SAN MATEO 11:23 - Chatino Tataltepec

²³ Lo'o cu'ma̱ ngu' Capernaum ni, ¿ha tso'o tsa quichi̱ tyi ma̱ nti' ma̱? ¿Ha laca quichi̱ tyi ma̱ loo ji'i̱ xa' quichi̱ nti' ma̱? Pana nde loo la quiñu'u̱ tsiya' ti quichi̱ tyi ma̱, tyaa ycui' ma̱ ca bilyaa li'. Quiña'a̱ tsa cha' tlyu ngua'ni na' slo cu'ma̱, lo'o ná jlya ti' ma̱ 'na tsiya' ti. La cui' jua'a̱ nu ngua sa'ni, xña'a̱ tsa ngua ngu' quichi̱ Sodoma; pana ná na'a̱ jyo'o ngu' bi' cha' tlyu ñi'ya̱ nu cua na'a̱ cu'ma̱ ngu' Capernaum. Si cua na'a̱ ngu' cha' bi', cua ngua tyuju'u ti' ngu' ji'i̱ cha' cuxi nu ngua'ni ngu' li', cua ngulochu̱' ngu' ji'i̱ cha' cuxi bi'; tya nscua quichi̱ tyi ngu' bi' juani lacua.

SAN MATEO 11:23 Referans Kwoze

SAN MATEO 4:13

Pana ná ndyanu yu nde Nazaret; nguxcutsa'a̱ yu su ndi'i̱ yu, ndyaa yu ca quichi̱ Capernaum to' tayu'. Nscua quichi̱ bi' loyuu su ndu'ni ngu' sa'ni cha' su cuentya Zabulón lo'o su cuentya Neftalí laca bi'.

APOCALIPSIS 11:8

Li' tyanu tyucuaa jyo'o bi' ca su ntsiya ngujuii to' calle quichi̱ tlyu bi', la cui' quichi̱ su ngujui'i̱ ca'a̱ ngu' ji'i̱ ycui' nu Xu'na na lo crusi. Xña'a̱ tsa ngu' quichi̱ bi', bi' cha' ntsu'u sca cha' nu nchcui' ñati̱ ji'i̱, cha' ñi'ya̱ ngua ngu' quichi̱ Sodoma cua sa'ni, la cui' ñi'ya̱ ngua ngu' quichi̱ Egipto cua sa'ni, jua'a̱ laca ngu' quichi̱ tlyu bi' juani.

JUDAS 1:7

Lo'o jua'a̱ tyi'u ti' ma̱ ji'i̱ quichi̱ Sodoma lo'o quichi̱ Gomorra lo'o xa' la quichi̱ nu ndi'i̱ cacua ti; ñi'ya̱ ngua'ni ngu' xca̱ bi' cha' cuxi, jua'a̱ lye tsa ngua'ni cuxi nu jyo'o cusu' nu nguti'i̱ quichi̱ bi', hasta nu ngua'ni suba' ngu' lo'o tya'a qui'yu ti ngu'. Cua ndyujuii ycui' Ndyosi ji'i̱ lcaa ngu' quichi̱ bi' lo'o quii' tlyu ji'i̱ Ni li'. Jua'a̱ ca cuayá' ti' lcaa ñati̱ ña'a̱ cha' tlyu nu nchca ji'i̱ ycui' Ndyosi ndu'ni Ni; la cui' lo'o sca quii' tlyu nu ná nga'a̱ cha' tyubi' tsiya' ti, jua'a̱ xcube' Ni ji'i̱ lcaa ñati̱ nu ndu'ni cha' cuxi.

LOS HECHOS 2:27

Ná tyanu cresiya jna' su ndi'i̱ jyo'o, xqui'ya cha' ná ta nu'u̱ chacuayá' catsu' cuaña' na' jua'a̱ ti, cha' ntsu'u tsa tyiquee nu'u̱ ña'a̱ nu'u̱ jna';

SAN LUCAS 14:11

Cua ña'a̱ ca ñati̱ nu nti' cha' tlyu la cha' laca ji'i̱ ycui', bi' laca nu ca tyuju'u ti' ca tiya' la; lo'o nu ñati̱ nu xti ti cha' ntsu'u tyiquee ycui' yu, xtyucua ycui' Ndyosi ji'i̱ yu bi' li', cha' caca tlyu la tyiquee yu ca tiya' la.

SAN MATEO 16:18

Pedro naa nu'u̱, lo'o jua'a̱ caca nu'u̱ ñi'ya̱ laca sca quee quiya' ni'i̱. Nu lo'o nchcui' nu'u̱ tsa̱, cha' liñi laca nu nchcui' nu'u̱; bi' laca su̱u̱ cha' ji'i̱ ñati̱ 'na, cha' tso'o tsa ndyanu tachaa cha' nu nchcui' nu'u̱ jua'a̱. Ná taca ji'i̱ cuiñaja, ni cui'i̱ cuxi, ni jyo'o, ni tsaca ñati̱, ná taca ji'i̱ ngu' tsiya' ti tyiji̱loo ngu' ji'i̱ ñati̱ 'na, masi cajaa ñati̱ 'na xqui'ya cha' cuxi.

