca nde ji'i̱ yu; cacha' ma̱ ji'i̱ cha' ndu'ni na' cha' ndyaca tso'o cloo ngu' nu ngua cuityi̱', cha' ndya'a̱ ngu' nu ngua quicha quiya', cha' ngua lubii cuaña' ngu' nu ndyatsu' cuaña', cha' nduna ngu' nu ngua cu'u̱ jyaca̱, cha' ndyu'ú ngu' chaca quiya' nu cua ngujuii, cha' nchca cuayá' ti' ngu' ti'i ñi'ya̱ nu cua'ni lyaá ycui' Ni ji'i̱ ñati̱ chalyuu ji'i̱ nu cuxi.

LOS HECHOS 28:8

Ngua quicha sti Publio; ntsu'u tyique' ji'i̱, lo'o jua'a̱ cutse' tañi ndyu'ni ji'i̱. Ndyaa na'a̱ Pablo ji'i̱ sti Publio bi' li'. Nchcui' yu lo'o ycui' Ndyosi cuentya ji'i̱ nu quicha bi', ngusta ya' yu chu̱' nu quicha; hora ti ngua tso'o nu quicha bi' li'.