SAN MATEO 11:26 - Chatino Tataltepec

²⁶ Chañi cha' jua'a̱ nti' ycui' nu'u̱, cha' caca cuayá' ti' ngu' nu ná jlo ti' tsiya' ti.

SAN MATEO 11:26 Referans Kwoze

2 TIMOTEO 1:9

cha' ycui' Ndyosi laca nu ngua'ni lyaá ji'na; cua ngusubi Ni ji'na cha' cua'ni na cña nu nti' Ni cha' cua'ni na. Ntaja'a̱ Ni cua'ni lyaá Ni ji'na cha' tso'o tyiquee ti Ni, masi si'i xqui'ya cha' tso'o nu ngua'ni ycui' ca na. Ntsu'u tsa tyiquee Ni ña'a̱ Ni ji'na; jua'a̱ laca cha' nu ngulu'u Jesucristo ji'na, cha' ngua ti' ycui' Ndyosi cua'ni Ni cha' tso'o lo'o na nu lo'o tya lyiji cuiñá Ni chalyuu.

EFESIOS 3:11

Ngua'ni Ni cha' tlyu bi', nu lo'o nda Ni ji'i̱ Jesucristo nu Xu'na na ñaa chalyuu, ñi'ya̱ nu ngua ti' Ni cua'ni Ni tya lo'o bilya tya' chalyuu.

EFESIOS 1:11

Lcaa cha' nu ndyaca nde chalyuu, ndyaca bi' xqui'ya cha' nti' Ni cha' caca jua'a̱. Lo'o jua'a̱ na ni, tya clyo cua ngusubi Ni ji'na cha' caca na ñati̱ ji'i̱ Ni, cha' caca stu'ba cha' ji'na lo'o Cristo, xqui'ya cha' jua'a̱ nti' ycui' Ndyosi cha' caca.

EFESIOS 1:9

Ñi'ya̱ nu ngua'ya cha' hique Ni tya sa'ni, jua'a̱ ngua'ni Ni li'; masi ná ndacha' Ni ji'i̱ ñati̱ chalyuu nu ngua sa'ni ñi'ya̱ caca cha' bi', tya li' ngua ti' Ni cha' cua'ni Ni cha' cala Cristo nde chalyuu. Hasta juani cua ngua cuayá' tso'o ti' na ñi'ya̱ ngua ti' ycui' Ndyosi cha' cua'ni Ni xqui'ya Cristo;

ROMANOS 9:18

Ca cuayá' ti' na li', cha' tya'na ti' Ni ña'a̱ Ni ji'i̱ cua ña'a̱ ca ñati̱ nu nti' Ni cua'ni tya'na ti' Ni ji'i̱; jua'a̱ ndacu̱' Ni cha' ji'i̱ cua ña'a̱ ca ñati̱ nu nti' ti Ni tacu̱' Ni cha' ji'i̱, cha' nga'aa cuna ngu' cha' ji'i̱ Ni.

SAN LUCAS 10:21

Sca hora bi' tso'o tsa ntsu'u tyiquee Jesús xqui'ya cha' ndi'i̱ Xtyi'i ycui' Ndyosi lo'o yu. Bi' cha' nchcui' Jesús lo'o ycui' Ndyosi Sti yu li': ―Sti na', cua'ni chi̱ na' loo ycui' nu'u̱ juani. Nu'u̱ laca ycui' Ni nu laca loo nde cua̱, jua'a̱ laca nu'u̱ loo nde lo yuu. Cua ngutu'u yacu̱' ti cha' bi' cuentya ji'i̱ ñati̱ nu ngua tya sa'ni la, cha' ná ca cuayá' ti' ngu' cha' bi' tsiya' ti, masi nchca tsa ji'i̱ ngu'; pana tsa xlya'be hi̱ cha' cua ngulu'u tso'o nu'u̱ cha' bi' ji'i̱ ñati̱ jua'a̱ ti juani, masi ná jlo tso'o ti' ñati̱ bi'. Ndyu'ni tlyu na' jinu'u̱ cha' jua'a̱ ngua ti' ycui' nu'u̱ cha' caca ―nacui̱ Jesús ji'i̱ ycui' Ndyosi.

SAN LUCAS 22:42

―Sti na' ―nacui̱ yu―, ¿ha ná ntsu'u xi xa' la ña'a̱ nu caca cua'ni na' cña re, cha' nga'aa chcube' la na' lo'o cña tlyu re jinu'u̱? ―nacui̱ Jesús ji'i̱ ycui' Ndyosi Sti yu―. Pana nti' na' cha' cua'ni na' cua ña'a̱ ca cña nu nti' nu'u̱ cha' cua'ni na'.

SAN LUCAS 23:34

Lo'o tya ndi'i̱ ngu' nu ngujui'i̱ ca'a̱ ji'i̱ ngu' lo crusi, li' nchcui' Jesús lo'o ycui' Ndyosi Sti yu: ―Sti na' ―nacui̱ yu―, cui'ya nu'u̱ cha' clyu ti' ji'i̱ ngu' re, cha' ná jlo ti' ngu' ni cha' laca ndyu'ni ngu' jua'a̱. Li' ndacha ngu' sendaru bi' ste' Jesús ji'i̱ tya'a ngu' laja lo'o ndijya ti ngu' lo'o tya'a ngu'.

SAN JUAN 11:41

Li' ngulotsu' ngu' quee nu ndyacu̱' tu'ba tyuquee bi'. Li' nguxña'a̱ Jesús nde cua̱. ―Sti na' ―nacui̱ Jesús li'―, tsa xlya'be hi̱ cha' cua ndyuna nu'u̱ cha' nu nchcui' na' lo'o nu'u̱.

SAN JUAN 12:27

Tya nchcui' la Jesús lo'o ngu' li': ―Quiña'a̱ tsa cha' nclyacua ti' na' juani. ¿Ha tso'o la si jña na' ji'i̱ ycui' Ndyosi Sti na' cha' cua'ni Ni cha' ná tyacua cha' cuxi re 'na? Si'i, ná chcui' na' jua'a̱. Cua ndyalaa hora 'na juani cha' caca lcaa cña nu nga'a̱ cha' caca 'na.

SAN JUAN 12:28

Li' nchcui' Jesús lo'o ycui' Ndyosi Sti yu: ―Sti na', tso'o la si caca tlyu ycui' nu'u̱. Li' nguañi nchcui' ycui' Ndyosi nde cua̱. Ndi'ya̱ nchcui' Ni: ―Cua laca ndu'ni tlyu ngu' ji'i̱ ycui' ca na', lo'o jua'a̱ tya caca tlyu la na' chaca quiya' xqui'ya nu'u̱.