SAN MATEO 8:5

Lo'o li' ndyalaa Jesús to' quichi̱ Capernaum. Quichi̱ bi' ndyacua tya'a lo'o sca capitán ji'i̱ sendaru romano nu ndijña ji'i̱ Jesús cha' cua'ni jo'o ji'i̱ sca nu quicha:

SAN LUCAS 16:23

Pana nu lo'o cua ntsu'u nu culiya' bi' su nchcube' yu ca bilyaa, li' ngusicua̱ hique yu na'a̱ yu ji'i̱ jyo'o cusu' Abraham tyijyu' ti, lo'o jua'a̱ na'a̱ yu cha' stu'ba ti ntucua jyo'o Lázaro lo'o.

SAN LUCAS 4:23

Li' nguxacui̱ Jesús cha' ji'i̱ ngu' bi': ―Ná tyiquee' tiya' la xi ta ma̱ cha' re lo'o na': “Si nu jo'o laca nu'u̱, cua'ni nu'u̱ jo'o ji'i̱ ycui' ca lacua”. Lo'o jua'a̱ ná tyiquee' ñacui̱ ma̱ jna': “Cua ndyuna ya cha' ji'i̱ lcaa cña tonu nu ngua'ni nu'u̱ nde quichi̱ Capernaum bi'”, ñacui̱ ma̱. “La cui' jua'a̱ cua'ni nu'u̱ nde quichi̱ tyi na lacua, cha' ña'a̱ ya xi”, ñacui̱ ma̱ 'na li'.

SAN MATEO 17:24

Cua tsa̱ xi ndyalaa ngu' quichi̱ Capernaum, lo'o li' ndyalaa xi ngu' nu laca cña ne' laa slo Pedro; nxuti'i̱ ngu' bi' cñi cuentya ji'i̱ laa tonu nu ntucua nde Jerusalén. Li' nchcui' ngu' bi' lo'o Pedro: ―Nu mstru ji'i̱ ma̱ ni, ¿ha lo'o yu nda yu cñi ne' laa bi'? ―nacui̱ ngu' ji'i̱ Pedro.

SAN MATEO 10:15

Cha' liñi nchcui' na' lo'o ma̱, cha' nu lo'o tyalaa tsa̱ nu cua'ni cuayá' ycui' Ndyosi ji'i̱ lcaa ñati̱, li' xcube' tsa Ni ji'i̱ ngu' quichi̱ su ná ntaja'a̱ ngu' cuna ngu' cha' nu culu'u ma̱ ji'i̱ ngu'; tsa̱ bi' ca tso'o la cha' ji'i̱ ngu' cuxi nu nguti'i̱ quichi̱ Sodoma, nu nguti'i̱ quichi̱ Gomorra nu ngua sa'ni.

SAN LUCAS 10:15

Lo'o cu'ma̱ ngu' quichi̱ Capernaum ni, nti' ma̱ cha' tso'o tsa caca ji'i̱ quichi̱ tyi ma̱. ¿Ha ná lo'o xcube' Ni ji'i̱ ma̱ nti' ma̱? Pana culo'o Ni ji'i̱ ma̱ cha' tyaa ma̱ ca bilyaa. Tya nchcui' la Jesús lo'o nu snayala tyii tya'a ngu' bi' li':

LOS HECHOS 2:31

Ngua cuayá' ti' yu tya sa'ni la cha' ntsu'u cha' tyu'ú nu Cristo bi' chaca quiya' lo'o cua ngujuii, bi' cha' nchcui' yu cha' ná tyanu cresiya ji'i̱ Cristo su ndi'i̱ jyo'o, ná catsu' cuaña' Cristo li'.

APOCALIPSIS 1:18

Ycui' Ni nu lu'ú ca laca na' ―nacui̱ Ni―. Cua ngujuii na' nu ngua li', pana xa' ndyu'ú na' chaca quiya', lo'o juani nga'aa tye cha' lu'ú na'. Na' nclyu̱ cña lo'o ndyijii ñati̱, jua'a̱ la cui' na' nclyu̱ cña macala su tyaa cresiya ji'i̱ ngu'.

APOCALIPSIS 6:8

Li' na'a̱ na' cha' ndu̱ sca cuayu nu ngatsi ña'a̱. La Muerte naa nu ntucua hichu̱' cuayu bi', cha' bi' laca nu ndyaa ndyujuii ji'i̱ ñati̱; nde chu̱' bi' ngutu'u lca'a̱ tsa tlyu ti cresiya ji'i̱ ngu' jyo'o. Ntsu'u chacuayá' ji'i̱ yu bi', cha' cujuii yu ji'i̱ ña'a̱ tsaca yu'be ñati̱ nu ndi'i̱ chalyuu; lcaa ni'i̱ su ndi'i̱ jacua tya'a ñati̱ ni, cujuii yu ji'i̱ tsaca tya'a ngu' li', masi lo'o caca cha' cusu̱u̱ ji'i̱ ngu', masi lo'o caca jbi'ña ji'i̱ ngu', masi lo'o quicha ngu', masi lo'o cua'ni xña'a̱ na'ni tyaala lo'o ngu'.

APOCALIPSIS 20:13

Li' chaca quiya' ndyu'ú ñati̱ nu cua ngujuii lo hitya tyujo'o, jua'a̱ chaca quiya' ndyu'ú ñati̱ nu ndyalo'o La Muerte ji'i̱, jua'a̱ chaca quiya' ndyu'u xa' la jyo'o ca su nga'a̱ cha' tsaa ngu' lo'o ndyijii ngu'; lcaa ngu' bi' ndu'u ngu' lijya̱ ngu'. Li' ngua cuayá' ji'i̱ lcaa ngu' cuentya ji'i̱ lcaa cña nu ngua'ni ngu' lo'o ya̱a̱ ngu' chalyuu.