SAN MATEO 11:18 - Chatino Tataltepec

¹⁸ Nu lo'o ñaa Juan bi' ni, ntsu'u quiña'a̱ tsa na nu ná ndacu yu, nu ná ndyi'yu yu. Lo'o li' nchcui' ma̱ ji'i̱ yu: “Ntsu'u cui'i̱ xña'a̱ ji'i̱ yu, bi' cha' ndu'ni yu jua'a̱”, nacui̱ ma̱.

SAN MATEO 11:18 Referans Kwoze

SAN LUCAS 1:15

cha' nu bi' caca sca ñati̱ tlyu nde loo ycui' Ndyosi. Ná co'o Juan bi' lcui ngatsi, lo'o jua'a̱ ni sca lo lcui ná co'o yu. Tya hora nu cala yu, li' tyanu Xtyi'i ycui' Ndyosi ne' cresiya ji'i̱ yu.

SAN MATEO 3:4

Lo'o nu Juan bi' ni, lacu' yu sca late' quicha̱' camello, lo'o jua'a̱ ndyaaca̱' juata sii' yu; ndacu yu tscu' lo'o cuiñaa' cuityu̱.

SAN JUAN 10:20

Ntsu'u tsa ngu' nu nacui̱ ndi'ya̱: ―Ñi'ya̱ nti' sca nu xña'a̱, jua'a̱ nti' yu cua. Na tonto yu. Ná ntsu'u cha' cuna na cha' nu nchcui' yu cua.

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

SAN JUAN 7:20

―Ñi'ya̱ nti' sca nu xña'a̱, jua'a̱ nti' nu'u̱ ―ndu'ni ngu' ji'i̱ Jesús li'―. ¿Tilaca nti' cujuii jinu'u̱ lacua?

SAN MATEO 10:25

Sca ti cuayá' cha' ti'í caca ji'i̱ ngu' cuañi' bi' li', ñi'ya̱ nu ndyaca ji'i̱ mstru ji'i̱ ngu'; sca ti cuayá' cña ti'i̱ caca ji'i̱ msu bi' li', ñi'ya̱ nu ndyaca ji'i̱ xu'na ngu'. Bi' cha' taca ca cuayá' ti' ma̱ cha' ti'í tsa chcui' ngu' ji'i̱ ma̱ nu ntsu'u cha' ji'i̱ ma̱ lo'o na', cha' laca̱ nu Xu'na ma̱; cua nchcui' ngu' cha' Beelzebú nu xu'na cuiñaja laca na'.

1 CORINTIOS 9:27

Nchcube' na' ji'i̱ ycui' ca na', cha' talo chalyuu 'na, cha' ná xtyanu ti'i̱ Ni 'na tsiya' ti. Quiña'a̱ tsa cha' cua ngulu'u na' ji'i̱ xa' ñati̱ cuentya ji'i̱ ycui' Ni, lo'o jua'a̱ ntsu'u cha' taquiya' ycui' na' ji'i̱ cha' bi'.

LOS HECHOS 26:24

Nu lo'o nchcui' Pablo jua'a̱ lo'o ngu', li' lye nchcui' Festo lo'o: ―Na loco nu'u̱, Pablo ―nacui̱ Festo ji'i̱―. Cha' lye tsa nchcui' nu'u̱ lo quityi, bi' cha' cua ngüichi̱ yaa hique nu'u̱ ―nacui̱.

SAN MATEO 9:34

Pana xa' ña'a̱ nchcui' ngu' fariseo bi': ―Na nclyo nu Jesús jua ji'i̱ cui'i̱ cuxi nu ngusñi ji'i̱ ngu' xqui'ya nu xu'na cuiñaja nu nda chacuayá' cha' cua'ni yu jua'a̱ ―nacui̱ ngu' fariseo bi'.

SAN MATEO 11:17

“¿Ni cha' ná ntyaja'a̱ ma̱ cula quiya' ma̱? Na nclya'a ya xi ji̱i̱ cha' ji'i̱ ma̱”, nacui̱ nu sube bi'. “¿Ni cha' ná ntyaja'a̱ ma̱ ca xñi'i̱ ti' ma̱ lo'o cua? Na nclya'a ya marcha, na nxi'ya ya nga'a̱ ya.” La cui' jua'a̱ ndyu'ni cu'ma̱ ñati̱ chalyuu juani; xcui' na taja ti' ma̱, ná tso'o ntsu'u tyiquee ma̱ tsiya' ti ña'a̱ ma̱ ji'i̱ tya'a ñati̱ ma̱.

SAN MARCOS 3:22

Lo'o li' lijya̱ mstru nu nclyu'u cha' jo'ó ne' laa tonu ca Jerusalén. Nchcui' mstru bi' lo'o ngu': ―Ngusñi Beelzebú xu'na lcaa lo cui'i̱ cuxi ji'i̱ Jesús cua ―nacui̱ mstru bi'―, bi' cha' lo'o chacuayá' ji'i̱ nu xña'a̱ bi' nchca ji'i̱ yu culo ji'i̱ cui'i̱ cuxi nu ngusñi ji'i̱ ñati̱.

SAN JUAN 8:52

Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.