SAN MATEO 11:8 - Chatino Tataltepec

⁸ ¿Ni cha' laca ndyaa ma̱ cajua lacua? ¿Ha na'a̱ ma̱ ji'i̱ sca nu qui'yu nu tso'o tsa ña'a̱ ste' yu? Si'i jua'a̱, cha' nu ngu' nu lacu' ste' tso'o tsa ña'a̱ ni, ndi'i̱ ngu' bi' slo ngu' culiya' nu laca loo.

SAN MATEO 11:8 Referans Kwoze

SAN MATEO 3:4

Lo'o nu Juan bi' ni, lacu' yu sca late' quicha̱' camello, lo'o jua'a̱ ndyaaca̱' juata sii' yu; ndacu yu tscu' lo'o cuiñaa' cuityu̱.

APOCALIPSIS 11:3

li' ta na' tucua tya'a ñati̱ nu ca̱a̱ chalyuu cha' chcui' ngu' lcaa cha' nu nti' na' ta na' lo'o ñati̱. Tyucuaa ngu' bi' tsatu̱ ngu' cla'be quichi̱ bi' tyempo li' ―nacui̱ Ni 'na―, ña'a̱ cuayá' tya'a tii tyucuaa siyento ntucua snayala tsa̱ tyu̱ ngu' bi'. Tyucui tyempo cacu' ngu' bi' late' ngata, cha' tonu tsa cha' nu ta ngu' lo'o ñati̱, ñi'ya̱ nu cua'ni na' nde loo la.

2 CORINTIOS 11:27

Tucui tsa cña nu ndyacua 'na, ti'í tsa cña ndyacua 'na ca su ndya'a̱ na', ña'a̱ cuaya' tyu̱u̱ tsa quiya' ná ngua caja' na'; ntsu'u quiya' ntyute' na', jua'a̱ ntsu'u quiya' nguityi na' hitya, lo'o jua'a̱ ntsu'u tsa̱ nu ná ngujui tsiya' ti na cacu na', ntsu'u tsa̱ lo'o lye tsa nchca tlya' na', la cui' jua'a̱ ná ngujui late' cacu' na'. Lcaa cha' bi' ndyacua 'na ca su ndya'a̱ na'.

1 CORINTIOS 4:11

Masi la cui' tyempo juani ti ntsu'u quiya' lo'o ná ndyiji na cacu ya, ná ndyiji na co'o ya, masi late' cusu̱ lacu' ya ntsu'u quiya'; ntyiji'i̱ ngu' ji'i̱ ya, ni ná ntsu'u tyi cua, xcui' na ndya'a̱ yu'u ti ya.

SAN MATEO 11:7

Lo'o cua ndyaa ngu' bi', li' nguxana Jesús nchcui' yu cha' ji'i̱ Juan bi' lo'o nu quiña'a̱ tsa ñati̱ nu ndi'i̱ cajua: ―Nu lo'o ndyaa ma̱ ne' quixi̱' su nguti'i̱ Juan ca su ná ndi'i̱ ñati̱, ¿na ca ngulacua ti' ma̱ cha' ña'a̱ ma̱ ca ndacua? ―nacui̱ Jesús ji'i̱ ngu'―. ¿Ha na'a̱ ma̱ sca yaca quii nu nchcuta̱ cui'i̱ ji'i̱? Si'i jua'a̱.

SAN MATEO 11:9

Ná tyiquee' ngua tii ma̱ cha' laca Juan sca ñati̱ nu laca tu'ba ji'i̱ ycui' Ndyosi. Chañi cha' laca yu jua'a̱, pana tlyu la cña ngujui ji'i̱ Juan.

SAN LUCAS 7:25

¿Na laca ngua ti' ma̱ lo'o na'a̱ ma̱ ji'i̱ yu bi' lacua? ¿Ha tso'o tsa ste' yu lo'o na'a̱ ma̱ ji'i̱ yu ca bi'? Cua jlo ti' ma̱ cha' si'i ne' quixi̱' ndi'i̱ ñati̱ nu tso'o tsa ste', si'i ne' quixi̱' ndi'i̱ ñati̱ nu ntsu'u tsa cñi ji'i̱ cha' culiji jua'a̱ ti; to' tyi nu culiya' nu laca rey, ca bi' ndi'i̱ ngu' bi'.