Biblia Todo Logo
Bib sou entènèt

- Piblisite -




SAN MATEO 11:29 - Chatino Tataltepec

29 Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

Gade chapit la Kopi




SAN MATEO 11:29
38 Referans Kwoze  

Ñati̱ nu nchcui' lo'o xa' la ngu' cha' ñati̱ ji'i̱ Jesucristo laca ycui', ntsu'u cha' cua'ni ñati̱ bi' cña, cua ña'a̱ ca cña nu ngua'ni ycui' Jesucristo.


Ngua ti' na' cha' ña'a̱ ma̱ ñi'ya̱ nu ngua'ni na', cha' ñi'ya̱ ngua'ni na' lo'o nguxtyucua na' ji'i̱ ma̱, jua'a̱ ntsu'u cha' cua'ni ma̱ cha' xtyucua ma̱ ji'i̱ tya'a ma̱ ―nacui̱ Jesús ji'i̱ ngu' nu ndyaca tsa'a̱ ji'i̱―.


’Lcaa ñati̱ nu cuna tso'o cha' nu nchcui' na' re, lcaa ñati̱ nu taquiya' tso'o ji'i̱ cha' nu nchcui' na', laca ñati̱ bi' ñi'ya̱ laca sca ñati̱ nu ngulacua xi ti' nu lo'o tya lyiji cuiñá yu ni'i̱ ji'i̱. Lo'o li' ngüiñá yu bi' ni'i̱ ji'i̱ yu chu̱' sca quee cuaja'.


Tiya' la li', lo'o cua ngua lcaa cha' ji'i̱ Jesús cha' cua ngua'ni yu cña nu cua nda ycui' Ndyosi ji'i̱ yu cha' cua'ni yu, tya li' ntucua quiya' cha' cua'ni lyaá Jesús ji'i̱ cua ña'a̱ ca ñati̱ chalyuu nu tyaja'a̱ cua'a̱ jyaca̱ ji'i̱ cha' nu cua nchcui' yu lo'o; ná tye tsiya' ti cha' cua'ni lyaá Ni ji'na ji'i̱ cha' cuxi nu ntsu'u ji'na.


Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.


Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.


Tso'o si culacua ti' ma̱ ñi'ya̱ nclyacua ti' ycui' Jesucristo. Ndi'ya̱ ngua cha' ji'i̱ yu:


Cacha' ma̱ ji'i̱ ngu' quichi̱ Sión: “Ña'a̱ ma̱ ña'a̱ cha' cua lijya̱ ti nu laca loo ji'i̱ ma̱. Ná tyaala nu cusu' bi', hichu̱' huru ti ntyucua yu. Sca huru cuañi' laca ni', sñi' na'ni nu ndyi'ya yu'ba laca huru cuañi' bi'.”


Ntsu'u cha' tyiji̱loo na ji'i̱ lcaa cha' cuiñi nu nchcui' ngu' ji'i̱ Cristo; jua'a̱ ntsu'u cha' tyiji̱loo na ji'i̱ lcaa cha' cuxi nu tiji̱' tsa ti' ngu' ji'i̱, nu ndaca'a tsa ji'i̱ ngu' cha' ná xñi ngu' cha' ji'i̱ ycui' Ndyosi. Nu lo'o cua nguxtyanu ngu' ji'i̱ lcaa cha' cuxi bi', li' taca cua'ni na cha' taquiya' ngu' ji'i̱ cha' nu ntsu'u ji'i̱ Cristo.


Tyi'u ti' ma̱ ji'i̱ cña nu ngulo ya ji'i̱ ma̱ cuentya ji'i̱ Jesús nu Xu'na na,


Lo'o juani lo'o ngua cuayá' ti' ma̱ lcaa ña'a̱ cha' nu nda ca ti na' lo'o ma̱, tso'o tsa caca tyiquee ma̱ li', si taquiya' ma̱ ji'i̱ cha' bi' ―nacui̱―.


Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.


Li' xcube' ycui' Ndyosi ji'i̱ cua ña'a̱ ca ñati̱ nu ná ntaja'a̱ taquiya' ji'i̱ Ni, lo'o jua'a̱ xcube' Ni ji'i̱ ñati̱ nu ná ntaja'a̱ xñi cha' tso'o ji'i̱ ycui' Jesús nu Xu'na na.


Ngu' xa' tsu' ni, ná nga'a̱ cha' taquiya' ngu' ji'i̱ cha' nu laca ji'i̱ ngu' judío. Bi' cha' ñi'ya̱ si laca na' ñati̱ tya'a ngu', jua'a̱ ndi'i̱ na' lo'o ngu' xa' tsu' li', cha' tso'o la xñi ngu' bi' cha' ji'i̱ Cristo. Laja li' ndaquiya' na' lcaa cha' nu nda ycui' Ndyosi Sti na lo'o na, cha' jua'a̱ nga'a̱ cha' caca si taquiya' na ji'i̱ Cristo.


La cui' Moisés ngua nu nchcui' lo'o ngu' bi' ndi'ya̱: “Cua ngulo ycui' Ndyosi cña jna' cha' ta na' cha' ji'i̱ Ni lo'o ma̱, la cui' jua'a̱ culo Ni cña ji'i̱ chaca ngu' tya'a na nde loo la”, nacui̱ nu Moisés bi' ji'i̱ ngu' nu ngua li'.


Li' ndu'u ngu' quichi̱ bi', ndyaa na'a̱ ngu' xi ji'i̱, na ca ngua. Lo'o ndyalaa ngu' su nga'a̱ Jesús, li' na'a̱ ngu' ji'i̱ nu qui'yu nu ntsu'u cui'i̱ xña'a̱ ji'i̱ tsa̱ la, cha' juani tso'o ti yu; lacu' yu ste' yu, ti̱ ti ntucua yu nde slo quiya' Jesús. Ndyutsi̱i̱ tsa ngu' li'.


Swiv nou:

Piblisite


Piblisite