SAN MATEO 11:30 - Chatino Tataltepec

³⁰ Cha' tso'o laca cha' nu ca tsa'a̱ ma̱ 'na; ná tucui cha' bi', lo'o jua'a̱ lasa ti cña nu ta na' ji'i̱ ma̱.

SAN MATEO 11:30 Referans Kwoze

1 JUAN 5:3

Si chañi cha' ntsu'u tyiquee na ña'a̱ na ji'i̱ Ni, taquiya' na ji'i̱ cha' nu chcui' Ni lo'o na li', cha' si'i sca cña nu tucui tsa laca cha' taquiya' na ji'i̱ scaa cha' nu nchcui' Ni.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

FILIPENSES 4:13

Cua nda ycui' Cristo juersa 'na cha' talo na' ji'i̱ cua ña'a̱ ca cha', na laca nu tyacua ti xi 'na.

GÁLATAS 5:1

Cua ngua'ni lyaá Cristo ji'na, cha' taca tyi'i̱ tso'o ti na chalyuu. Bi' cha' ña'a̱ ti tya tyi'i̱ tso'o ti ma̱ chalyuu lacua; nga'aa ta ma̱ tyempo cha' caca loo xa' ñati̱ ji'i̱ ma̱, ñi'ya̱ si cua ngüi'ya ngu' ji'i̱ ma̱ cha' cua'ni ma̱ cña ji'i̱ ngu'.

GÁLATAS 5:18

Lo'o taquiya' ma̱ ji'i̱ cha' nu nda Xtyi'i ycui' Ndyosi cha' tyanu ne' cresiya ji'i̱ ma̱, li' nga'aa si'i cha' cusu' nu nda ñati̱ ti nu caca loo ji'i̱ ma̱ li'.

LOS HECHOS 15:10

Lo'o nu juani, ná ndiya ti' ma̱ cña nu ngua'ni ycui' Ni lo'o ngu' bi'; nti' ma̱ cha' cua'ni ngu' bi' lcaa cña ñi'ya̱ nu nguxtyanu jyo'o Moisés ji'na. Pana tucui tsa cña bi', ná ngua ji'na tsiya' ti cua'ni na lcaa cña bi'; ni lcaa jyo'o cusu' ji'na, ná ngua ji'i̱ ngu' cua'ni ngu' cña tucui bi'.

2 CORINTIOS 4:17

Si'i na tlyu tsa cha' ti'í nu ndyacua ji'na chalyuu re juani, xti ti tyempo talo cha' ti'í bi'; pana tiya' la ni, tlyu tsa cha' tso'o nga'a̱ cha' tyacua ji'na ca slo ycui' Ndyosi, lo'o ná nga'a̱ cha' tye bi' tsiya' ti. Ná stu'ba cha' ti'í re lo'o cha' tso'o nu nga'a̱ cha' tyacua ji'na nde loo la.

LOS HECHOS 15:28

Nguxtyucua Xtyi'i ycui' Ndyosi ji'i̱ cuare lo'o nchcui' ya lo'o tya'a ya, bi' cha' ndi'ya̱ ti chcui' ya lo'o ma̱ juani, cha' ná tso'o si culo ya xa' la cña tucui ji'i̱ ma̱:

SAN MATEO 12:1

Lo'o ngua tsa̱ ta'a nu ndi'i̱ cña' ngu' judío, li' ndyaa Jesús su nscua xtya̱ trigo ji'i̱ ngu' lo'o ngu' nu ndyaca tsa'a̱ ji'i̱. Cua ntyute' ngu' nu ndyaca tsa'a̱ ji'i̱, bi' cha' ngusuu ngu' xi si'yu trigo cha' cacu ngu' ña'a̱ ye'e ti.