SAN MATEO 12:10 - Chatino Tataltepec

¹⁰ Li' na'a̱ yu cha' ndi'i̱ sca nu qui'yu nu quicha ya', cha' cua nchcu̱' tyucuí̱ sca tsu' ya'. Li' nchcuane ngu' ji'i̱ Jesús: ―¿Ha ntsu'u chacuayá' ji'na cha' cua'ni na jo'o ji'i̱ ngu' quicha tsa̱ ta'a, nu lo'o nga'a̱ cha' tyi'i̱ cña' na? ―nacui̱ ngu' ji'i̱ Jesús. Nti' tsa ngu' bi' sta ngu' qui'ya hichu̱' Jesús.

SAN MATEO 12:10 Referans Kwoze

SAN LUCAS 13:14

Pana nu qui'yu nu laca loo ne' laa bi' ni, ngunasi̱' tsa yu bi', cha' ngua'ni Jesús jo'o ji'i̱ ngu' tsa̱ ta'a. ―Scuá tsa̱ tso'o cha' cua'ni na cña ―nacui̱ nu laca loo bi'―, bi' tsa̱ tso'o cha' tya̱a̱ ma̱ cha' caca jo'o ji'i̱ ma̱; nga'aa ca̱a̱ ma̱ tsa̱ ta'a li' ―nacui̱.

SAN JUAN 9:16

Li' ntsu'u xi ngu' fariseo nu nacui̱: ―Si'i slo ycui' Ndyosi ya̱a̱ nu Jesús bi', bi' cha' ná ndaquiya' yu tsa̱ ta'a ji'i̱ ngu'. Lo'o jua'a̱ ntsu'u xi xa' ñati̱ nu nchcui' ji'i̱ yu ndi'ya̱: ―¿Ñi'ya̱ caca ji'i̱ yu bi' cua'ni yu cña tonu cuentya ji'i̱ ycui' Ndyosi si jua'a̱ ntsu'u tsa qui'ya ji'i̱ yu? Ná stu'ba cha' nu nchcui' ngu' bi' ji'i̱ Jesús.

SAN JUAN 8:6

Na nchcui' cuayá' ti ngu' bi' lo'o Jesús, cha' cua nti' ngu' caja cha' ji'i̱ ngu' ñi'ya̱ caca sta ngu' qui'ya ji'i̱ Jesús. Bi' cha' ñi'ya̱ nu nga'a̱ ti yu ndati'i̱chu̱' yu xi, nguscua lo'o sne ya' ti yu lo yuu.

SAN JUAN 5:10

Bi' cha' nchcui' nu ngu' judío bi' lo'o nu ngua quicha bi': ―Tsa̱ nu ndi'i̱ cña' ngu' laca juani ―nacui̱ ngu' bi' ji'i̱―. Ná ntsu'u chacuayá' jinu'u̱ tsiya' ti cha' tya'a̱ lo'o ji'i̱ jaa' cua hi̱ juani.

SAN LUCAS 11:54

Ngua ti' ngu' bi' cuna ngu' sca cha' cuxi si tyu'u tsaa tu'ba Jesús, cha' li' caja ñi'ya̱ nu sta ngu' bi' qui'ya ji'i̱ yu.

SAN MATEO 12:2

Li' na'a̱ ngu' fariseo cha' ndyu'ni ngu' jua'a̱, nchcui' ngu' lo'o Jesús li': ―¿Ha ná jlo ti' ma̱ cha' ná ntsu'u chacuayá' cua'ni na cña juani, cha' tsa̱ nu ndi'i̱ cña' na laca? ―nacui̱ ngu' bi' ji'i̱ Jesús―. Nu ngu' cua nu ndyaca tsa'a̱ jinu'u̱ ni, ¿ni cha' laca ndyu'ni ngu' cña juani lacua?

SAN JUAN 5:3

Tyi'i̱ ca to' tayu' piti bi' ndacui ca'yu tya'a corredor su ndi'i̱ quiña'a̱ tsa ngu' quicha; nu cuityi̱', nu cu' quiya', nu nchcu̱' tyucuí̱, ndi'i̱ ngu' ca bi' ntajatya ngu' ña'a̱ cuayá' nu quiña lo hitya tayu' bi'.

SAN LUCAS 23:2

Ca bi' nguxana ngu' ngusta ngu' qui'ya ji'i̱ Jesús: ―Cua ngusñi ya ji'i̱ nu qui'yu re, cha' ndatsaa tsa yu ji'i̱ ngu' judío tya'a ya. Nacui̱ yu cha' ná ntsu'u chacuayá' ta ya cñi cña loo ya ji'i̱ nu laca cña ji'i̱ cu'ma̱, ngu' romano; lo'o jua'a̱ lye tsa nchcui' yu cha' ycui' yu laca Cristo, ñi'ya̱ si laca yu rey ji'i̱ ya ―nacui̱ ngu' ji'i̱ Pilato.

SAN LUCAS 23:14

Nchcui' yu lo'o ngu' li': ―La cui' cu'ma̱ ñaa lo'o ma̱ ji'i̱ nu qui'yu re slo na', nu nacui̱ ma̱ cha' lye tsa ndu'ni yu cha' ná tyi'i̱ ti̱ ti ngu' ―nacui̱ yu ji'i̱ ngu'―. Pana cua nchcui' na' lo'o yu re slo lcaa cu'ma̱; cua na'a̱ ma̱ cha' ná nquije ni sca qui'ya ji'i̱ yu 'na, ñi'ya̱ nu qui'ya nu ngusta cu'ma̱ ji'i̱ yu.

SAN LUCAS 20:22

Tyu'u cha' clyu ti' jinu'u̱, cacha' liñi nu'u̱ ji'i̱ ya: ¿Ha ntsu'u chacuayá' ji'na cha' ta na cñi cña loo na ji'i̱ rey tlyu nu ndi'i̱ xa' tsu' bi', o tso'o la si ná ta na cñi cña loo ji'i̱ rey bi'? ―nacui̱ ñati̱ bi' ji'i̱ Jesús.

SAN MATEO 19:3

Laja li' lijya̱ xi ngu' fariseo slo Jesús cha' chcui' cuayá' ngu' lo'o yu si caca tyiji̱loo ngu' ji'i̱ yu, ngua ti' ngu'. ―¿Ha ntsu'u chacuayá' cuentya ji'na cha' xtyanu sca ñati̱ ji'i̱ clyo'o yu tsiya' ti, si nga'aa nti' yu ji'i̱ nu cuna'a̱ bi'? ―nacui̱ ngu' ji'i̱ Jesús.

SAN MARCOS 3:2

Ña'a̱ tsa xi ngu' tacati, nu ngu' fariseo bi', ña'a̱ tsa ngu' ji'i̱ Jesús si cua'ni yu jo'o ji'i̱ nu quicha bi', cha' tsa̱ ta'a nu ndi'i̱ cña' ngu' judío ngua. Nti' ngu' tlyu bi' quijeloo qui'ya cha' sta ngu' hichu̱' Jesús.

SAN JUAN 7:23

Nu lo'o ndu'u scua snu' tsa̱ tya lo'o ngula sñi' ma̱, ndu'ni ma̱ cña bi', masi ndi'i̱ cña' ngu' cha' ta'a, cha' ndaquiya' ma̱ lcaa cha' nu cua nda Moisés lo'o na. Bi' cha' juani, ¿ni cha' laca cha' ñasi̱' ma̱ 'na? ―nacui̱ Jesús―. Laca cha' ngua'ni na' cha' ngua tso'o sca ñati̱, masi sca tsa̱ ndi'i̱ cña' ngu' ngua bi'.